I will be back~~~

哈哈哈哈哈....肥人又失左蹤..yesss...今次我認衰!
來來來....大家請移玉步向上望望.....分類...是什麼?
yes...對對對...我又去玩啦....

去邊度....估下呀~~~~
今次呢度....我真係整行程真係整到我叫晒救命!!!
呢世女第一次覺得....唔想飛!
第一次覺得...好痛苦!
第一次覺得...想早點去早點回.....
我想...我估....是次的地方...我成世女都唔會再去......

p.s. 這個地方本來已經不在我旅遊範圍中的!!!

好啦......明天這個時間..我已經....身處別國正式開始六天之旅...零晨機....巧痛苦..(大trips~)
回來再share....有我fb 既..一定知我在那兒~~~~~~

還債!

盡力還BLOG 債...大肥人努力!!!

呃返篇BLOG先....hahahaa
依...唔係wo...從來無開始咪唔使還囉?!
會唔會被人打死呢???

數數自己債務先:
Honeymoon -- um...又話要係一週年旅行前完成...點知得個講字......
婚前韓國之旅.......only day 1...死未?!
Thailand 之旅....欠last 2 days....加油!...但last one唔多相...last 2有最少110pcs....oh no.......還未開始制作...oh no....有無人有software 可以一次過制作相片?有的話請告知小妹.....誠意拜託 (跪求)

依.....肥人呢....咪話私事好忙ge...除左甄嬛傳外(終於睇到66集啦...仲有十集唔夠!).......咁話唔話比大家知我忙咩好呢?!
話左.....就開左個頭.....咪....又會拖欠blog債?!
(準備逃跑是也~~~~~~)

齋期是也~

早兩日係齋期....肥人我又唔想煮...唯有叫老公出街食~
咁岩叔仔又開始左食齋....決定齊齊去觀塘食~

今次去左寶光齋素食館....好遠呀....係觀塘街市上面......
連住觀塘既朋友都問我有呢間野咩?!
事實證明是有的~
 

以為齋期需要等位...事實又再證明....因為好多人都唔知有呢間鋪...最後係完全唔需要等位....HAHAH

我估都是做熟客生意多呢~

三個人點左4人餐.....因為想食既通通都在4人餐先有得選~
4碗白飯......估計都可以食到..因為無諗住碗白飯係比其他鋪大碗好多.....足足係出面食既2碗飯=寶光齋一碗...
我碗白飯當然食不完....老公及叔仔食完自己碗已經食唔落......
第4碗白飯...最後由我打包回家炒蛋飯作明天LUNCH 啦~


$198 有5款小菜連4白飯...抵!

Openrice 說這是這個薑蓉白切雞是形神俱似.......但.....似? 那兒似?

鯇魚腩.....味道ok~

湯無咩特別.....hahha~

呢個炸大腸先神奇呀!!!
同真既差不多樣架...老公同叔仔話好麵粉....我覺得ok wo~
點埋生炒骨既汁就更似樣~

生粉骨.....超yummy....將生根/麵巾炸一炸....好脆!



呢餐齋...老公同叔仔話無特別....but我覺得好少味精....我鍾意~

店內的姐姐講既話好搞笑......唔明佢地用咩話溝通.....但廣東話ok 的~

環境唔算太乾淨but我覺得有家既感覺呢......哈哈!

20121126 - 紙婚之旅@清邁

由於今日BOOK左團...所以我地六點幾就起身lu~
要我六點幾起身...真係...好困難....特別...尋晚行周日市街行到人地都close 埋............
但今日book左團，一定要起身~
報團時說七時至七時半會有人來酒店接我地.....我地兩公婆....哈哈...七點十五分先落到大堂....係大堂行左一團唔見有人到左...就即刻入餐廳食早餐...最緊要快!
倒晒落肚之後我就出去望望有沒有人來接.....見到啦....請那人等一等就返餐廳叫老公lu~
上車........原來仲要接其他人呀.......去到其中一個酒店....足足等左半個鐘....連前面既外國人都發脾氣問個職員點解要等....佢地仲話人人都準時到，但點解咁唔公平有人可以訓得晏d，仲要我地等左半個鐘........遲到既係一對母女，兩個一上車都面黑黑咁........
唔理lu~
我同老公都係唔出聲....開始訓覺~
接多一pair 人之後，職員就繼續開車去......我心想: 無導遊?
但車行行下就停左係度...原來導遊帶另外兩個外國人上車......導遊解釋我地既酒店相隔太遠，所以佢同司機要分開接人.....
原來來接我地既係司機呢....
導遊一上車就好盡責地講野.....講好多清邁既野...介紹自己...介紹下景點.....呢個導遊真係好好，佢好照顧每個人呢~
訓左一個小時有多車...就到第一個景點...其實都係睇下溫泉....及....去廁所

噴泉定溫泉?


