小計劃大工程@廁所篇

趕下進度先, hahahaha
--------------------------------------------------------------------------------------
廁所絕對係全屋改動不大既地方
上網簡單搵下reference就開工啦....

同廚房一樣, 要揀好洗手盤大細先~

小計劃大工程@廚房篇

十月真係過得太太太太太快啦!

一整個月竟然無出過卜.......... :P

肥人搬左之後, 時間唔算太夠用呢....

放工趕返去買餸, 回到家都7:30之後呢....有時八點才回到家~

坐一陣就準備煮飯啦....老公大約9點至9點30分返到...

食飽飽都10點多....肥人休息一下就會準備沖涼訓覺....

暫時還在適應中, 加油呀肥人!

------------------------------------------------------------------------------------

廚房, 是肥人全個屋企最緊張既部份!

始終用既係我自己....

又由於廚房細到不得了

 如何將肥人要既廚具通通塞入又是一個大學問呢!

肥人上網找了很多差不多大細作reference.... 

開工前模樣:

除水龍頭, 牆磚及地磚會保留, 其他通通都會拆!

(蠢了, 本來想抽油煙機靠近窗才把煮食爐換位

現在就有問題啦....開門就見煮食爐

風水上有問題呢

而且開窗會有風, 搞到火不太穩定, 唉!)

廚房算簡單, 拆除後等廚櫃好了就安裝啦!

很討厭的煤氣標喔!!!!!

大大浪費左個廚櫃呢!

搬來頭一日發現.....開關制壞了!!!

好在是夏天, 我仍可用冷水沖涼呢~

第二日即打去煤氣公司, 好快就安排到師傅來啦~

小計劃大工程@客+飯廳篇 I

肥人又好耐唔出卜啦...因為...肥人真係唔知點整理資料...
今次真係呢......

---------------------------------------------------------------------------------------------

客廳同飯廳.....

起初肥人同老公一心想要木紋地磚....

揀左好多間最後揀左一隻灰白既木紋磚...

有一日...老公突然話: 都係要番普通磚好啦

最後揀左米白色暗花地磚!

由於受左灰色牆影響...地磚變左灰色...hahahaaaa

地磚已經米白....牆呢, 肥人就唔想又白雪雪啦!

所以揀左粉紅色既油......清雅這款肥人覺得好喜歡!

老公意見又不多...都不用太多討論....

清雅-Confirmed!

油油前師傅剷左底再上油....

由於有一間房是需要自己間的

考慮有木板及磚牆

木板價錢平但隔音麻麻

磚牆比較貴但硬淨...

屋企人話自己屋, 不如整好少少

最後決定左砌磚

(受左磚牆影響, 地磚變左灰色...haha)

冷氣方面...老公今次決定要裝分體!
因為想要寧靜一點既環境!
後來裝完才發現....房裝分體廳應該裝窗口式....
原因1: 廳是長方的嘛~

原因2: 我們沒整任何燈槽等等, 分體冷氣既喉通通都外露
好肉酸呢....
後來叫師傅幫忙再整個木盒, 順眼好多呢~


廳燈方面....肥人其實都喜歡吊下吊下既燈..
但老公朋友話風扇燈絕對係要裝的!
香港的風扇燈款式其實不多, 來來去去都差不多般...
圓圓的燈配風扇....超不喜歡!!

最後終於睇中了這支!
簡單既線條, 望上去年輕點!
有黑有白, 肥人堅持要黑....
雖然老公想要白, 但最後都順肥人意呢~
(黑色我覺得型格一點嘛)


揀這款風扇燈原因是....有同款既燈!
可以統一少少!
有風扇同無風扇既分別在於高度...無風扇的會比較貼近天花!
當然....最最最最大分別係 --- $$$$$$$$$$$$$$$
2千幾VS幾百......


不過我真係好中意呢~


待續....

小計劃大工程@收樓篇

慘啦, 肥人發現..小計劃大工程應該係最難打既卜!
太多野啦, 肥人都唔知應該點分享好!

如果大家覺得小計劃大工程篇寫得好混亂
記得話我知呀, 等我再改善下~
廢話唔講啦, 去卜啦!
 -------------------------------------------------------------------------------------

話說..肥人是買樓花的...
是2年前買的...預計落成日期係17年既3月尾...
一月份時收到律師樓電話, 話有消息可能提早收樓
叫肥人先準備Mortgage
過年前收到呢個咁興奮既消息, 真係年都過得開心d, hahaa!
呢個電話之後, 肥人就一直等等等...唔知幾時有信收呢?

最後肥人足足等左...兩個幾三個月..
 先收到律師樓既信叫我地去律師樓簽文件啦!
4月尾簽完文件, 就約左五月頭收key 啦!!

99話第一次入屋都要揀個好日....
肥人其實覺得無所謂但長輩既然在乎
都要聽下啦!
收樓日肥人當然有邀請99 一齊去啦
因為...肥人唔識拜4角呢~

係吉既新屋入面好興奮咁左摸摸右摸摸左成個鐘後
終於記得要拜4角啦...hahaaaaa
都唔明吉既點解都摸到成個鐘...哈哈!!
好, 去相比大家睇下我間吉屋先!

小計劃大工程@入伙啦!

先用文字記錄下先!

肥人個小計劃已於昨日正式入伙啦~

由於新居好混亂, 仲未可以上到網...
卜要過多排先可以UPDATE 到~
相都沒時間UPLOAD 呢~
等肥人慢慢執好間屋, 仲同大家慢慢講下呢個大工程啦!

不過呢個新屋昨日已有問題...
煤氣總制竟然鬆左!
昨晚肥人....係用凍水沖涼呢~
好在係夏天...
好在肥人習慣左用凍水沖涼呢, 不然就慘啦!!!

小計劃大工程@我們的家

黎緊呢幾個月...肥人可能有少少忙.....

除左公事....肥人忙住新屋既事~

裝修真係好煩又好忙呀.....

忙住係旺角某條街行來行去.....

忙住係一大堆磚入面揀啞面光面木紋直紋........

老公今日想這樣明天想那樣...真係呢...煩死我啦~

浴唔浴室寶好~? 抽氣扇好似好少少喎....

廁所要唔要假天花? 整左美觀少少喎...

肥人主場既廚房...好細....

點樣可以用盡所有位呢~?又要諗一大輪...

要改位又要錢....最慘係肥人缺錢....

連簡簡單單既水喉...都有好多唔同牌子, 不用大小...

揀燈都揀到眼花...真係眼花架....

望住咁多開著左既燈.....

床要點擺, 飯台要點擺, 各個櫃又要點擺...

肥人都諗到傻傻地啦.....

不過點都好, 希望一齊順順利利啦!

暫定八月尾就可以完成架啦, yeah!

大工程開工啦!