周圍食@悠

聖誕期間同老公外出食個lunch

肥人想飲coffee又想去買酒

就決定去離屋企最少20分鐘路程既悠

細細既鋪，來到時要等位

職員就可能到30分鐘後

寫低電話號碼就周圍行下

點知，行到去隔離街，就收到電話啦

心愛的煲

某日，肥人打算擺好所有煲

係電光火石間

康寧煲係10cm距離都無既地方跌一跌親

然後，爛左 

用左快十年既康寧煲，byebye啦😭

我的聖誕禮物

早幾日肥人係卜友既卜發現左Kitty x 高達 既超合金

馬上上網搵搵搵

由於已經係6/7月出

朋友介紹既鋪已回覆無貨

網上好多都已經售完

蝦蝦蝦

近來海蝦大豐收呢

爸爸有日捉到好多隻大海蝦

我地用黎打邊爐，真係好好食

用清水開始打，最後變左好鮮味既蝦湯呢

用來煮瀨粉真係正正正呀

p.s. 肥人呢個月已暴脹了😅😅

周圍食@喜喜

上周肥人忙，基本上都無煮飯

中午又叫外賣

是日肥人叫左車仔麵

之前睇雪姨youtube話車仔麵會有酸齋

今次比肥人見到，又叫黎試下先

叫了米粉，來到時米粉已碎得7788

下次叫油麵算啦😆

冬至

肥人改用apps寫卜先 🙂

是晚做冬，肥人同堂妹砌左個盤菜出黎😋

當然好多野都係肥人伯娘準備～

不過肥人都有幫手買材料架

尋日買一隻雞啦，半隻燒鴨啦

仲有一堆白魚蛋炸芋頭支竹豬皮等等

差少少拎到肥人手斷呀😭

不過個盤菜大成功，人人都食得開心，值得既

有蝦有金蠔有普通蠔豉

有炆冬菇及海參

有魚肚有乾搖柱

仲開左三罐罐頭鮑魚添

今個盤菜真係好豐盛呀

肥人與小強

有一日, 肥人發現家中廚櫃有一粒粒黑色物體...
小小的, 先排除老鼠...直覺覺得係小強!
但肥人搵左好耐, 都不見真身.....

有日...肥人打開廚櫃打算取煲, 就與小強相遇了!
肥人冷靜地先取最高應戰工具 -- 拖鞋 再慢慢靠近
可惜, 被小強發現了...然後急速地逃走...
由於廚櫃太窄了, 肥人不能好好地跟小強戰鬥
(注意, 唔係因為肥人太肥呀下)
最後目送小強逃走了....
不過好在, 發現原來潛伏左係廚櫃既深處

連續幾日肥人都找不到小強...有時找到又戰鬥不到...嬲啊!
由於真的無法開戰, 肥人唯有馬上找外援
台灣代購訂了一點絕!!

但由於溝通上出錯, 代購也幫忙訂了別的外援
不過都可以用既, 始終有煮食都會有小強嘛~
外援一到就馬上上戰場!!!

過左幾日....肥人掃廚房地...發現了小強屍體

yeah,勝利係歸肥人的!!!
雖然未能與小強好好一戰享受對戰既樂趣
但得到勝利, 肥人都好開心啊~

人生啊

抱歉了各位, 肥人又放負了...
是次的負....肥人仍然也不知所措中

突然收到親友通知...肥人某一位同輩走了...
年齡比肥人小...突然一場意外, 就把肥人兒時玩伴帶走了...

雖然長大後我們很少聯絡而且一年都未必見到一次
直到大家結了婚, 他有了小朋友
一年總會見到一兩次, 可能有時只是點點頭...

心情鬱悶啊, 卻哭不出來...
直到呢一刻, 肥人都不知道說什麼好了....
只能說珍惜眼前人吧!

工人姐姐

肥人而家既心情..真係呢...
上周...工人姐姐話要辭職...
她說很累..要返印尼休息!!!
拜託, 我也很累呀!!!

