大肥人來啦~: 2017

2017年12月9日星期六

20171124 - Iron Wedding Trip@Tokyo

是日要去築地市場...

由於同事話如果我們不是去最出名的食店, 就不用太早過去!

為左可以訓覺...我倆決定不吃最出名的食店..hahaaa

八點多才出門, 先去買地鐵一日卷 (600yen)!

先去築地 (M25>M16/H08>H10) 約30分鐘

由於時間不夠, 我們決定只行外市場!

一行到入去...WA....口水都流埋呀!

好想食好想食好想食...

老公叫行多陣睇下有無其他店先...好...唯有!!

好多乾瑤柱賣...老公計過係平過香港但我們沒買...

(原因: 我都不知道)

水果都好新鮮好平....

可惜老公不吃柑....又不太愛蘋果....唉!

蟹呀蟹呀....又可惜..只有兩個人...

行左陣見有燒鰻魚串...先啪左再行啦!

老公食元貝...

兩串都麻麻地....

2017年12月5日星期二

20171123 - Iron Wedding Trip@Tokyo

原來肥人已經失蹤左成個月...哈哈!!!

十一月真係有少少忙, 忙住plan 行程!

第一次去東京, 要慢慢搞清楚線路的確有少少麻煩

要用好多時間慢慢了解每個地方既線路....

辛苦左成個月, 東京之旅就出發啦!!!

-----------------------------------------------------------------------------------------

肥人係7月時買左HK Express 既特價機票

HK$2700來回連行李..

東京之旅因此產生了~

(主要是肥人想睇紅葉...haha)

十二點五十五分機, 肥人十點收到msg 說delay...

我剛剛已上機埸巴士 ~_~"

硬住頭皮照去機場啦唯有!

check in時無窗口位坐(位係D同E)...

我早左3個鐘check in都無窗口位?

肥人唔信, 問下地勤....

佢答: 依...今日班機比較full 呢, 我試下安排下先...

好快就換到窗口位, 同行既E同F..

點解...要留個窗口位比單丁既人都唔比肥人我呀?!

寄晒行李就去開餐啦!

最後揀左...譚仔...哈哈!!

食飽飽去拎電話卡...做好SETTING我倆就係機場HEA下啦!

HEA到夠鐘就上機是也!!

由於DELAY左一個鐘, 去到東京已經七點多...

原定既車已經趕不到.....即用Apps再搵下一班車!

是次住池袋, 先坐Sky Access 去日暮里轉JR!

係池袋站見到有士多啤梨大福...

肚餓既肥人即忍不住要買個食!

不算太甜...不太好食呢~

2017年11月5日星期日

小計劃大工程@房間+雜篇

其他部份, 我都唔知點打好啦!
因為我間屋真係比較少野....遲下再慢慢介紹淘寶啦~
--------------------------------------------------------------------------

新屋雖然廚同廁都細, 但兩間房都比較大
大到可以各自可以放一個大櫃...
正呀其實....
(不過肥人都係果句, 如果比廚同廁大番少少就好啦!)

主人房有張梳妝台的...我很喜歡!

由於無包椅的..自己去周圍睇睇啦!

睇中呢款...但要成set 買的.....放棄lu~

肥人決定淘寶啦都係...不過揀左成個月都未決定到邊間買..haha

2017年11月1日星期三

小計劃大工程@廁所篇

趕下進度先, hahahaha
--------------------------------------------------------------------------------------
廁所絕對係全屋改動不大既地方
上網簡單搵下reference就開工啦....

同廚房一樣, 要揀好洗手盤大細先~

2017年10月27日星期五

小計劃大工程@廚房篇

十月真係過得太太太太太快啦!

一整個月竟然無出過卜.......... :P

肥人搬左之後, 時間唔算太夠用呢....

放工趕返去買餸, 回到家都7:30之後呢....有時八點才回到家~

坐一陣就準備煮飯啦....老公大約9點至9點30分返到...

食飽飽都10點多....肥人休息一下就會準備沖涼訓覺....

暫時還在適應中, 加油呀肥人!

------------------------------------------------------------------------------------

廚房, 是肥人全個屋企最緊張既部份!

始終用既係我自己....

又由於廚房細到不得了

如何將肥人要既廚具通通塞入又是一個大學問呢!

肥人上網找了很多差不多大細作reference....

開工前模樣:

除水龍頭, 牆磚及地磚會保留, 其他通通都會拆!

(蠢了, 本來想抽油煙機靠近窗才把煮食爐換位

現在就有問題啦....開門就見煮食爐

風水上有問題呢

而且開窗會有風, 搞到火不太穩定, 唉!)

廚房算簡單, 拆除後等廚櫃好了就安裝啦!

很討厭的煤氣標喔!!!!!

