十週年之旅@Samui Day 4 Part 1

Day 4....又一大早起身......
因為要出海去!!!!
旅行社果然沒騙我, 今日係好天少少架!!!

六點多就起身啦.....去食早餐先~
今日終於有陽光啦.....可以幫酒店影下靚相啦!

藍色傘後面就係食早餐既地方啦~

仲可以影下沙灘......太陽呀...我等左你好耐啦~

今朝無尋日朝咁趕, 可以影幾張早餐既相....

其實都算多野食.....

肥人怕暈浪...食左少少就算啦!

食左早餐就食定暈浪丸啦!

暈浪丸--尋晚夜媽媽周圍搵既...哈哈!

THB10有成十粒......

點解唔係香港帶過去~?

因為我係無諗住出海架.....

係來到....老公話好似唔出海有少少浪費呢....

所以肥人就....捨命陪君子囉!

食完早餐即刻返大堂CHECK OUT, 今日我地會換酒店!

問左旅行社, 說船公司可以去A酒店接我地出海

出完海可以送我地返B酒店

而行李可以帶埋去碼頭...有人會幫手看管!

時間到啦, 都未有人黎接我地....大堂內其他人陸續被接....
等左半小時先有人黎....一見到我地有行李就呆左...
明明...講過架喎...
司機話NO PROBLEM...就狂塞行李上車.......

訓左幾個字就到左碼頭啦!
好多人...
原來係一間船公司一個碼頭架!
呢個碼頭既人通通都係JOIN左同一間船公司!
一落車, 就會有Staff幫你綁絲帶!
呢個staff仲幫我地處理行李
老公同佢講唔好意思...staff好nice 咁答無問題, 好多人都會咁
仲話碼頭會長期有staff係度, 好安全!
但眼見...今日只有我地係咁...哈哈!!!

綁絲帶既staff, 就係我地今日既導遊啦!
要等齊人先出發, 我地去休息區坐下!
比我地早到既一團就準備出發啦!
導遊係一位年輕既金髮女郎......oh...早知揀英文團啦!

等左十幾分鐘就到我地出發啦!
上船時仲有人比船飛你!


上船去!!!


一團有20人左右...有外國人有中國人.....
先坐船去龜島附近浮潛
(老公之前就係龜島學潛水)
都坐左一個鐘....肥人同老公就補下Zzzzzzzzzzz先~
(可能係暈浪丸發作, 超級眼訓呀)

停船時, 導遊就派浮潛用品

會炒低個用品編號及名字...回程時要還的!

如還不到就要罰THB1500一個!

(估唔到真係有人整唔見左...富2代FEEL 既人)

肥人係老公協助下落左水....但係好驚呀!!

肥人又唔識游水但又好深水!

老公不停說放鬆就可以浮.....點放鬆到呀!!!!

突然大脾又痛左一下....肥人更驚!

最後無用既肥人就上船去...

老公繼續浮浮浮!

導遊都會親自教人浮...仲有一個幫手的!
幫手一開始就給大媽霸佔了....
最後差少少斷氣...被大媽攬到!

而兩位都可以講普通話架!

上船後有一位會用淡水幫你沖身!

仲有位船長!

肥人上船後發現....剛才大脾痛左一下既地方竟然紅左一條!

老公上船後說肥人應該被水母碰到, 好彩無炸我咋!!!

第一次浮潛就遇到水母....oh no!