其實這個姐姐, 我已覺得她不想做了
中秋節那晚, 她突然說不回來睡!
後來又說要拿回之前合約的機票及假期錢!!
十月出糧時給了機票錢及假期錢
點知...過兩日她就就不做了!!!!

問她可否等新姐姐來到才走...她說不行!!
問她能否多做一個月, 她說不行
還要指定於12月3號那天走

疫情下, 叫我如何請姐姐啊???
印尼來的, 最快也要4個月至半年...來了香港還要隔離14天!!!

我找了3個agent都沒姐姐...
最後朋友仔介紹了一個agent給我, 馬上有本地姐姐可以選.
我也不挑剔了, 年齡大一點就大點吧!
肯來的我就請了

但姐姐最快也要2月才來....唉!!!
舊的姐姐會於12月頭離職..12月及1月, 只能靠我跟爸爸輪流請假
好在今年沒有旅行去...加上今年7月打算給姐姐回印尼放假..
肥人都有十多日假可以頂一下...

現在希望新姐姐那邊一切順順利利...2月就可以來我家吧!!

電腦壞掉了!!

好慘呀...肥人電腦壞左呀!!!!
肥人又未有時間拎去整...搞到好多相都UPLOAD唔到....
部NOTEBOOK, 肥人已經用左差不多9年啦....
仲記得當年去完HONEYMOON返黎就去買
而家突然開不了機....我都唔知點算好...
好多相係入面呢...唉!!!

被鬧

上上周...肥人如常地工作...
快要放工既時候, 有位男士打黎公司搵肥人...
態度語氣已經好唔友善...

他叫肥人決定價錢, 肥人說答不到, 會叫Sales 同事回覆他
然後...他就開始鬧肥人啦!!!
說我答不到就不要回email
又說什麼都不知道就衝出黎答email
肥人說只是見到sales 同事兩日沒回覆
而且客人又resend email 才幫忙問一下客人想如何
但這位男士完全不聽, 不停鬧肥人...

又說要投訴, 又說要找老闆
當時肥人說 Peter "老闆英文名"不在
他開始發瘋說: 問你老闆叫咩名呀死蠢
又鬧肥人理解能力有問題..但明明肥人答左你, Peter不在office...

肥人真心滴汗....後來說要跟肥人上司講..先解釋一篇給上司再轉電話過去
呢位男士問肥人上司知唔知發生咩事, 上司說知道一點點, 想聽聽你版本如何
點知呢位男士竟然話肥人上司唔知頭唔知路聽咩電話...
又話要投訴肥人衝出黎答EMAIL, 又話肥人剛剛要他等了4分鐘
(4分鐘是解釋給上司聽呢個男士情況嘛)
後來呢位男士問上司的上司是誰? 男還是女...聽到是男的, 說要跟他談..
是性別歧視嗎?

肥人只是覺得, 如果你覺得肥人答得不好, 你可以慢慢說呀
而不是鬧肥人死蠢呢....

後來經理看完EMAIL 時覺得肥人答得不好..
他覺得客人只是在送貨的EMAIL ON TOP 繼續問其他事
是肥人理解不到客人已經在問別的事...然後是答非所問...所以客人就生氣啦!
肥人很無言呢.....
決定以後SALES的EMAIL 一律都不幫忙覆啦!!

周圍食@Meat U So Much

前排係IG 見到牛扒店..就ORDER左一個套餐黎試試!
原本是3塊的, 其中一塊給人打劫了~
打劫者夜晚仲來圖說很好吃...~_~"
真心好大塊呢.....一塊都夠肥人兩公婆吃一餐呀!

煎時落少少鹽就算lu..老公說不錯!!
下次可以再order呢....希望今次沒人會打劫啦!

努力煮

好耐無吃酸辣粉, 有日係娘家見到有包薯粉, 煮來食下先~
當然...媽媽不太欣賞..哈哈!!
姊妹們覺得不夠辣...
過下口癮就算啦~

周圍食@麻辣鴨血

台灣除左芋頭酥, 肥人仲訂左麻辣鴨血來試試~
當晚請代購幫忙, 當時就搶到最後兩盒啦...好開心~
wfh 時煮一盒黎食...成間屋都充滿麻辣味..哈哈!!

