十週年之旅@Samui Day 3 Part 4

Day 3...仍然努力中.....
如果覺得悶...請跳過Day 3啦!
--------------------------------------------------------------------------------
係房等到停雨, 我地就出發去搵食啦!
肥人提議行下酒店內部....
泳池夜景, 都唔錯呀!

房間..

最鐘意大堂呢幾張吊椅...食飽飽返到黎坐..吹到海風...

好爽呀.....肥人差少少訓左..哈哈!

Samui 有好多流動廣告車...

每次車一經過就會好嘈...一路廣播一路行...

呢部賣日本按摩店....

 呢部賣Local tour....

 係酒店附近有間熟食夜市....
肥人眼利睇到個入口...如果唔係...真係行過左都唔知道架!

有少少似大排檔, 好多間鋪比你慢慢揀
揀好就坐低叫野食....
我地行左一個圈都唔知揀邊間好...
因為間間都食海鮮架...
最後決定左揀最近入口既一間....


一路點菜staff一路介紹海鮮..
你可以行埋去睇下海鮮情況先決定要唔要架..好nice 的!

最後我地點左咖哩炒蟹, 蒜蓉包, 炸蝦, 蠔餅同菠蘿炒飯!

蒜蓉包...over cook左, 硬左少少!
但蒜味好重, 如果淋番少少就good 啦!

炸蝦...肉好新鮮..
蒜香的....好野味呀!
我不太愛蝦但都食到啜手指呢~

蠔餅就當然唔似潮州果d...
蠔同蛋比例都還好...不是啖啖蠔肉但都會食到既!

最失色既係蟹!
係曼谷食過咖哩炒蟹係好好食的!
但呢間就太稀啦咖哩汁!
不過大大隻, 算啦, 當食普通蒸蟹!

點菠蘿炒飯時發現, 餐牌上有兩個菠蘿炒飯, 價錢不同的!
問店員應該選那一個, 店員叫我地選平的一個!
店員說份量一樣的, 不過多左個菠蘿做底...
咁當然要平的啦!


兩個人點到一台都係呢...哈哈!
好在泰國食物一向都係細細的...

 今餐只係食左....THB750 only!!!
抵到呢....
係大街既餐廳叫一個海鮮SET要THB999 起...
我地散叫都係THB750咋.....

飲品係隔壁店提供的!

一坐低就會有人比一張飲品餐牌你!

起初以為同一家店...但點菜的會指住隔離店, 叫你去點!

點完就坐回位, 有專人送上飲品...當然同時收錢!

哈哈!!

雖然熟食夜市環境不算太好...

(肥人仲比蚊咬)

但氣氛一流呢!

有人彈結他及唱歌!

有外國人跳舞助慶...

大家都玩得好開心呀!

食飽飽, 肥人同老公就去左湖邊既夜市行下啦!

下篇再講啦....

大家悶唔悶呀? 仲講緊Day 3 咋....

頂住呀大家....^^