十週年之旅@Samui Day 4 Part 2

係龜島浮左1個鐘左右就開船走啦!
去南緣島食飯同自由活動!


南緣島, 要每人比THB100 上島費....
不過, 真係好抵架!
海水, 真係清好好好好好好好好好多架!

一上島再望落海...waaaa...好多魚呀!!!!
真係唔使落水都見到魚啦!

食飯, 不值得一提啦!
自助餐黎......導遊淨係話230集合就由你自己慢慢食同玩!
自由行多...食物就要....
台又dirty, 唔夠人執野, 蟻又多......唉!
是旦食幾啖就算啦!

比錢入保護範圍去!
玩南緣島, 有兩個玩法!
1) 行山睇全景
2) 係沙灘曬太陽/ 浮潛

我地當然係浮潛啦!
之前派比你既浮潛用品及救生衣仲跟住你架!

係沙灘曬太陽? 你都要爭位呢!!!

沙灘椅, 係要比錢架!

而且...你唔會夠自由人爭到位.....

我見到泰國人都做到炆炆地!

成個沙灘都開滿椅囉!!!!

老公話不如搵舊石算!
呢舊太遠啦....行唔到!

行去另一邊先.....

呢個沙灘好特別架!

水漲時, 少部份沙灘要隔水架....水唔算太深的!

搵到石頭就坐啦!

老公話個島要坐船黎, 就算要偷野都唔會上到島偷既..

信佢一句話, 就跟老公去浮潛!

可能水淺好多, 我用腳掂到地, 無咁驚呢!

不過都由老公帶住!

始終海底都有石, 老公要帶我游過去!

好多大魚呀...仲有海參呀!!!!

但由於肥人無海底拍攝既相機...所以大家無緣啦!!!

仲見到有條藍色既魚....好好好好好好靚呀!

肥人仲首次獨立浮潛左一陣, 雖然係淺水區!

浮左一陣, 就叫老公自己去浮, 始終淺水魚不多嘛!

老公就獨自游出深少少既地方...仲話出面多好多魚架......

唯有下次啦!

肥人坐係石上望落海都望到魚架...

mo仔呀!!!!

 開始水退啦..石邊魚不多lu~

 走時...水退得差不多啦...沙灘回來啦!
剛剛有水浸住既沙灘露面啦!

準備走啦!!!

依靠木橋上船!

返到Samui 已經3點幾啦!

大家都盡興呀!

回程大部份都訓左.....

訓到中途, 突然有兩位大媽由船頭走左去船尾傾計...

天呀....摩打咁嘈都唔夠大媽呀!!!

肥人坐尾3呀....

肥人醒左都不得不睇下大媽.....

後排兩個外國人都好無奈地望住肥人苦笑!

大家都被嘈醒!

好彩最後大媽都返上船頭!!!!!!

一天盡興回來啦!

碼頭有船去Full Moon Party 呢~

船公司安排左十部車跟區域送大家返酒店!

我們部車起初有8個人坐...唔夠十分鐘, 佢地就落左車lu~

又包車啦...哈哈!!

但有少少擔心...我地果區應該唔多人去~?

十五分鐘左右就落車啦!

酒店..到達!