周圍食@泰味道

之前思鄉病發作, 又見到之前JOIN過團既公司出代購
價錢又同係鄉下買又差不多膽粗粗又order下....
太思鄉了......幾時可以回鄉啊~?

周圍食@Woodsage

有日...肥人打算去嘆杯咖啡食件CAKE
點知.大排長龍...肥人又餓又唔想排...
開apps搵搵附近有邊間餐廳...最後搵到Woodstage!

老公點左豬扒飯, 好味的, 但如果飯軟少少會好點~
肥人點左烤餅..好好味!!

周圍食@時時食

前一排, 肥人同老公好中意去呢間餐廳食野~
餐牌上有 -
飯/米線/肉骨茶

 我同老公一人order一款可以慢慢試~
咸雞同醉雞都有, 唔想兩個都食雞?
點了一份豬扒飯, 一份咸雞試試~

兩樣都好好食...豬扒好入味, 不過汁多少少就好啦~

周圍食@榴槤樂園

疫情不太嚴重時, 同老公放假都會出去食下野....
有日食完正餐見到對面既榴槤樂園開左鋪...
又去8下有什麼東東可以買.....

樣樣都想試.....不過最後肥人選定榴槤撻...

周圍食@旮旯

聽說....旮旯既甜品好好食....
其中一樣係抹茶卷蛋...

某日肥人準時3點半到達餐廳買甜品...
點知...前面已經有幾個人排隊了~

幸運仔~

前排睇fb, 有間花店做抽獎...

肥人又多手試試看順道幫黃的做宣傳....

點知...中左...

(TAG一位朋友, 一人一束的)

由於抽獎當日已經紮好左...所以第二日要交收啦!

好在不是每日都home office...返工時約交收就可以了~

不然, 肥人要放棄啦~

努力煮@PANCAKE

前一排HOME OFFICE, 好多時間用~
有晚就學人試整 PANCAKE, 可惜失敗了~

貌似不錯但口感麻麻....不喜歡!

周圍食@The Basic

呢區好多小店....The Basic 就是其中一間肥人想試的店!
多數是外賣, 堂食也可以...
門口有一張台...不過夏天就會辛苦少少~
是日...老公幫忙外出買外賣~
膠袋都黃過人呢...哈哈!!

加20蚊轉餐, 配一款小食及汽水

老公推薦煙肉洋蔥餅...

好吃的..不過肥人吃完有少少喉嚨痛呢~

努力煮@炸雞餐

有日肥人好想食炸雞....
屋企又長期有泡菜...
見雪櫃有雞翼而HKTVMALL又岩岩送左雞下脾...
肥人就煮左個炸雞餐啦!

 其實雞不用點醃, 直接上粉就炸得~

芒果

早兩年肥人吃過台灣既愛文芒後...深深愛上!
 今年肥人識左個台灣代購...就隨口問問能否訂愛文芒啦!
她跟果園談好後, 愛文芒訂得!!

價錢比其他貴少少, 但最少係果園即日採摘包裝再寄出
價錢已包直接送來香港...
今日下單, 三日後送達家中...方便呢~

包裝得好好...兩邊仲有網位比芒果們呼吸呢..哈哈!

周圍食@水門泰式海南雞飯專門店

前排老公放假, 肥人又WFH, lunch懶得煮就會叫老公去買外賣~
是日試食水門泰式海南雞飯專門店

雞是不錯但飯好像硬了點....

努力煮@擔擔麵

肥人呢...其實唔愛吃擔擔麵...因唔愛花生醬...
但又會吃花生的~

留在家中時, 在youtube看到呀杜CEO煮左擔擔麵...

依...原來係好好好好好易呀!
挑起了肥人想試既心...馬上買材料試啦!

都不錯吃...老公評分竟然高達99分呀!!!
嘩, 大滿足呀~!

欠那一分是因為--沒蔥花...哈哈!!