大大浪費左個廚櫃呢!

搬來頭一日發現.....開關制壞了!!!

好在是夏天, 我仍可用冷水沖涼呢~

第二日即打去煤氣公司, 好快就安排到師傅來啦~

2017年10月4日星期三

中秋節快樂

中秋節快樂呀各位!
祝大家人月兩團圓, 人人都食到好似肥人咁圓...hahahaaa

2017年9月27日星期三

20170813 - 澳門家族遊

唔好比佢停..繼續家族遊先得!!!

由於有老人家...所以八點多就起床啦!

老人家們九點左右就來我房搵我啦..哈哈!!

齊齊去左飲茶做早餐....

(其實我想去熟食街市的, 不過老人家話要食燒賣)

酒店隔壁有間酒樓, GOGOGO!

食飽飽就返上房執野準備CHECK OUT啦!

BYE BYE靚景~

酒店大堂其實都幾靚...用紫色花做裝飾!

放低行李, 我地就出發去大三巴啦!

日頭既李錦記!

大三巴...人多到.......

又夠熱.......我推住媽媽行得好辛苦呢!

已經夠迫...加上好多自由人左穿右插...

上到牌坊, 人人都無電啦!

即刻飲番杯凍飲涼涼先!

是旦影左幾張相就走啦...太曬啦!

其實都已經差不多12點...hahaa

去食蝦子麵先!

去到餐廳要排隊......餐廳好好人

安排近門口既位比我地, 方便媽咪慢慢行又行少幾步!
肥人同老人家們同台.....點左4個蝦子麵, 一個牛腩撈麵
一碟炸雲吞同炸鯪魚球!

雲吞好好食, 肥人中意!

鯪魚球都好好味....特別係個醬啦!

蝦子麵好好好好香...食落都好味!

媽咪好中意, 食左成碟...

不過真係好好好好細碟呢...肥人食一碟都不會飽!

2017年9月21日星期四

暫時唔講裝修住先...hahhaaaa

八月頭同屋企人去左澳門一轉.....家族旅行呢!
出發前一個月已訂好酒店, 今次選了16浦
(下次有得揀都不要選這家, 有家人說床上有東西咬...訓不好!
五間房有兩間都有野咬呢)

大安旨意既我地....出發前3日才買船飛...
點知....出事了!!!!

12點前的船通通都滿了!!!!
回程的話, 下午5點後, 最早都要夜晚十點多!!
嘩!

肥人每間鋪都問一問..
最後在噴射飛航買了回程八點多的船.....
原本是想坐九點的!
去程在中旅社買, 下午一點四十五分
原本是想坐十二點船的!

終於...用左一個lunch 時間買齊了!
暑假出發的話, 真係要早點買!!

以為順利嗎?
出發前一晚, 姐姐說姐夫病了不能去!
oh no!
問問朋友但沒朋友有空.....已經夜晚十點....真不可以找誰了!
最後於出發當天早上找了一位親友同行...好在呢!

順順利利坐船出發啦終於!
(今次媽媽肯同行呢, 真係好高興!
亦要大讚一下噴射飛航既員工, 實在太好服務啦!
媽媽要坐輪椅的, 噴射飛航的員工幫忙帶行特別通道
令媽媽不行上上落落!
當然, 由我陪行啦
上船時亦係比別人早, 噴射飛航員工會幫忙安排好
上船都不用我推, 他們會派幾位員工幫忙
由輪椅轉坐船既椅都會幫忙
幫我們收好輪椅, 叮囑我們到澳門後要最後才下船
去到澳門, 會有員工幫忙提輪椅再幫助下船....
呢個服務我真係覺得好貼心呀!)

去到澳門即去酒店check in ....
只有一間房READY..好啦, 有一間都好放下行李先嘛

風景不錯呀!

2017年9月17日星期日

小計劃大工程@客+飯廳篇 I

肥人又好耐唔出卜啦...因為...肥人真係唔知點整理資料...
今次真係呢......

---------------------------------------------------------------------------------------------

客廳同飯廳.....

起初肥人同老公一心想要木紋地磚....

揀左好多間最後揀左一隻灰白既木紋磚...

有一日...老公突然話: 都係要番普通磚好啦

最後揀左米白色暗花地磚!

由於受左灰色牆影響...地磚變左灰色...hahahaaaa

地磚已經米白....牆呢, 肥人就唔想又白雪雪啦!

所以揀左粉紅色既油......清雅這款肥人覺得好喜歡!

老公意見又不多...都不用太多討論....

清雅-Confirmed!

油油前師傅剷左底再上油....

由於有一間房是需要自己間的

考慮有木板及磚牆

木板價錢平但隔音麻麻

磚牆比較貴但硬淨...

