結婚半年@Amigo~

唔聲唔聲就半年la.....真係呢...快到呢.....都唔知點形容好~
今日我諗住會有花收la....but 前兩晚比我發現左我老公好似有買禮物比我，係符合經濟原則底下，今日應該無花收~
到12點...真係無.....心情有dd 痕.....send 個whatsapp去問下老公la...佢反問我花定禮物...
okok...唔采佢!

lunch 同同事出去食飯，因為無帶飯ar~
一食飽lunch 一返到位就見到la~~~ 

又話無ge???
果下都好開心架....但諗一諗，即係無禮物la?!符合經濟原則架ma~
不過無禮物都ok ar，我有花都好心滿意足架la ~ ~ ~

到放工...係公司等老公收工...佢話book左今晚8點台.....
um....真係無七點都唔走得la......係公司等到六點半左右就話走得....yeah~
lala 聲執埋個樣就閃la.....haha~
去到CWB 都係around 715都未夠...老公話不如行陣先...SOGO又太多人wo....我唔想迫....有花ma~
最後去左我地都愛行ge City Super...其實係超市我地都愛行~

到七點九左右，老公就帶我行去食飯la.....
真係估都估唔到ar...佢究竟帶左我去.......Amigo!!
真係好好好驚喜ar~
佢今朝仲叫我唔可以著拖鞋，原來係咁!
入到去有d 緊張tim~
Amigo 真係好貼心，張台你book左就係你架la，佢地唔會比其他客，我地一去到一坐底就見到la~

 

一坐定佢就問你要唔要水等等....
叫完餐，就會上牛油....好靚ar~
我唔捨得食佢ar~

環境都好好，好浪漫~

麵包忘記左影....但都好好食~
前菜黎la....雖然我膽固醇高，但都要照食鵝肝!

煎得好香ar，but食落又感覺少左陣so 味.....
食左半舊已經唔想食...因為實在太過 "漏"~

食完前菜就上湯咯，好有海水味ge 大蜆肉ar~
好大隻架....仲好充滿海水味tim~

飲完湯，先上雪芭比你去一去D 味先...
呢個雪芭苦苦地，I love it~

主菜來了.....
我最愛ge 羊，超香ar~
um...七成熟，但我覺得過熟and 無羊味....
得d 肉味.....完全唔係羊肉味wo又....
總之呢個係全晚最唔like架la~


老公ge 牛牛好好食....老公話早知揀魚la...
邊有早知wo~

配菜係另上架~

仲有人唱歌tim~
氣氛好好呢~
我地點左"Because I Love You"，好彩都識唱.....haha~

Amigo貼心2，全場女士都獲送Rose一支~

等多陣就上甜品咯........梳乎ge 梳乎里...都ok ar~

凍冰冰ge焦糖燉蛋....ok la...但熱會更好~

食飽飽又上埋餐飲.....無lala 就有人拎個蛋糕出黎，隊樂隊又走返埋黎唱情歌比你聽~
點燭la....幫你影埋即影即有la....
估唔到我老公有講係紀念日，Amigo會送蛋糕!!
送ge係佢地招牌蛋糕....but真係好好好好飽ar，食唔落la........
staff就問我地想拎走定係度食...當然答拎走la.....太飽la~

切完蛋糕諗住無la...都差唔多返home~
點知再上朱古力雪糕~
不過呢個都ok，唔會好飽，食得晒呢~

仲有即影即有...好快比番你~

終於都走la~

佢ge 招牌呢~

回到home又忍唔住幫d 花花影下相...i love it~
but 堅重...haha..手有d 攰ar~

老公話個蛋糕要食，唔係淋左就唔好食....
好la...試食少少la...雖然仍然好好好好飽~
忘記左係餐廳應該先影相再切佢......


