Special Day for us~

3月22日....我們的100個月拍拖記念日~
老公早一個月已經打算同我慶祝....
但可惜我23號我要去飲，所以老公搞不到驚喜旅行
(老公說原本想BOOK好晒所有野再呃我去機場)

不知為什麼，我今次好想好想去一個浪漫又有夜景既地方!
最後揀番舊年老公生日間餐廳~
29樓的夜景~

餐廳人不多，靜靜地欣賞夜景~
我們叫了2人SET DINNER~

沙律: 芝士蕃茄
YUMMY...蕃茄好新鮮!

自制泡菜

自制泡菜....未試過之前真係覺得好難，但試過一次之後就覺得不算太難!

材料如下:
大白菜/ 旺菜      1個 (肥人係AEON 買一棵棵既旺菜.....)  
粗鹽     100g 
水     4-500g

醃料: 
薑數片（切碎）
蒜2個  (要切碎, 如果不想蒜味太濃就減至1個)
大蔥 一扎
 韮菜 一扎
蘿蔔 細半隻
 白糖 2湯匙 
粗及幼辣椒粉 5-6湯匙 
魚露 3湯匙 
蝦醬 2湯匙 (韓國街有售)
 糯米水（用2湯匙糯米粉 加100ml水煮至杰身）

梨或蘋果 1 個 (磨成蓉)

換季啦~

肥人近排密密買....藉口係: 換季嘛~
大家有無留意近一兩季...都好流行背心款連身裙?!
其實冬天時肥人已經知道..但成日都覺得無理由冬季著背心裙嘛~
所以一到轉季，肥人就入貨啦~

上星期做完FACIAL..時間仲早..好多鋪頭都未關門...
所以肥人就不小心敗了兩條裙啦~
HK$260兩條...算平吧?!

前兩日同同事兩個人行左去佐敦食飯...兩個人好快就食飽啦..去左行街!

又買裙啦...今次係HK$199

質地好好...所以覺得好值呀!

支持小店

肥人常常都覺得要支持小店...
不然的話....大家都要接受只有大集團的店....
價錢貴不特止....仲要來來去去都是同一款味道....選擇又不多......

話說肥人屋企樓下的街市開左間壽司鋪 (對, 係街市)
行過幾次都不敢試...你知啦，街市wo...真係唔知乾不乾淨嘛!
後來有日肥人要自己解決晚餐，就膽粗粗決定一試!
價錢平宜食物又ok......味道又不錯...雖然飯有點大舊

一試後已經成為肥人經常光顧的店啦!

海膽好肥美架....仲要師傅即點即整.....yummy!

住將軍澳既朋友應該都認識聰嫂，聽聞係某藝人有份的!
不過實力又真係好好...有些甜品出面都無得食...

懶人系列 - 湯飯

懶呀懶呀....肥人真係好懶呀!
天氣又濕又凍...肥人都想再偷懶...
加上之前既OT潮後，肥人已經無以前咁努力煮兩餸...
不停煮簡單快捷既食物........
今次介紹 --  湯飯!

easy到不得了.......
材料: 瓜一條 (脆肉瓜, 絲瓜, 節瓜都可以)
豬肉 -- 十蚊 (百佳買一盒新鮮豬肉)
菇 -- 一包
咸蛋 -- 一至兩隻

做法: 豬肉切片用鹽,糖,燒油,生抽,油及豆粉醃十五分鐘以上
菇及瓜洗淨備用 (瓜要切粒)
咸蛋分好蛋黃及蛋白備用

水滾後放豬肉，滾十五分鐘
加菇再滾十至十五分鐘
蛋黃先放...滾五分鐘後放蛋白..
十分鐘後試味，加瓜.....再滾多五分鐘即成!
(視乎你買左邊款瓜....脆肉瓜快熟就可以滾少於五分鐘)

切記 - 飯交比電飯煲但要於開始滾湯時已開始煮
如果唔係...湯好了但飯未熟....又有排等啦~

我邊款菇都會用的...看看你自己喜歡邊款.....
由於咸蛋已經有味..通常都不用放鹽..
湯可以咸少少，因加飯後味道就會變淡一點點!
蛋黃滾熟後我會拎上來...用匙整爛再放回湯內..等味道再出少少~

只要換種瓜換款菇...味道就已經不一樣架啦我覺得(自欺欺人中....)

這款湯飯，肥人變態到拎來帶飯回公司食.....
不用帶湯，菇,肉及瓜已經夠味.......

有肉又有蔬菜...簡易又方便...肥人大愛呀!

懶人系列 - 梅菜蒸茄子

前一排肥人成日都煮湯飯，覺得有少少對唔住老公....
好似無蔬菜食下咁.....
有日，肥人諗住蒸下清蒸茄子...
突然上網見到原來梅菜可以配茄子蒸.....
肥人就立即去整新菜色啦!

非常之簡單又快.....
只要梅菜一條, 茄子一條，加少量冰糖及蔥就可以啦~
蒸前.....
梅菜浸十分鐘左右就清洗一下，然後切粒
茄子切條然後用鹽水浸住 (防止變色)
茄子鋪底梅菜鋪面，加兩粒仔冰糖就可以蒸10-12分鐘
10分鐘後用平底鑊放少少油, 慢火放蔥慢慢煎香...後倒落梅菜面就可以啦!