20181110 - 關西閨蜜之旅@大阪

同老師分別後, 我們就回酒店拎行李走lu...京都再見啦!

坐JR東海道、山陽本線新快速姬路
係Osaka Station轉大阪環狀線各停外環線
JR環狀線鶴橋站落車...
行大約4分鐘就到左今晚既酒店 - 東橫INN 大阪鶴橋站前

由於周末大阪既酒店都好好好好好貴....
我就訂左東橫INN就算啦...平平地...反正都係住一晚 ..
(一晚好似800蚊有找)
而且我係member, 可以到達先比錢~
(不過就要早半年訂定)

checkin完...我地係房hea左陣....

就出發去難波行下啦....

係大阪係無行程的...想去邊就去啦!

20181110 - 關西閨蜜之旅@高雄高山寺

是日最後一個景點...

雖然比原定時間遲左少少..不過都算叻架啦!

高山寺其實都好大的.....

 滿心期望會見到更多既紅葉.....

20181110 - 關西閨蜜之旅@高雄西明寺

下一站西明寺.....
行番同一條路....
同一個位, 其實去同回程都有少少不同

出左太陽啦...呢條橋影出去既風景更靚!

藍天加紅葉...靚靚~

 再回來呢條橋已多左人...影不到無人的橋啦!

 橋既盡頭就係售票處.....
(旅伴話我地今次既旅程淨係買廟宇入場都買到破產呢...hahaaa
雖然破產一詞係誇張左少少但真係好多支出都係廟宇入場費~)

又係樓梯....天呀....

好彩好短...
(今日肥人同朋友對腳都好左好多架啦)

又見紅葉就影影影..哈哈!

20181110 - 關西閨蜜之旅@高雄神護寺

終於到達是日第一個景點啦...
神護寺....
但係....抬頭一望...又係樓梯呀 >_<
好在...肥人對腳已經好左好多....

不過...呢條樓梯我們都行得好辛苦呢...

中途還有倒塌既樹....要小心!

石路配紅葉, 真係靚!

20181110 - 關西閨蜜之旅@高雄山

首先要同大家講聲唔好意思..

Day 4 (20181110)既相絕對係呢個旅程入面最最最最最混亂的!

因我們來回了西明寺兩次 ....
(一次未開無入去, 另一次就入去了)

所以好多相都相撞了....肥人都搞不清楚那張相是那兒拍了!

點解需要走同一條路?原因係之前打風既...

好多地方都close作維修......變相要走回頭路....

是日路線: 神護寺->西明寺-> 高山寺
但由於車站去神護寺的路封了...
變了我們要路經西明寺(未開門)->神護寺->西明寺-> 高山寺

---------------------------------------------------------------------------------------

是日要坐7點15分既巴士...
最近我地竟然未夠7點就已出門了!

先去買一日券(YEN800)
本來打算
高山寺->西明寺-> 神護寺
但高山寺係巴士總站...我們怕回程係神護寺上車會無位坐..
最後將次序換轉成 - 神護寺->西明寺-> 高山寺

早喔京都塔...

呢張一日券要袋好喔..

買完券再買麵包做早餐....

你以為六點多就沒人坐巴士嗎?

我們這班巴士係全滿的!

(好多日本人)

我們遲了排隊...好彩都有位坐...不過已經係最後排了!

上車就補一補眠...

大約一小時左右就到達啦!

 山上比較涼呢....加上未有太陽!

下車後我們跟住前面的日本人行....

哎呀...路封了!

網上既卜話呢條路好靚架...

哎呀...肥人好想行呢...

不過算吧!

唯有坐下望下地圖...(順便食麵包)

重整好路線就出發啦~

入面好橙又紅...好似會好靚...

巧興奮呀!

沿住馬路邊行...要小心..
呢個彎位有少少危險呢!

周圍都有紅葉, 可以慢慢影啦....

我地兩個好快就搵到路行啦...
不過係呢邊要小心留意一下指示牌!

呢條路我地來回行左兩次....

要小心車輛呀, 呢條係行人路又係車路黎架..

肥人見好多日本人會自駕來..

見到有小橋流水又衝埋去影相.....

盡頭有棵大紅葉...無人又可以慢慢影...

(後來先知道, 原來呢度就係西明寺..一陣會返黎入去..haha)

由於未開, 睇地圖又覺得未係神護寺

我地又繼續向前行下!

成地都係落葉...靚喔!

我地估計尋日落完雨先有咁多落葉呢~

行去護神寺沿途都好靚...有唔少紅葉呢~

周圍都好靚呀!

20181109 - 關西閨蜜之旅@錦市場

傻豬豬既我地, 不知為何...轉了subway去了烏丸御池

可能呢日行程有改...我們在Apps看錯了就轉車了...

不過都不打緊...可周圍走走都不錯!

係地鐵站見到平時用開既牌子...

好平喔..呢個係1set 價錢但係香港只能買半支...

好想買但又怕重....最後放棄了!

周圍走走.....

 天色真的麻麻地呢...

路過一間特別既7-11...

好快就到左錦市場外圍啦!

 同黑門市場其實差不多....

我們都係邊行邊睇下就算了...

有岩心水就買/食.....

呢個市場什麼都有..

有酒有海產有乾貨呀!

肥人本來想買漬物架...

不過見要雪就放棄左lu~

旅伴見到呢隻蝦..話要試下~

都燒得不錯...但鹽要平均點好少少...

 行下睇下好快就到達滿天宮啦!

小小的..行左一個圈影左少少相就離開啦!

是日最後節目...Shopping....

我們去了高島屋先拎了Kitty 折扣卡!

肥人純粹想儲張卡為留念~

 最後肥人都有用張卡呢....

買了IPSA 的粉餅...

透光調色底霜 SPF20 PA++ (黃色)
(用完真的亮白左)
生肌水源素

買完野都差不多關門啦....快快去排隊退稅!

晚餐終於可以食啦..哈哈!

我們是旦去左間樓上壽司鋪....

入去先知道原來算出名的店...

電子餐牌真係非常好呢....仲有圖慢慢睇~

亂點一通...我點了一SET 5件既吞拿魚...

又迫唔吃魚既旅伴嘗試一小小小小小小魚生...

她一擺入口就吐了!

 海膽好好食..我地有encore

食飽飽就慢慢行去巴士站等巴士返酒店lu! 

係京都站經過便利店...買下野飲就返酒店啦!

Day 3就完了..

(是日朝九晚十, haha)