20141231

2014年...今日已經係來到最後一日啦...
今年有喜有悲，都但總算一家人平平安安齊齊整整地渡過!
未來一年，願望都係一樣....全家人健健康康，平安地渡過!
HaPpy New YEAR 呀大家~ ~ ~ ~ 

桃桃桃~

寫過之前既BLOG 先!

中秋前後，同同事齊齊去網購桃.....

從日本直送過黎既~

原本，我都唔知日本GE桃係咁好食架....

舊年我同事係日本買左桃回來比我地做手信...

我一食就覺得不得了...

所以今年決定網購!

65蚊大大個....未切開已經有陣陣桃香....

忍到回家食埋晚飯，我終於都忍唔住啦!

一開4.....啖啖肉.....又香又多汁......美味到不得了....

不過老公就覺得還好啦...

(他本來不算太喜歡食桃)

下年...我都要再買!!!

龜龜龜

肥人娘家...養左隻龜龜~
龜龜是有一年清明節...肥人爸爸掃完墓回家途中見到...就執左龜龜回來養啦~
呢隻龜龜已經係我家住左快兩年.....

平時只要肚餓，佢就會爬出廁所搵人餵佢...食飽飽佢就會乖乖地係廁所唔出來....

冬天呢...龜龜知道我地沖涼，佢會即時爬去有水流既地方，齊齊嘆番個熱水涼~
到我地沖完，佢就會爬返入自己個兜度~
(龜會係我地沖緊涼先會爬出黎，平時去廁所果d佢唔會爬架)

兩個星期前開始涼.....見媽沖完涼有熱水淨...我就開d熱水落龜龜個兜度...
轉個頭再入廁所一睇......哈哈哈哈哈哈...你有無咁嘆呀?!
手手腳腳都伸晒出黎....真係好似好舒服咁wo!!
佢真係好似好enjoy咁...哈哈!

back la~~~

肥人返黎啦........之前唔好既事已經過去左啦!!

肥人同老公都心情已經回復番啦....不過都希望以後順順利利!

好啦...肥人會努力打番blog架啦.....無打成個月....希望大家仲會黎睇我既blog 啦，我會努力架啦!

衰運?

十月,對肥人兩公婆黎講,真係行衰運!
老公工作唔順利,肥人真係好擔心好唔開心!

雖說上天關左度門但都會留番隻窗比你...
但真係好擔心好唔開心好想喊!

不過又唔想令已經好煩惱ge 老公煩上加煩
我唯有自己收埋......

我同自己講既然發生左,我地都要勇敢面對!
我要堅強架,我要安慰老公,仲要支持佢架!
雖然佢表面上好似無咩特別
不過我知佢係唔開心

究竟,我地幾時先會發現呢隻窗係邊?

周圍食@add~

祝我生日快樂祝我生日快樂....哈哈!
八月第六日，係肥人既生日~

是日，肥人都悉心打扮一番...哈哈!
11點左右...收到老公送既花...多謝呀~

是夜...老公接我放工再去食DINNER~
去左食自助餐.......
一入門口就見到最愛既生蠔啦..即開....yummy!

每次限拎3隻...不過不是太多人，所以有時候都不用排就可以拎啦!

魚生款式都幾多....仍幾新鮮.......

 冷海鮮有長腳蟹，螺，同充滿膏既蟹蓋...
食完真係充滿罪惡感呀...哈哈!

姊妹聚會@simplylife

真係超耐啦呢餐....

話說八月份同幾位姊妹食左餐LUNCH~
BDAY LUNCH~.....就左好耐時間先就到今日下午...哈哈!
大家都好忙~

是日我地去左大角咀既simplylife.....
三大一小叫左三個SET....超飽...但仍好貴...LUNCH 黎講!
仲要有限時間呀......傾唔夠就要走啦...OH NO!


ALL DAY BFAST......
普普通通啦~

已經唔記得咩意粉...比小朋友食...但太硬...小朋友都不太咬到!

好忙呀~

肥人我又失左蹤...今次不是去旅行了...
是因為公私事都太忙了!

