恭喜發財呀~

肥人好好好好懶呀...
忘記同各位blog 友拜年呢...

新一年祝大家事事順利
笑口常開
財源廣進 (肥人好需要)
美女們型男們繼續青春常駐
最緊要身體健康呀!


雞年人人都行大運, 恭喜!恭喜!

20161123 - 木婚之旅@釜山 III

Day 4 Part 2

甘川洞文化村 ->札嘎其市場->BIFF->龍頭山公園->光復路

是日溫度: 12 ~ -1

食飽飽我地就出發去BIFF廣場行街街啦~

我地經過地下街行過去.....肥人諗住可以SHOPPING 一下...

點知...地下街既商品...估計肥人再過多二十年先岩睇啦!

BIFF 全名其實係釜山國際電影節(Pusan International Film Festival)

每年釜山國際電影節前一夜既特別活動, 都會在「BIFF開放廣場」展開

平時既BIFF廣場, 是有好多小檔擺賣而已

而且好多小檔都是賣食的....

兩旁有商店....Uniqlo 都係釜山開左啦~

有關電影既銅像及明星手印, 都可以係BIFF 呢條街搵到架~

不過是日無電影節....我倆專心行街吧啦~

好多海產賣~

係海產對面就有釜山名物 - 黑糖餅
肥人見好多人排隊....好似真係好好食喎~
見細細個, 不如又買個黎試下啦~
本來肥人都無興趣架...但突然覺得要試下..


一路排隊一路見阿豬媽係度整......
仲有盤餡比你試食....不過肥人無試呢~
好似好好食呢.....千五WON一個, 排隊時會比埋錢~


阿豬媽不停煎個麵團, 煎到黃金就可以擺埋一邊等凍少少~
排到你時, 另一個阿豬媽就會問你要幾多個
佢就會剪開個餅塞餡入去..然後放入個杯仔度比你啦~


熱辣辣架~
肥人一咬....嘩...好好食!!!
肥人一向都不愛呢類既食物, 竟然覺得好好食!
最後肥人係要再去買多個黎食呀, 真係好少有架!

如果大家有機會去釜山, 記得買個黎食下呀~
有兩檔都話自己係元祖架, 肥人今次食紅色牌果檔~

行完BIFF ...轉左去隔離既光復路繼續行~
先去VDL 買我要既粉底~ ~ ~
再行下其他Nature republic 買既要既mask~
要買既, 其實已經買完架啦..哈哈!!!

光復路好多小巷仔, 好多鋪仔架, 可以慢慢行~
不過見開始天黑, 我地就決定先去龍頭山公園啦!

20161123 - 木婚之旅@釜山 II

Day 4 Part 2

甘川洞文化村 ->札嘎其市場->BIFF->龍頭山公園->光復路 

是日溫度: 12 ~ -1

離開左甘川, 我地坐巴士去札嘎其市場啦~

由於Google 大神係韓國有少少失靈既關係

我倆又早左一個站落車啦..不過都不算太遠...

其實都不算早..不過大少話下個站落可以會更近食飯既地方~

我個人黎說其實無所謂...可以行下魚市場~

不過呢...大少怕腥, 落遲一個站可能會好少少~

既然都落左, 就行下魚市場啦~

我影魚仔乾比爸爸睇, 他問我有沒有買

我說沒呀, 香港都有啦...

他竟然答我: 買少少試下嘛, 可能同香港既不一樣呢...

我又無諗過呢點喎,下次有機會再買~

魚呀魚呀魚呀...好多魚呀~ 

魚市場好多檔都賣"芽帶"魚

檔檔都好大條架...新唔新鮮肥人就不懂看啦...

不知名既魚...有少少肉酸呀..哈哈哈!

是次比較少貝殼類見到呢~

只有幾檔有....

行完魚市場...就出發去「新市場」新東亞水產品市場食飯啦~

「新市場」會比較乾淨少少...