呢個溫泉叫Hot Spring Chiang Rai...我地已經來到清萊啦~

有蛋賣...等你自己放入溫泉慢慢整熟佢~

等左一陣就上番車....去今日真正第一個景點(我覺得既) -- 白廟



正面真係...比較難影.....太多人~


靚嗎? 我覺得白廟好靚...所以我先打算黎清邁架......
藍天白零加上白廟.......真係好靚呀~
導遊好nice主動幫我地影合照!

睇睇白廟側面~
入廟咯~

只有一條路入廟.....見唔見到兩旁有好多手?
起初睇我都覺得有少少驚......
但係......有個thailand人坐係入口用mic 不停叫你唔準返轉頭....因為你已經入左地獄啦!
你要行入地獄先可以搵到光明，見到佛!
果個thailand 人不停用英, 日, thai 等語言說不準回頭!

比大家睇清楚少少~

橋最盡係兩個好惡既神像...老公話地獄嘛.....實惡d~

但行過左條橋，就會見到好nice 既神像....
老公話經過苦難就可以入廟拜佛了~
呢度要除鞋入去....一入去...有三座佛...其中一個....係真人....
有dd驚...老公話第一次拜真人.........我就覺得...佢坐係度成日唔郁...都好辛苦!
拜拜完就可以離開廟...但都唔可以沿原路出去...要繼續向前行~

過了地獄...果然樣樣都是佛~

藍天白雲，真係好靚~

側面~


仲有時間...周圍參觀下先~

聽聞除了白廟出名，呢度金光閃閃的...都很有名....
原因是.....呢座係一個....廁所!
廁所都金光閃閃...真係忍唔住要入去.....望望!
第一次....入廁所係要鞋.......
有拖鞋擺係一格格的門口....oh....你唔換就唔可以入去....
一格格獨立廁所....其實都好乾淨呢~


去完廁所...就發現...夠鐘添....即刻行去集合處......導遊已等我地中....因為...我地最遲..

一上車...導遊又好盡責介紹下來緊既景點lu~
原來唔止我地兩公婆無join 坐船，有其他團友都無join...
但唔知點解.....大家最後都join 晒.....只有我地未join...最後...老公話: 人人都join，我地都去埋啦.....
就係咁.....清左我倉!
我無諗住join 架...所以無再唱定錢......尋晚行周日市場又洗左好多......所以...無太多錢啦.......
落左車就比錢導遊買船飛.....影下金三角先~


船飛到手就可以落船lu~

落到船，就唔係我地既導遊負責啦.....合左團....由另一團既導遊講解...都ok 架...英文非常好~

沿途風景都幾好....導遊都好細心每個風景都會介紹下~
waaa...河邊好大個佛像呀...都係金光閃閃架~


第一個地方係無比我地落船..only 船上望望~
呢度係酒店...叫Paradise，導遊就呢個地方就似天堂般.....悠閒的~~~



忘了呢度係邊度...hahah~


向下個地方出發~
導遊話呢d小船就係漁民，佢地會夜晚先去捉魚，所以日頭就補sleep~
係船上sleep~

下一個地方就係Laos 啦....可上岸的~

Gogogogogooo
落後地方，碼頭當然係簡簡單單~

上岸後只在一個旅遊區行行.....都是買東西....不過當然我地無啦~
行十分鐘就會行完啦~
影下風景啦~

呢度真係好落後架....好多小朋友會係碼頭邊問遊客拎錢.....好似呢個咁....

小小年齡.....仲要抱住個bb......唉~
有個女人係邊邊位度坐住...唔知係咪佢地既媽咪?!

等左一陣，導遊就每人派一張有Laos印既紙，叫我地釘番上passport度~
之後就叫我地上番船lu~
都好...有個印證明我來過Laos!

上番船，小朋友就會企係船邊等你比錢......
有團友見佢地可憐就比左d零錢佢~

上番Thialand境，導遊就車我地去食飯....
係自助餐咁.....團團人都係呢度食!
由於有少少趕...食飯時間都無一小時就要走lu~
好唔好食?你話呢?
當然唔算太好，but really多野食....咩都食少少都夠飽既~
不過天氣咁熱...都唔會食太多....