中秋前後，肥人忙住焗月餅....YEAH...
成功了啦....所以不停焗焗焗再送送送.....
過左中秋..肥人上司就正式離左職...
肥人要幫忙接手少量原本是上司既單....又增左工作量....
所以...每天都忙忙忙....

加上這週肥人又病左....唉...
真係呢....希望肥人快忙完，再有時間打blog 啦....
我好掛住你地呀... >_<:

周圍食@2014第一餐生日飯

八月都完啦...肥人都未開始講自己生日...哈哈!

7月尾，已經有朋友約左我去食生日飯..謝謝喔~
我揀左去上環街市食THAI菜...之前食過都幾好食架!
聽聞都幾出名...雖說係街市但座無虛席呀!

食THAI 菜點少得椰青呢?

想食THAI 式炒芥蘭但不是太多人喜歡...最後都係通菜!
正常的通菜~

焗焗焗......Blueberry muffin

肥人我搞東搞西中....哈哈!
食飽飽thai 菜回家....就開工整Muffin...
因為明天回娘家又應承左媽媽整比佢食~


買左盒現成既...百佳有售....大約36蚊~

開工!

點做..跟住啦~

其實係將d 粉倒晒出黎......mix 埋雞蛋, 油同水.....

package 本身有罐Blueberry...

一罐有好多架....不過我覺得好多色素.......

mix 好晒所有材料就可以拎去焗啦~
肥人我擺左少少新鮮既Blueberry 落面.....

焗好後忘記影相...唯有用番上次焗既成品來代替...哈哈!

 其實我覺得仲可以更好...下次我要自己一手一腳整先得~

媽媽覺得好好食...伯娘覺得甜左少少

堂姊妹們覺得甜度剛好.....

我真係要研究自己由頭整到落尾...

然後整特少糖比長輩們~

少糖既比堂姊妹們....哈哈!

拍拖dinner@725

7月25日....又係同事口中比姨媽更準既紀念日..哈哈!
今日兩公婆唔玩煮飯仔...決定去觀塘食thai 菜...
今次揀左King & I~
同集團既食店....我同老公都食左不少~

是日...好多人等位..
由於2人台多，所以人少反而更易有位!

軟殼蟹米卷....好大份呀!
食得有少少麻煩...因為好多料..好快就散開晒~

超like呢個....豬頸肉!
肉嫩滑到不得了呀!!!
我同老公都超鍾意，希望我有機會搵到食譜試整!

忙碌的一天

7月某個星期六...肥人好忙!
一早起身早餐都無食就坐車去左Jordan做我成世女最怕既事...
請看下圖:

去年書展join左雜誌既訂閱，會藉有積分喎!

某日有個姐姐打黎話積分快到期，叫我快換禮物...

咁岩肥人身體又怪怪...就加錢買左個body check 啦!

當肥人身體不再怪怪...就慣得去check...一直擺到就快過期啦....

老公再三催促我去...哈哈!

唯有頂更上......

呢日，一個鐘左右肥人就完成所有檢查......

最怕既抽血竟然排到最後先做!

全程都處於緊張!

不過我好好彩呀...今次抽血位姨姨技術非常之好，完全唔痛呀!

(好多朋友成日問肥人點解怕抽血都可以去捐血)

(幫到人嘛可以......雖然捐血果日我會成日都好好好緊張!)

奶黃月餅....體驗中!

話說肥人我，去年就突然想試整奶黃月餅...
但想整既時候...中秋都快過啦!

今年...肥人提早重燃心中團火... XP
係淘寶訂左個月餅模，50G的!

某日...肥人就開工啦!
奶黃餡材料如下....哈哈!

餅皮材料如下:

鮮蝦雲吞

來自大澳既肥人....娘家最多既...可能就是係海鮮~

早幾個星期...爸爸出海時捉到幾斤海蝦....
老公又喜歡食蝦...所以就帶左二十多隻出來打算給老公食!
點知那個星期太忙....不是每晚都煮飯....
到煮飯時，又忘記左將蝦解凍...
結果...一星期都未食....