「新市場」2樓係食店...1樓是買海鮮的~

大少不太想參觀啦...所以直接去左2樓啦~

以為不用煩嗎?

2樓既餐廳多得行呢~

行左一圈再決定食邊間...都諗左十分鐘呀...哈哈!!!

最後決定--

大少話見到不少人正在這家用餐中...

好啦...GOGOGO~

20161123 - 木婚之旅@釜山 I

Day 4 Part 1

甘川洞文化村 ->札嘎其市場->BIFF->龍頭山公園->光復路

是日溫度: 12 ~ -1

釜山比慶州暖少少...是日最高12最低係...-1~

其實都不算太凍~

今朝食韓式早餐~

呢間店是24小時的....我見門口有包飯既圖片...不如試下~

入到小店....依...得全韓文餐牌仲要無圖片~

不過阿豬媽好好人, 佢肯跟老公出去門口睇圖...

 最後成功點左包飯同一碗麵~

個湯好清但其實好好味....包飯即點即做...飯微暖紫菜脆口的

我倆都好滿意韓式早餐呢~

食飽飽我地就坐去甘川洞文化村

好多人會選擇: 土城站(Toseong)的6號出口再搭乘2-2、1、1-1

但上次我去時, 係土城站只有企位了....

去甘川洞文化村是要上山的, 企位比較辛苦~

所以今次肥人改去札嘎其站(Jagalchi)

3號出口附近的西區廳搭乘2-2、1、1-1

呢個先叫總站呀, 大把位坐呢~

半小時內就會到達啦~

淡季既關係...竟然無人落車!

好彩...肥人認得呀....即刻同老公講到啦!

甘川洞文化村--我又來啦!

上次來時落雨呢...相都拍得不好....

是次終於有太陽啦...隨便拍都好靚呀!

上次來時, 呢個位開始就落大雨啦...

今次有陽光呢~

天氣好, 點拍都好~

甘川洞文化村其實真係有好多影相位架~

隨便都可以行1-2小時呀! 

20161122 - 木婚之旅@慶州 II

Day 3 Part 2

慶州良洞村 （양동마을）->統一殿->釜山西面

是日溫度: 9度

坐番203號巴士返市中心去酒店拎行李啦~

景點統一殿呢~?

去統一殿其實是為了長長又直的馬路, 兩旁盛開既銀杏樹....

別人的BLOG 有相看...開滿時好靚的~

是咁的, 去佛國寺當天坐巴士有經過統一殿...
肥人已經發現 -- 銀杏已經掉光了~
所以放棄統一殿啦!

同原定計劃仲有少少時間, 不如食個下午茶先~

順利商量下坐KTX還是巴士去釜山~

去酒店既CAFE 食.....

個多士好香, 外脆內軟, 好食!

食飽飽我地就行返去酒店拎行李啦~

再見啦韓屋...

最後決定--行巴士!

由於拎住行李, 我地都係坐的士去巴士站...

同來程一樣, W3000有找....

買好飛就等上車啦....有QR CODE架!

肥人大鄉里....上車後被司機叫住...

司機EERR 講左一堆韓文.....

原來....要SCAN 張飛個QR CODE...

你坐既位置就會在車頭顯示器著燈~

我地坐10同11號....

原來用T-MONEY都可以的...位置都由電腦控制的

上車DU卡後, 顯示器就會著某個位既燈....

那個位就是你的啦~

唔可以亂坐的...司機開車前會上車叫你扣安全帶...

順便會檢查的~

是日不多人坐....我估大約有十個人啦~

訓醒一覺就到左釜山啦...大約50分鐘左右...

比原定計劃早左十分鐘呢.....

落左車覺得好好好好凍.....釜山應該比慶州暖呀~!

行過小食檔...決定去食番少少野暖下身~

肥人食魚糕.....每人食一串....

平時是W1000一串....肥人照付W2000啦!

點知阿豬媽突然又EERR 講左一堆.....再比3隻手指...

依...原來係W700一串, 阿豬媽收左我地W2000叫我地食3串...

