尋找星波波味道

是晚，肥人受靚sales 姐姐邀請，帶同老公去享受酒店餐廳 --  沙嗲軒 的美食
我選擇在5月22日去食....什麼特別?hahahhaaaaa....是日拍拖九十個月紀念日....

沙嗲軒...聽聞集團旗下每間酒店都有間...因為集團boss是星波波人....(如果我沒記錯!)
今次來，已經是第二次......上次都是同Sales 姐姐...其實上次食過....都有點念念不忘....想同老公來試一次~

餐廳環境好舒適~

facebook 真係好多食店都有page呢~


令我最念念不忘的，就是這個薏米水!
濃郁薏米味.....但飲就會覺得有淡淡清甜味...最喜歡就是 -- 清甜而不膩!
夏天飲絕對一流...而且清清地....就算之後的美食濃味都有薏米水解解膩!

由於我已點了薏米水..所以迫老公點別的~
柑桔梳打 -- 老公試了一啖...即刻要同我交換......
因為他不愛酸.......而這杯飲品是偏酸的......配濃味既星馬菜...其實是夾的!
不過我都是喜歡薏米水呢............

串燒 - 豬牛雞每樣一串.......
串燒...very good!
外表燒到少少燶但肉質是軟的...不像一般串燒，內外都乾....
仲有個good既地方，就是肉及竹枝不會痴在一起....所以就算一串同老公兩份分....都好easy 就分到..讚!
中間的青瓜及洋蔥......可以同肉一起食...
我就將青瓜單食...
洋蔥就同肉一起配醬食...yummy...超夾!
醬汁令洋蔥既辛辣味cover 掉了....帶來淡淡洋蔥味....正!
我試過單食洋蔥.....辛辣味好勁...我估計是紫洋蔥的關係

最讚其實是呢個醬...中間黃黃的，應該是菠蘿........味道好夾呀!!
好有驚喜...第一次見呢~

星馬菜...點可以不吃海南雞呢.....雖然老公不愛食雞...但當年我們去星波波...老公都說不得不試下!
所以今晚我們都有點選海南雞呢~

忘了我們的份量是什麼.....是職員建議的份量...他怕我們吃不完~
不過這個份量真的剛剛好.....每人都食到4件雞!
雞肉滑嫩無骨，雞皮滑嘟嘟，連戒掉雞皮既我都忍不住...把雞皮通通食了...膽固醇又要超標啦!
(醫生我對不起你啦)
老公今晚大讚海南雞.....拜託....教我如何弄得滑嘟嘟....等我解決老公不愛食雞的問題

雞都好好食...但我愛這個飯更多....
超香......啖啖都是薑的香味...真的....好好好好好好香!
湯都熱的...老公及我都大讚....因為我們兩個都覺得...湯是熱的，是最最最最最基本的事!

捨不得食完的飯...真的...yummy!

食食下飯...有song wo..原來會有singer 自彈自唱.......

就是這個胡椒蟹.......挑起我對星波波的想念!
味道....與當年在星波波食的.....一樣!
入口是胡椒的辣...並不是辣椒的辣.....胡椒痴滿外殼，所以外殼較濃味!
內裏是沒胡椒的，但由於每一啖都會經過外殼，形成肉是充滿淡淡的胡椒香而且肉質非常鮮嫩!

蟹好大.....真的可以啖啖肉!正面:

側面

挑開蟹蓋....蟹身整齊地排好~
一人有三隻蟹身...
而於蟹拑......當然由老公幫我啦~

餐廳有提供工具的...各位男士大可放心地為女士服務
不過....廚師都有體恤男士們的.....蟹殼其實已碎了不少.....
所以就算著住西裝的老公，都輕易又不弄髒地為我處理好蟹拑~

老公為我處理蟹拑中，我就努力為蟹影寫真~

wa.....辛苦老公了...真的好大隻呀!
show 下肥人隻肉酸手指....呢張相...真的同星波波影的那張一樣!!

星馬又點會少了炒通菜呢?
其實我想食芥蘭但老公不愛......
炒通菜....好大碟呀.......味道都ok!
我同老公第一句都話: 超爽脆!


最後點了甜品......老公說好飽....那就點一個就算~
就點了炸香蕉!
有點似中式點心....不過香蕉味不算太濃......
外皮炸到脆...

內有淡淡香蕉味.........不算太甜...i like it!


餐廳間於酒店內...我估計應該不多人知道....今晚大多數是酒店的房客光臨..本地客人比較少~
我覺得沙嗲軒都幾適合一班朋友來...因為可以傾多久就多久及每份食物都大大份...share 絕對無難道
職員都非常nice....換碟加水服務都十分殷勤..基本我們都不需要提出要求.....職員已主動為你做好.......而且每一個都充滿笑容.....亦會為客人推介食物...我見隔離那台客人查問菜色問題，職員們都能一一解答......
價錢呢....酒店服務...高質素食物.....價錢真的一點都不貴!
胡椒蟹都是二百多...跟一般的東南亞餐館接近....所以大家都可以試試....這個價錢於酒店內餐廳真的...有少少驚喜!

今晚我們都好滿意...食完餐飯，我地就去探探那隻剛入完醫院的巨鴨lu~