鮮味可能已經減左不少...
所以決定用來包鮮蝦雲吞啦!
係街市買左4蚊雲吞皮，十幾蚊豬肉就可以開工啦!

以前有跟媽咪學包，所以今次難度不高呢!
切碎豬肉及黑木耳...蝦就一開4或5
用鹽糖生抽燒油豆粉及麻油醃大約一小時就可以包啦!

一共包左40多粒呀!

20140625 Taipei Bday Trip@Day 4

最後一日啦...今日以食為主...哈哈!

一起身就去CHECK OUT 啦.....之後就出發去渡小月啦~
老公來台多次都未嘗試過，今次就安排左去啦~
我地兩個人...食左少少野就走啦....真係唔太好意思!

朋友聚會 -- 茶木

是晚，約了朋友交收手信~

朋友說很想試試茶木...好啦....我其實都想試!

六點半左右去到茶木....waaaa...排滿人!
拎飛等位....足足排左一個鐘零四十五分鐘!
(見朋友想試就堅持一下啦..如果平時我應該走左一萬世lu)

好不容易入座啦.....限時九十分鐘!
排隊時間比用餐時間長呀!!!
叫左兩個set 加小食...三個人share!

沙律.....連碟都凍冰冰的...完全係一早整好放入雪櫃，需要時再取出!

我亦忘了朋友點了什麼飲啦......賣相幾好...

中招了!

話說肥人前一排係團購見到有特價自助餐...
$2XX...有七隻蠔提供任食!
見到有七款生蠔就雙眼發晒光既肥人就買左兩張同老公去食啦!

點知.......去到觀塘，越行越唔對路....
點解係工廠區內既?!

見到老公時仲問老公仲要行幾耐...
點知老公就答我: 到左啦...樓上就係...
下?! 樓下係間茶記黎架WO!!!!

老公仲話我無睇過Openrice就買左團購.....

都黎到啦.....唯有..照去!
自助餐?!加加埋埋既野食都無30款呀!!!
七款生蠔呢?!無咯!!!
係輪流供應七款呀一個月內!
又話任食?!有...但不是全晚供應咯!!!!
每人每次限拎三隻~


熟食不多....又少refill...


湯有兩款...但中湯已經一早飲晒兼無再refill過..我連樣都未見過!!
魚生......真係....refill過兩次咋!!!

試食...白蘭氏!

今篇係無收廣告費架~
(之前都有參加過白蘭氏既試用活動)

前一排係白蘭氏網站既新產品試用，仲要寄上門呀!
新產品喎，梗係試下啦~
話晒白蘭氏，我估無問題既!


過左兩個星期左右啦，當肥人我已經忘記左呢件事時..
就收到啦!!!!!

收左之後我都呆左一呆...什麼黎的?!
信件內有三包新產品...介紹及一百蚊網上coupon!

20140624 Taipei Bday Trip@Day 3 - 九份 + 饒河夜市

去完猫村，我地就坐番火車去瑞芳啦，一個站，好快到~
去到瑞芳第一件事...唱錢!!
因為得番1-2K台幣咋....

去到瑞芳其實都兩點多...好迷茫呀....眼見到既地方都無銀行!
最後衝左入旅遊中心問...好彩...附近有~

唱錢時又出現問題...無帶入台證!!
oh no.....不過好彩...無入台證只係無發票，而唔係唔比唱....
離開時見到...原來銀行係收3點半架...
唱完已經3點有多啦...真係...好好好好彩呀!

有錢啦...心都定番~
即刻去食野先...哈哈!

是旦衝入間牛肉麵.....點知好好食!
如果去瑞芳，大家都可以試下...係火車站附近架咋~

20140624 Taipei Bday Trip@Day 3 - 猴碉猫村

老公愛猫，所以我地就來到猫村行下!
係車站望出去，已經見到猫猫啦!

娘家的天空

真係無文字形容到.....
娘家的天空....永遠都係咁美麗!
雖然少左隻咸蛋黃.... :P

大家來到大澳...會不會因為人太多而錯失左某些美麗既風景?!

星期六旁晚7點.....寧靜了.......