嘩...好好人呀...

仲驚我地唔知點食...裝埋湯同豉油教我地食~

食飽飽我地就去坐地鐵, 由釜山老圃站(134)出發....

再轉地鐵去西面(119)( 地鐵28分鐘左右) 

終點站上車既好處係--任坐唔嬲~

係西面站7號出口出黎....係地面行來行去都搵唔到酒店...

好彩我記得上網睇過...係樂天酒店後方....

見到樂天個LOGO 就即刻衝過去..哈哈!!

搞左一輪....好彩都成功去到酒店!

今次住- 釜山商務酒店 (Busan Business Hotel) 
大堂好大好靚.....


仲有少少聖誕裝飾...


酒店樓下有CAFE SHOP...但西面太多野食啦...
肥人根本無入過去...哈哈!!!

上左房就有烏龍事啦!
係房望出去....呢個地盤就係樂天啦...又擴建中~
肥人見到隻窗...依....咁奇怪既~?係咪壞左呀??

老公都驚係壞左...CALL左服務台...
哈哈...我估...應該好多人都以為係壞...
個女仔一答就答actually it is not broken....
然後就上左黎教我地點用....原來....係兩用架....
好白痴既肥人!!

20161122 - 木婚之旅@慶州 I

Day 3 Part 1

慶州良洞村 （양동마을）->統一殿->釜山西面

是日溫度: 9度

是日開始單位數啦!
一早就見到個天好厚雲....會唔會落雪呢~?
(發夢中)

今日要退房啦.....影多兩張相先~

又影下走廊...

今日行程都幾趕....影左陣就走啦!

先去退房寄行李係酒店, 就出發去坐巴士啦!

是日要去良洞村...由於班次不多, 又怕沒位坐..

唯有快快去巴士站等車啦~

(一小時才一班巴士, 又怕無位坐呢)

去到巴士站見到仲有少少時間..買走食啦~

買左兩條紫菜包飯...食淨左一半呀...

可能太早啦...我倆都食不下.....最後袋住先..遲少少再食啦!

(好彩有淨... 等巴士回程時已經有少少餓啦)

巴士遲左少少到達.......
巴士站有電子牌顯示牌一直顯示住巴士位置呢, 真係好方便呀!

不過巴士比想像中少人...大把位坐呢....
可能真係淡季呢!

大約坐左40分鐘左右就到啦!
一落車...依....有少少涼意呢!

良洞村仲有人住架...所以都要靜少少!
另外入村要買飛啦!

肥人去買飛時, 感覺到售票處有暖氣
好不要面地....放對手係窗邊取暖....
連阿豬媽都笑左, 仲用韓文問肥人:凍嘛?

好快就買左飛啦...入村去...暖氣BYEBYE 啦!

售票處向前行會見到間小學....

本以為無學生...點知回程時見到好多學生係操場玩呢~

樹下入口就係學校入口啦~

入村前都會見到地圖....話你知邊度有野睇呢~

不過售票處都會比一份地圖你跟住來行!

聽講....呢個景係好靚....

其實肥人覺得還好.....明明上網睇BLOG係見到人地影得好靚架..

難道肥人....不識影~?

呢度係一個好有歷史既地方.........好多古蹟..

可以入內的空地行下睇下大屋...但不能入屋內~

每個古蹟門口會有一塊牌介紹古蹟歷史..

有書齋, 有富有人家大屋等等....

肥人就跟住地圖打算行一圈啦!

民居同古蹟其實夾雜在一起...所以大家來時都要保守安靜~

民居門口沒有綠色牌的....而且都好生活化~

連燈都古色古香呀.........

肥人已經忘記古蹟既名呀歷史等等啦...

大家唯有當睇下風景啦....哈哈!

古蹟空地....其實每間都只有空地可行~

村是依山而建...所以都不少斜路架!
呢間雪糕店應該..正常...今日都無客人, 最少9度我倆都不想吃雪糕...