一上車.....導遊就話唔夠時間去緬甸，問我地skip左去好唔好!
我當然唔想.....but 又無錢入緬甸境......(想要埋緬甸個印嘛, US$20 入境)
好彩有團友都say no...佢地想去緬甸....
坐左唔知幾耐車先到...我已sleep左~~~
藍色就係Thailand 既海關...出左呢度門就離開Thailand 啦~

諗住會帶我地去...點知......導遊帶我地去Thailand 最北既地方.....遠眺緬甸......因為真係really無時間....
哈哈~
都好...收你貨啦~

其實有d 似香港同深圳...一橋之隔only~
遠眺完緬甸...導遊就話比十五分鐘我地行下....
同老公周圍走下.....係Thai 邊境都有好多玉賣呀....
老公話緬甸出名係玉器嘛....但怕被呃，所以我地都無買野~
周圍走走走...係內街發現到間皇宮大酒店......原來...大酒店都係咁"up得"架咋?

集合後....導遊就話去今日最後一個景點....長頸族!
都坐好耐車呀下.....又slepp左

一落車已黃昏......導遊話要快d 啦~
跟住導遊走入森林....走走走...走左大約5分鐘先見到村~
沿途都係荒野.....




一入村...長頸族人一見到我地，就好自然放低手頭上既織布工具，坐出來比我地影相.....
第一張相係兩母女來的.....有介紹名..但忘了....
導遊就最出名就係呢兩位~
個個都好努力咁織布!

織來有咩用?就係賣比遊客囉~
長頸族本來就唔係Thailand 架...但係係Thailand 政府請長頸族來，然後比呢個地方佢地住...for 開發旅遊業!
長頸族並不是Thailand 藉的~
導遊仲話...長頸族本來住既地方比呢度更荒野，所以佢地肯來呢度工作.....而且小朋友又可以讀書.....
其實都係既....老公話一家便宜兩邊著囉~

下面位婆婆係長耳族....佢地戴耳環戴到耳珠都穿左個大洞洞.....導遊話長頸族同長耳族都認為圈越多越大就係美麗....
但我地睇佢地時...就覺得有少少恐怖........








簡單的房子....簡單的生活....但已比原來的生活更好~

天越來越黑...自由活動左十分鐘就走lu~

上返車後....導遊就話要三個鐘以上先返到清邁.....
我知既......hahaha........好啦...sleep去~
but 每40分鐘左右......車都會停係一個地方....for我地去廁所及走走......
坐足三小時真係好攰架.......
停左足足兩次定唔知三次....我地先返到清邁......仲要兩個鐘耐四十分鐘就到......已經算快....每次一停車我第一句都問: 到未呀?

車會送番我地去酒店.....我地就係頭幾個落車.......因為係夜市邊...好多團友都話去夜市....所以更快有得落車lu~
導遊同司機都非常之nice架....又唔會迫你地買野....and你地有其他清邁景點問題問佢，佢都會細心地答你....
有團友問導遊有關放天燈既事.....導遊都耐心慢慢解釋係邊放等等....好好好好nice~
沿途佢都有take care 每一個團友.....佢會主動同每個團友傾計....好nice...我真係忍唔住要高呼:I love 清邁!

由於係酒店門口落車，所以我地先返酒店洗個面去個廁所先~
行到酒店門口...見到酒店門口兩邊原來都可做酒店餐廳..仲見到有staff上牛扒.......
就係街邊食飯....waaaaa.....都好隨意!

有少少餓但又未想食飯住woo....就同老公又食pancake啦...yes...又!

食完我地就周圍行下...越近天燈節就越熱鬧呢......
行左一陣就決定去搵食lu~
點都要試下海鮮既...來來回回行左幾次...最後都係決定食呢間--平平/萍萍海鮮?總之叫pingping 啦~
but 唔算太好食....比我再揀我唔會再來呀...仲要好貴tim!!
最貴係蟹.......b10 係飯

蠔粉蛋....怪怪的....下面的通通是芽菜

生蝦....好少呀.....but 味就ok 啦~

蟹都ok 既...不過就水旺旺左少少!



蟹拑都好大既....hahaha~汁送飯都一流~

收master card 及cash only~~~~~
呢餐...我地諗左成餐比card定cash好...因為太貴啦....怕用晒d cash 呢....

食飽飽已經好夜.....所以行多陣就返酒店lu~

酒店已經掛滿水燈節既裝飾啦~


今晚食飯期間，已經有零星既天燈啦.....聽日一定更精彩!