這才是美麗的大澳喔!

簡易方法?!

如果你一早已經識用此方法..請別笑肥人我大鄉里!!

記得上年，我整芒果布甸比娘親及大少食時...

芒果起肉令我起到媽媽聲.....仲諗住不會再整!

今年，我係某GROUP 入面學會新方法....

當晚，半信半疑既我決定一試....

方法請看下圖:

 

一隻玻璃杯!!!!

真係快到無朋友架...仲可以留住芒果既肉汁於杯內....

真係一舉兩得呀!!!

以後整芒果布甸不用煩啦.....而家係快靚正呀!!

20140623 Taipei Bday Trip@Day 2 - 士林夜市

去完淡水，我地就坐捷運去士林夜市啦!

 一落車就見到成地都濕晒.....waaaaa....落左場大雨呀剛剛..
突然覺得自己好好運......
去到士林第一時間去搵食...因為我已經餓到不得了啦!!!
點知.....剛比完錢就....落大雨!!!!!
oh no....被迫成袋食物有得拎無得食.....
好慘呀!!!!
仲要一路揀食物時一路聞到香味...更餓!
點知一比完錢就.......... >_<

首次....自己染髮!

肥人我....一向都有去salon染開髮嘛...
但頭髮又長得好好好好好好好快.....
4月染完...而家已經長左2-3吋....

今次又不想去salon 住...
因為肥人九月做姊妹，打算一次過九月先去整頭啦!
但又受不了又黑又啡

某日...肥人終於都的起心肝...
決定一試普通既染髮用品!

今次揀左Revlon 3D既31號色....棕紅色!

根據本身髮色呢...我應該係會變第三格既色...

20140623 Taipei Bday Trip@Day 2 - 淡水

去完水產市場...我地就去淡水啦!
去左三次淡水，都無機會行過淡水中學, 紅先城等等....
今次決定去行下!

一出淡水站，就係老街啦!

老公, 生日快樂!!

係台北既第二日，就係大少生日啦~

由於世界盃期間...大少一返到酒店就望住個電視眼都唔眨...
生日禮物未能於12點送出 >_<

到半場...終於都可以拎份神秘禮物出黎啦!


大少問: 從來都不睇波既你...點識買同印名呀?

對...從不睇波既我....識什麼呀?!
一開始連買什麼size都不太知道呀!!!

唯一知道既係...老公捧車路士...
(仲要係拍左拖六年都不知道，婚後先知..勁無?! XD )

20140623 Taipei Bday Trip@Day 2 - 上引水產

 今早起身...算有少少陽光啦終於!
不過已經太晏去唔切九份等等啦..唯有改去上引水產!

早餐就去左食美觀園....係酒店附近架.....百年老店!

肥媽海南雞飯

肥媽海南雞飯...你試整過未?!
真係very easy 架!!!

所有材料放晒入電飯煲就得，一路煮一路香噴噴呢!

快d 試下啦~

Taipei Bday Trip@Day 1

肥人又無啦啦失蹤左幾日...大家習慣左未?
hahhahaaaaa

肥人今次靜雞雞飛左去台北4日呀.....
係永安網上訂位真係又快又方便......(真係好過門市多多聲呀!)
而且早排做緊優惠...package 只需要千多元!
雖然我搶不到千多元既package
不過我今次都係HKD2200一個人，還好吧!

情侶裝?!

復活節假期...肥人老公飛甩左肥人，自己同細佬去左旅行!

肥人其實樂得清閒，仲請埋假係娘家住左4日呢~
到老公回港，肥人一大清早就去機場接機....
夜晚仲煮左餐住家飯過老公食~
(佢去左cebu 潛水，日日都食西餐呢~)

回到家後...老公就送手信比肥人啦.....
依....係一件衫......當老公拎住肥人件衫時...
我已經心諗...你肯定買多左件要同我做情侶裝啦!
心諗完...老公已經從另一個袋找左佢果件出黎.....

除左肉麻既情侶裝，老公買左一埋零食比我呀!

 真係happy 啦...最愛食薯片呀...yeah!