十週年之旅@Samui Day 3 Part 1

Day 3有少少長.....要分多幾篇慢慢打....

希望大家唔好介意啦!

*******************************************************

前一晚報左LOCAL TOUR

 今日一早就係酒店大堂等旅行社黎接我地啦!

早餐係酒店食....幾豐富架!

因為趕時間, 無影相呢~

用左兩個字去食早餐就快快去大堂等啦!

記得帶報團既receipt 呀, 司機睇receipt 接人架!

好快就有人黎接我地啦, 依....唔使去其他酒店接人!

好快就去到第一個景點.....團友呢~?

落左車就有個泰國女仔黎介紹自己係導遊!

叫我地先自己行下, 要等埋其他團友黎!

仲話4人一團咁...

講好集合時間我地就自己周圍行下啦!

um......翻譯...會唔會有少少怪~?

呢度有幾個佛像, 我地都忘記係什麼名啦!!

金光閃閃既佛廟...可惜天陰, 影既相都不算太好!

周圍都有佛像

 天陰陰...真係好難有靚相呀!

如果天氣好, 相一定好靚呢~
河入面有好多魚架...可以買魚糧去餵..
魚多到....有少少得人驚呀!
一放魚糧就大量密集既魚游上黎爭食!
仲有好多雀仔呀.....雀仔會食魚糧架...
只要你一拎魚糧出黎, 雀就會飛過黎...哈哈!

連象都金光閃閃架....

集合左發現, 今日呢團有十個人!

分左兩部車呀....

我地上左車等, 諗住會有兩個團友上車啦!

點知, 8個團友通通都係上左另一部車..

依...我同老公包車呀..哈哈!!!!

導遊就上左我地車.....

好快就去左另一個景點, 都係睇佛像!

我真係完全唔記得廟名啦!

報團時都無留心聽....更何況黎到景點..哈哈!!

又開始落雨...唉~

係好天時係可以行樓梯上去睇大佛像!
可惜當日落雨....樓梯封左...無得上去啦!
不過不太緊要既...我們周圍行下...
仲見到full moon party 個島呀!

一個廟有好多佛像呢...