果時已經十一點尾la...老公突然話: 你仲有2分鐘搵你份禮物出黎.....
下.....有禮物?
諗都唔使諗即行入房....即刻望下個衣櫃頂.....即刻就指住....呢度!
唔夠高拎......老公幫我拎落黎...一睇...waaaaaaaaaaaaaaaaaaaaaaaaaa
被我估中左....haha~
咁我當然無出聲la.......haha~
點解會估中?因為前晚有個係呢間shop 做ge 朋友call佢...咁我就估到囉.....
因為原本我老公係送呢個牌子ge 袋比我做情人節禮物，但去到中環，佢close左....
咁我老公之後就送左部s2比我，我以為佢放棄左架la....
但原來留番結婚半年送....haha~
Thanks My Honey~



好港女ar呵，其實佢老公買個袋比我，係因為我一個名牌袋都無....
呢個係我第一個名牌手袋黎架~
早幾年我話第時出黎做野，要買呢個牌子ge 袋比自己...但出左黎做野就覺得....好貴ar唔捨得呢~
老公當年未有能力買....所以佢一直都無出聲..........但係佢心入面就講第時要送個比我!
直到今時今日，老公叫做有d 能力la，所以佢就兌番佢自己ge 承諾~
所以我高興ge唔係收袋，而係老公ge心意ar~
因為呢幾年，我真係無再提過架la~
多謝佢咁記得我ge 話...真係好窩心架~

四季豆

話說呢...我老公係唔like 食豆架...
有一次係x翠xx小x包度食左一次四季豆後....有人就開始愛上....
為左佢...我決定試整...
上網睇話好易...好la...我就試一次la!
出黎後我覺得慢慢地，但我老公同妹就話好好食，次次整親我妹都話唔夠食，叫我買多d......(我妹都勁like 食四季豆，上次我地去北京旅行，咁岩有間餐廳整得好好食...我地自己出錢打包左一碟返酒店食呀)
okok....下次買多d 整比你地食la!

材料:
四季豆 x 1包
肉碎 x 10蚊

調味:
辣椒 x 1
橄欖醬 x 3茶匙


Step 1: 要先用油爆一爆d 四季豆，爆到佢變晒色，炒起
Step 2: 落肉碎粉至半熟，炒起備用
Step 3: 落油, 落鹽及辣椒，再落四季豆炒炒
Step 4: 落肉碎炒.....加橄欖醬再兜多陣就完成

p.s. 我會爆到d 四季豆到少少黑黑地，因為咁樣先可以無左d 豆味.....我老公唔like 的!
p.s.2 我會爆到d 肉碎係勁野味...同幾脆口....咁係Step 4時，我會兜耐d 等d 肉碎受油多d，變左有少少好似係炸咁....
老公好愛呢d 肉碎，送飯一流呢~

蝦膏蒸豬頸肉

媽咪既家常菜，蝦膏蒸豬頸肉~
蝦膏呢，係媽咪幫我已準備好...佢切開佢然後煮一煮佢，咁就入落個樽度比我，咁每次我就係放落去蒸就ok la~
(有次我炒菜...一放落油度....炒燶左d 蝦膏囉，搞到d 菜有陣燶咋呢~)

第一次煮，用左豬肉....硬到死呀!
打番home 問媽媽，佢話用豬頸肉架~
之後再整...yummy~

商戶評分篇之Christy's Flower

大肥人覺得網上資料太多，花多眼亂...所以商戶評分係絕對絕對非常重要的...因為呢d都係親身經歷，無花無假ma~
我會用中肯ge 意見作出評分，希望可以幫到手忙腳亂ge 你la~ ~

Christy's Flower   (五個為滿分)

一開始，我目標已訂下，花球，一定要我最愛ge鏽球花為主~
一邊上網睇一邊無咩頭緒，真花好似好貴咁......我又想盡量控制個cost wo
我曾經一度想用絲花就算la.....平平地幾百蚊就有交易la......但有人又話用假花唔好睇等等............
我心其實就想用真花...但又怕貴.....(其實over 1k 我都唔太想.....係咪我太唔知價呢?)
好彩比我遇到Christy la.....有左佢....我真係諗都唔使諗，真花呀唔該!

