M & H~

MERRY CHRISTMAS
&
HAPPY NEW YEAR

呀各位~


原諒肥人又遲到啦.....我電腦壞左呀拎左去整呀...
我而家都等緊電腦公司回覆幾時先可以拎番電腦呀~ ~ ~
我既油雞呀....唔知幾時可以完成呢.......(準備逃跑先)

Any肥.......
肥人祝大家新一年任何事都順順利利~
人人都身體健康, 青春常駐~

20161121 - 木婚之旅@慶州 II

Day 2 Part 1

 佛國寺(불국사)-->石窟庵(석굴암)-->普門區

是日溫度: 16度

離開佛國寺, 我地就去等一個鐘先一班既巴士去石窟庵啦!
坐左幾個字車就到, 好快~
由於係上山, 條路又多彎又窄, 其實都心驚驚呢~

不過一落車就見到慶州全景...都值既!

又由於高...好大風好凍呀!!!要即刻快步行啦~

先見到鐘樓....真係有個大鐘係度..

要比W1000先可以打一次!

我見到有遊客打呢, 不過肥人興趣不大~

買左門票就開始行啦....依....山路黎既~?
沿途都有少量韓國人, 行山的!

行左十分鐘左右, 就會見到下面個圖~
石窟庵係石洞入面有個佛像而出名
係古蹟黎!

企係石窟庵門口望返落去.....風景真係幾好...
今天天氣唔算好好, 視野差左少少~
涼涼地又唔算好凍, 我地覺得幾舒服架!

韓式建築入口

後面高起左就係佛像所在之處!

入面又係不准拍照的, 所以又沒相睇啦!

不過...肥人覺得係值得睇下既

因為真係好勁呀, 古人點可能係石洞內整到一個石既佛像出來!

仲要大大個架!

睇完佛像我地就走啦...

去到巴士站已有其他人等車中~

一個鐘先得一班呢...要早少少去排隊呢~

係佛國寺落車, 我地就等11號巴士來去普門湖啦~

20161121 - 木婚之旅@慶州 I

Day 2 Part 1

 佛國寺(불국사)-->石窟庵(석굴암)-->普門區

是日溫度: 16度

是日去慶州最大既寺  -- 佛國寺!

先去酒店CAFE食早餐
因為住客去食野會平Won1000~

甜甜地既朱古力及榛子酥, 加一杯熱Latte!
都幾好食呀, 早餐就食甜野....
學左某位blog 友添 :p

食飽飽我地就出發啦!!!

長長既路...每日來回行兩次~
因為呢個係向巴士站既方向, 亦係景點方向!
馬路兩旁有餐廳及小食店的....
後一行就係民居啦...
十點回來時..間間都收左啦
所以只有出門時見到有開門及賣什麼..哈哈!

行左大約十五分鐘就到巴士站啦!
又見到一排銀杏路啦~
兩旁都種滿銀杏樹...真係好靚呀!

等巴士時都欣賞下銀杏樹!
阿豬媽企既地方就係巴士站啦!

巴士站好先進既, 會話你知邊班車仲有幾多分鐘就到啦, 真係好準架!!!


等左幾個字....終於有11號巴士啦!!!
可能不是旺季, 班車都吉吉地.....

班車要坐差不多一個鐘先到佛國寺....
坐左差不多40分鐘左右....肥人突然見到有個巴士站寫住佛國寺!
肥人即刻叫老公落車啦......老公說未到呀未到呀...

但肥人明明見到有個巴士站寫住佛國寺...
老公覺得我睇錯而且他望住地圖....但最後肥人選擇落車.....


點知....................................................................


落左車後老公再比地圖我睇.....根本...仲未到!
落錯車落錯車落錯車....oh no!
只怪肥人見到有個寫住佛國寺既車站啦!!!!!

唯有自己行上去啦!!
不過錯有錯著既....我地沿途都睇左不少紅葉呀!
如果坐車咪睇唔到囉~?哈哈!!
(安慰自己中)

 以為好快就到...點知.............
足足行左半個鐘有多呀!!!
沿途有見到11號巴士架...不過我地以為就到..所以無叫停班車!
好反悔無叫停班車呀!!!行到肥人連羽絨都除埋呀!!!
不過又見到唔少紅葉, 肥人都覺得還好啦!
反正自由行就係咁啦嘛, 係咪先~?

(肥人成個trip都唔敢再講我覺得應該係度落車)

半個鐘後....見到呢個牌就知道終於行到啦!