不過擔擔麵都好好好好好好肥, 所以肥人都係煮過就算啦

周圍食@巴打小食

肥人有晚沒飯吃...又因為差不多十點...
好多餐廳都已關門了....
最後去巴打小食看看......好在...仍然有開!

係fb 得知....巴打小食由兩位巴打主理...

夜晚呢..只有大隻巴打....

(真係幾大隻呀)

驚喜?驚嚇?

話說...3月份的時候....肥人一星期會home office/ office 交替返~

紀念日前一天...老公發現我翌日不用上班....
表露出一個驚訝樣子..

我: 你訂野送去我公司~?
老公: 係呀...我以為你返工嘛....我仲請左假打算黎接你放工...
(肥人以為他訂了餐廳吃飯)

反佢一輪白眼....肥人就問下上司能否改明天上班啦~
好在...最後都可以改!

新玩具@SOUL

過年前同老公行下街街...
肥人一直都想買藍芽用下..見其他人用好似好方便咁~
是日同老公行下觀塘睇下啦~
睇左陣...決定左揀SOUL

周圍食@芋頭酥

原來肥人都差不多一整個月都沒更新..
呢個月返工時間有點亂....
每星期有幾天去公司, 幾天在家
再加上要休假....肥人都有點忙...哈哈!
不過肥人有努力影下自己吃過的外賣架!
放心, 肥人會努力上傳架!!!
------------------------------------------------------------------------------------------
肥人呢..近來喜歡食酥類食物...
(慘啦..年紀有番咁上下啦....以前真係唔愛架)
過年時朋友去台灣玩, 我請她幫我帶芋頭酥回來~

肥人無指定的牌子, 請朋友覺得好吃就買吧~

朋友好好好客氣地...請肥人吃一整盒.....

閒遊大館

回去過年時~

年初4時...肥人要過海團拜!
常常都見到人去大館打卡, 肥人又去睇下先~
原來係石板街上少少.....

呢度有幾間酒吧~

可能過年, 沒太多人~

肥人同老公就可以慢慢行慢慢影下相~

周圍食@泰COOL

之前肥人去左觀塘泰COOL食飯...

老公說LUNCH不錯吃...我們又去試試!

八點多仲要等位呢....全場坐滿的!

 

串燒併盤, 除了牛..其他都好吃~

無通菜吃...炒雜菜都不錯...

因有肥人愛的芥蘭呢..哈哈!

抗疫~?

肥人已經home office了一段日子...
開始有點悶啊~
有時都開心可以返下office 做少少事...
每日都困在家真的有少少悶呢....

肥人home office時午餐, 會前一晚留定呢..
連街都不用出呀!

雲雲雲...

前一排, 肥人見到雲好特別...
每次都有影低.....

周圍食@日日香鵝肉飯店

一月中時...同同事去左 新開既日日香鵝肉飯店試下~
60蚊一個鵝肉飯配飲品..算抵吃吧~?

 男士應該不太夠吃...肥人細食都覺得剛剛好!

鵝肉好吃....入味!

還有豆腐及蛋....唔錯啊~

有下次呢...

周圍食@亞玉冰室

前排有間茶記開左...肥人又搵個星期六去試下~
2點就有下午茶, 好GOOD 呢...

感覺有少少貴..不過見到個餐就覺得...唔貴!

周圍食@涎again

有日同老公又去食涎...
今次無打卡優惠送飲品, 所以直接點了貴的那個set!
其實都係4百尾.....

沙律升級了, 有魚生的~

包兩杯野飲....兩隻都不錯~

努力煮@花膠燉鮮奶

肥人突然發現, 家中既花膠好像有點變色...
害怕變壞了就快快煮..
(發完分好包裝放入冰格, 想食就拎來煮就可以了)

努力煮@壽喜燒

肥人...一向都唔愛吃壽喜燒...
因為覺得太甜....
但近幾個月...肥人突然好想吃...
好...不如自家制啦...又可以減甜!!
而且好簡單架咋.....
減甜既壽喜燒肥人好中意呢...
最後再加烏冬吃....大滿足呢....