其實點解會識Christy 呢....大家都係因為..百年囉~
話說我當年搵婚紗攝影，就係睇到Christy 個yahoo blog d 相好靚...所以就決定join la~
跟住就一直睇Christy個blog la....到佢結左婚，佢係blog話會接job整花球....見佢自己ge BD 所有花都係自己一手一腳整...真係覺得佢好有心機架~

第一次約Christy出黎傾花....個心有d 驚......um.....Christy 唔知個人係點架呢?
佢d 花o唔ok 呢?佢係新開架wo....信唔信得過呢?網上ge 相又唔太多.....咁個花球會有幾靚呢?
comment又無咩....咁點算好呢?
當晚仲約左另一個Blogger -- Sandy 出黎一齊傾.....因為我地一齊搵緊花球呢~

一出到黎...一見到Christy.....waaaaa...好靚女呀!!!皮膚又白又滑.......um...個心有d 加分呢~
傾左成個鐘，Christy 都無嫌我地又煩又長氣，仲好好咁一一解答la...一一了解我地想要d 咩花la 咩款咩型等等la~
佢仲會提意我地點整點整la......提意我地加d 咩花好d la....
Christy 仲會一一寫低我地ge 要求.....

同Christy 傾完，我就同Sandy 去左開餐la.....
一路食一路傾下覺得點la....仲有無野想改la....同埋覺得價錢好經濟呢~
所以最後我地都係決定交比Christy 幫我地打造靚靚ge 花球架~

我份人呢，好貪心.....
同Christy 傾計時，我話我想BD當晚叫mua 幫我用幾朵rose去砌成一朵大rose....
Christy 二話不說就話佢幫我整la......waa.....呢d 真係無諗過架.....
Christy 話砌係需要時間，唔係個個mua 都肯砌同埋果朝咁趕，未必砌得切.....
一聽到Christy 義務幫我砌...真係好開心架果下.......當然，呢d 野唔係一定架ma....Christy 唔一定要幫我砌架wo，係咪?
結婚前幾日，我Whatsapp比Christy，問佢可唔可以比少少頭花我，因為我覺得only rose 好似有d 單調....
咁Christy 一口就應承左我....
我呢....諗住Christy會比少少我架咋...因為起初話砌rose就無頭花ma......
點知24號一交收時一睇.....................waaaaaaaaaaaaaaaaaaaaaaaaaaaaaaaaaaa....好多呀!
真係令我好好好好驚喜呀，感謝Christy 呢

紫花ge 花球......大愛呀~
仲要係波波型...大愛x2 呀~

 

 

頭花呢~

個褂頭真係好好好好好好好多花呀...mua都話要用盡佢...所以整左好多係我個頭度....
我大愛呀~

呢個就係我ge 大rose 頭花la....雖然最後都無用到佢....(因為mua話其他頭花係紫同rose襯唔到，果刻其實我有d失望架....不過我信mua la......)
但我都超級鍾意架真係.....多謝Christy 完左我夢呢~

至於主禮人及新郎哥GE 襟花.....Christy一樣做得好好架...
新郎哥仲有兩個一樣ge 襟花tim....
主禮人我用左蕙蘭，而新郎哥就用左紫色ge rose...(其實我老公愛紫~)
花方面，Christy d 花都好新鮮，不過可能因為鏽球花係好易謝....而我又唔多識處理...搞到佢有少少謝謝地...
but影相係唔覺架.........

柚子蜜雞翼

話說有晚喬喬話我知佢整柚子雞翼...佢整完send左相黎睇....心思思想do 下先~

起初都好驚酸得滯，老公食唔到....(佢飲我杯柚子蜜呀都"la"晒口面la已經)
咁係好擔心ge情況下都係決定試下~
好彩....最後爸爸同老公都話好好食呢，仲話好胃口又岩送飯呀~
成功呢~