黎佛國寺係打算睇紅葉...可惜..........
有樹未轉色, 有樹係黃色, 有樹係深紅色.....
沒法啦...過黎前幾日...韓國突然凍左好多.....

周圍食@裕一品米線

肥人同老公都愛吃米線.....
拍拖時, 連老公既同事都知道...
我地既拍拖餐係米線, 打邊爐同壽司!
只差去邊一間而已....
以前真係好鍾意食譚仔...
可以每個星期都去一次.....
但唔知幾時開始....肥人已厭了譚仔!

又想食米線但又唔想食譚仔, 唯有周圍搵!
肥人有日搵到一間...裕一品米線!
可能係後街既關係, 都偏少人!
雖然已經九點多...哈哈!!!!!
點了兩個小窩米線!

老公點左腩車水餃...酸辣!

老公說還好.....

20161120 - 木婚之旅@慶州 II

Day 1 Part 2: 

瞻星臺-->月精橋-->東宮與月池(雁鴨池)


離開酒店, 我地就去景點行下啦!
好近架其實~
沿路都係住宅區....好多民居呀!

仲見到好多蚊...大大隻....
天呀....十幾度都仲有咁多蚊...唔係嘛~?
仲有好多蚊仔..合埋口快步走走走....
(但其實環境不是DIRTY 的)

行行下見到少量壁畫, 畫得都好靚呀!

慶州係新羅王國...所以好多新羅女皇既畫~

差不多行到去景點啦~

見到個牌就知到左啦!!

不過我地都有少少餓啦...決定食少少野~

古色古香既星巴巴~

附近得Coffee shop同韓餐館..又不想行太遠.....

已經4點多....如果食左韓餐幾時才吃晚餐~?

最後決定入便利店啦!

學韓國人食杯麵!

成日睇韓劇都會見韓國人係便利店食野...今次試到啦!

韓國便利店除左有叮叮機, 就多左一個熱水機比你整杯麵!

不知是不是太餓, 杯麵都好好食!

連相都無影到.....太餓啦!

要即刻食啦..哈哈!!!

食食下麵, 隔離就黎左兩個韓國女仔....

她們都是吃麵....哈哈!!!

食飽飽就走啦.....去對面行景點啦!

先見園車..好似可以比錢車你去各景點..園內的!

不過我無坐!

20161120 - 木婚之旅@慶州 I

Day 1 Part 1:
香港機場 --> 釜山機場 --> 慶州 

是日溫度: 19度

HK 9:30 --> Busan 13:30
廉航HK Express

準時730去到...點知得番第一行有窗邊位...
早知網上check in la~

不過算啦..都無法啦~

細飛機, 一行6個位!
沒有商務, 用板隔開空姐工作位~
肥人全程都聽到空少空姐係度叮熱野等等~

是日有不穩定氣流, 但都平平安安2個多鐘後就到達釜山啦~
仲比原定時間早左少少到呢~

釜山機場唔算大, 好快就入左境拎埋行李啦~

每一個鐘都有一班車去慶州, 拎埋行李仲有半個鐘先有車~
時間配合得好好呢~

Gate 3一出就係巴士站啦~

巴士既終點係項浦, 中途站係慶州!

係呢個站係唔需要買飛住, 行李亦盡量擺回慶州那格!
(雖然司機去到慶州都會將兩格全開給你)

準時14:30 開車...第一站係--國內線!
國內線就會有職員上車用韓文問你去項浦定慶州!
但會講得好慢.....又指住車外既中文字!
我地都聽左幾次都答佢唔到..因為發唔到慶州個音..哈哈!
慶州共需要w9000, 但去項浦就要w11000, 所以記得講清楚呀!

大約70分鐘就到達慶州啦!

沿途風景都幾好, 唔算太鄉下呢~

3點多落車...

車站隔壁就有個information 站啦, 職員英文好了得!!

先拎203號巴士既時間表....

一說203, 職員已經好自動比張印有203時間既紙仔你!

仲有埋膠紙幫我貼左落我既行程表上呀!

好細心好體貼, 超讚!

再問問點去酒店就離開啦!

周圍食@雜

今篇有少少雜亂..因為幾日既食物擺埋一齊~

還記得S!p 嗎?
肥人太掛住鬆餅..所以有日叫老公再去!

今次服務態度好左好多啦..可能唔係同一個職員啦!
點左兩份早餐!
一杯latte, 一杯即磨咖啡!

鬆餅真係好好食......