屋企人話自己屋, 不如整好少少

最後決定左砌磚

(受左磚牆影響, 地磚變左灰色...haha)

冷氣方面...老公今次決定要裝分體!
因為想要寧靜一點既環境!
後來裝完才發現....房裝分體廳應該裝窗口式....
原因1: 廳是長方的嘛~

原因2: 我們沒整任何燈槽等等, 分體冷氣既喉通通都外露
好肉酸呢....
後來叫師傅幫忙再整個木盒, 順眼好多呢~

廳燈方面....肥人其實都喜歡吊下吊下既燈..
但老公朋友話風扇燈絕對係要裝的!
香港的風扇燈款式其實不多, 來來去去都差不多般...
圓圓的燈配風扇....超不喜歡!!

最後終於睇中了這支!
簡單既線條, 望上去年輕點!
有黑有白, 肥人堅持要黑....
雖然老公想要白, 但最後都順肥人意呢~
(黑色我覺得型格一點嘛)

揀這款風扇燈原因是....有同款既燈!
可以統一少少!
有風扇同無風扇既分別在於高度...無風扇的會比較貼近天花!
當然....最最最最大分別係 --- $$$$$$$$$$$$$$$
2千幾VS幾百......

不過我真係好中意呢~

待續....

2017年9月3日星期日

唉

話說有家人一直都開開心心地生活

突然有日, 媽媽突然腦中風
經過搶救, 可以救活了...

媽媽清醒後, 家人不停鼓勵媽媽要努力復健...
經過幾個月既努力, 家人又請到工人姐姐, 可以成功接媽媽回家去~

本以為回家後會繼續開開心心生活

但媽媽病後心情麻麻...經常發脾氣...
(估計是接受不了自己, 已經五年, 仲係未接受到)
又會同工人姐姐鬧交...
之前工人姐姐都可以處理到...
兩個人有時吵鬧又和好, 好像情侶一般!

直到....今個月...工人姐姐說太太越來越過份!
覺得呢份工越做越辛苦, 非常不開心
姐姐說太太一向無故吵鬧, 但近來越來越密!

太太不喜歡她在家洗衣服, 所以她會拿去其他工人姐姐家洗!
(已經差不多一年, 但姐姐一直沒說是太太問題
太太說她喜歡拿去朋友家洗)

姐姐說太太不喜歡她在家吃飯, 她要自己出錢買食物
(很多時女兒叫姐姐吃飯, 姐姐都不吃說不餓
太太會說姐姐下午吃太多零食)
姐姐說她在家吃飯時, 有時太太會發脾氣倒了她的飯出來
又掉了她的碗, 她現在用的是問其他工人姐姐借來的!

起初姐姐用這個碗時女兒是以為她自己新買的!
並不知道是太太掉了她的碗她才要用新碗!!!

(姐姐之前介紹了她的朋友給其他親友, 那個姐姐說新環境好好, 好開心
新太太會問候她吃什麼早餐, 姐姐哭著說她覺得很羨慕)

女兒聽完覺得姐姐好慘, 連飯都沒得吃!
但另一方是自己的媽咪, 到底可以如何處理?

姐姐由上星期開始要求每個周六去工人朋友家過夜!
女兒是不喜歡的, 但姐姐不斷說自己沒學壞沒賭錢沒食煙沒飲酒!
只想周六跟朋友一齊吃喝聊天..但女兒其實是不喜歡的!
那....到底可以點做?

2017年8月17日星期四

小計劃大工程@收樓篇

慘啦, 肥人發現..小計劃大工程應該係最難打既卜!
太多野啦, 肥人都唔知應該點分享好!

如果大家覺得小計劃大工程篇寫得好混亂
記得話我知呀, 等我再改善下~
廢話唔講啦, 去卜啦!
-------------------------------------------------------------------------------------

話說..肥人是買樓花的...
是2年前買的...預計落成日期係17年既3月尾...
一月份時收到律師樓電話, 話有消息可能提早收樓
叫肥人先準備Mortgage
過年前收到呢個咁興奮既消息, 真係年都過得開心d, hahaa!
呢個電話之後, 肥人就一直等等等...唔知幾時有信收呢?

最後肥人足足等左...兩個幾三個月..
先收到律師樓既信叫我地去律師樓簽文件啦!
4月尾簽完文件, 就約左五月頭收key 啦!!

99話第一次入屋都要揀個好日....
肥人其實覺得無所謂但長輩既然在乎
都要聽下啦!
收樓日肥人當然有邀請99 一齊去啦
因為...肥人唔識拜4角呢~

係吉既新屋入面好興奮咁左摸摸右摸摸左成個鐘後
終於記得要拜4角啦...hahaaaaa
都唔明吉既點解都摸到成個鐘...哈哈!!
好, 去相比大家睇下我間吉屋先!