材料:
中雞翼 x 11
柚子蜜 x 4至5 茶匙

醃料:
糖, 鹽, 豆粉加鼓油醃雞翼最少半小時

Step1 : 抹乾d 雞翼，用慢火煎到佢差不多熟
Step 2: 落3茶匙柚子蜜，兜兜佢就可以試味....夠酸夠甜就可以唔再落柚子密la~
Step 3: 最後加少少鹽就ok~

快靚正呀~

商戶評分篇之徐志剛律師

大肥人覺得網上資料太多，花多眼亂...所以商戶評分係絕對絕對非常重要的...因為呢d都係親身經歷，無花無假ma~
我會用中肯ge 意見作出評分，希望可以幫到手忙腳亂ge 你la~ ~

徐志剛律師         (五個為滿分) 
如果only睇網上評語...好多人都話徐志剛律師係會遲到，你話其實驚唔驚呀?

點解大肥人會揀呢位律師?
話說呢......我其實係想係金鐘註冊架....後來因為時間問題...唔想趕到傻左，所以決定搵律師la~
一決定搵律師，大肥人已經決定搵徐志剛la...
why lei??
因為我表哥都係用徐律師囉...當晚徐律師ge 表現真係好好....佢識得協助新娘la...
好似我表哥表嫂match in 後，點知我表嫂個頭紗有d 問題....徐律師都會問咪搵mua話新娘子有事需要你幫忙~
咁mua 扶番我表嫂落台整頭紗...咁徐律師唔係比冷場出現，佢就係就台上問我表哥等左今日幾耐呀等等...
總之係會講下野解下悶場....果下我真係覺得徐律師幾好架~
到我表嫂搞定la...佢就帶番個會場進入註冊ge儀式~
當晚都好順好，又無咩廢話出現(我試過去飲，有新人八點註冊，個律師講埋d 廢到爆ge 野，仲話新娘係仙女下凡等等，總之係d唔好笑ge笑話)
同埋大肥人及大少都覺得.....有d特別旺ge 日子，律師梗係比較忙....咁如果你揀8點呀七點半呢d 繁忙時間，律師梗係有機會遲到la...因為佢一日未必係走一場架ma....有時有d 野係唔關律師事wo，如果上一場遲左..佢都唔想架ma...唔通律師話唔證婚走左去趕下一場咩?咁我地又覺得我地結婚當日又唔係咩特別大好日，而我地揀ge 時間係下午五點註冊，橫睇掂睇我地都可以係律師當日第一or第二單證婚，都相信遲ge 機會都唔算太大ge~

當晚徐律師無遲到，佢係註冊前十五分鐘就到左......

徐律師仲會問大家睇唔睇到新人kiss，會問大家夠唔夠及影晒相未....
佢唔多廢話但都會帶動少少氣氛，佢仲會提我地係咩位望一望鏡頭，好似簽紙時，佢會叫我地對望，然後影完佢就會話一齊望一望鏡頭等等....佢同攝影師都好合拍~

缺點:
1) 由第一次打去話搵徐律師證婚開始...一次都未見過徐律師~
不過呢個我地都ok ge，因為我地無加1k 去指定要徐律師做證婚，律師樓d staff都講明係當日ge 當值律師做...
but我表哥話: 其實好多時都係會係徐律師自己做番囉，因為佢邊會搞差自己個招牌呀?佢都會盡量自己做番，佢做唔到先會pass比第二個律師做...所以唔使加1k去指定架~

2) 無briefing，律師黎到之後，唔係應該會捉埋新郎哥一齊入新娘房搵埋新娘一齊做個簡單ge briefing先咩?
我想講我當日係唔知自己做緊咩同埋應該做d 咩囉......同埋誓詞我想講...無人話我知用邊段囉.....
咁你都要入黎新娘房同我單聲叫我望下背下段野先得架ma......
搞到我宣誓時成個傻婆咁....律師講一句我先講一句....勁low b 囉....我覺得好淤架~


整體黎講徐律師都幾好....佢律師樓d staff都好有禮貌，我次次打上去問野佢地都好有耐心解答~ 我6299都好滿意呢個律師，都覺得佢長話短說但又可以帶動到氣氛~