一個點腸一個點菇, share 黎食~

周圍食@Greyhound Cafe

前一排同朋友仔聚會, 揀左食THAILAND 菜!
4個女仔叫左買杯野飲...但有一杯要追先有...
跟住肥人就忘記左影相LU~
因為無留意朋友叫咩飲品....不過印象都好好食架!

肥人要THAI 奶茶, Yummy!

4個女仔...眼寬眼窄...咩都想食!

單骨雞翼...好好食!!!

外脆內嫩..大讚呀!!

海鮮意粉....肥人不太推介~

好細份呢........味道還好!

新生兒~

新生兒媽媽不太喜歡愛兒樣子出現於網上..
所以今篇只用文字啦!

對!
肥人家有新生兒了~
去年十二月肥人嫁妹妹...

今年年初妹妹就報喜有了~

原定十一月中出世的新生兒突然係月初作動了~

經過一段時間...肥人榮升姨媽啦!
真係好好好好好高興呀!

妹妹住醫院期間肥人都有去探望~
周六還煮午餐給妹妹食呢~

幾日後, 新生兒已跟妹妹回家了~
-------------------------------------------------------------------
肥人都想去照顧妹妹及BB

但......................................

同team同事本來都打算請十月中至尾的假
肥人為了十一月尾可以放假去照顧本來會於十一月中出來bb...
所以肥人請同事改期...哈哈!!!

點知......bb提早出來啦!
肥人臨時改不到假啦....
同事已經在外國啦...嗚嗚!!!

肥人唯有照原本計劃啦!
所以....各位.....12月再見啦!
哈哈哈哈哈哈

p.s. 偷偷地話比大家知...肥人雖然放兩個星期假..
但....明天就出發去旅行呢....哈哈!
一星期後才去妹妹家幫忙呢....哈哈!

玩樂左先...哈哈!!!
肥人今年第一次去旅行喔.....好開心好興奮呀!

周圍食@功夫點心

唔知大家有無聽過功夫點心呢~?
肥人係尖沙咀返工多年, 都無聽過!
有日同事話不如去飲茶...但只有我地兩個喎!
點飲呀?
同事話得架得架!
最後同事帶左我去功夫點心....

功夫點心同普遍茶樓最最最大分別就係....

某些點心可以一件件地點...好似蝦餃咁! 

肥人同同事每人要左一粒...
以為會比茶樓差...但出乎意料地大大粒又好好食!
仲好多蝦肉呢~

煎糯米雞.....肥人好鍾意食架!

不過又唔係度度地方都有!

之前係新斗記有得食..不過而家無左啦!

以後係功夫點心食到啦...YEAH!

灣仔生活 IV

再對上一次打風日...肥人無任何打風準備!
其實唔係無..係買不到任何野!
放工返到灣仔, 去百佳同惠康..都好似打完仗咁.....
真係連麵包都無呀!!

打風日周圍都無開...屋企又無食物...
肥人同老公見無風又無雨就去街睇睇啦!


最後走左去鵝頸橋度搵野食~
搵到間粥鋪有開...就食你啦!
肥人要豬潤粥

老公要牛腩麵....

周圍食@漁川米線

  

肥人鍾意食魚....老公鍾意食米線~

係灣仔早幾個月, 開左一間魚湯米線....肥人就拉埋老公去試下啦~

是日妹妹又過來灣仔搵我, 齊齊去食米線~

妹妹點左魚餅米線, 魚餅幾好食..彈牙的!

 

肥人要左魚片頭米線...魚片頭都無特別

普普通通一件魚片頭而已

不過勝左都幾多件呀一碗!

周圍食@Postcollectionhk Cafe

"不設服務"
"絕對會黑面鬧人"
"自律清靜"

睇餐牌時...記得睇清楚規則呀..哈哈!!

有日肥人同老公去左灣仔某間新開不久既CAFE食野~
餐廳係後巷的, 其實不易發現!

入到CAFE....只有點餐位有大大個餐牌~
自己睇完就自己坐低再自己行去點野食啦~
點完野食, 會有個號碼牌比你
自己係點餐位度拎刀叉碟紙巾等等!

餐牌上有幾杯特別名既飲品..肥人點左其中一杯!

點完餐就等食啦!
肥人點左杯"若如初見"~

老公覺得價錢有少少高...比星巴巴貴~

不過點做支持下小店嘛, 係咪?~

等食期間欣賞下cafe先~

好多地圖呀, 船呀等裝飾!
肥人覺得幾特別!