十週年之旅@Samui Day 3 Part 2

離開廟宇, 我地就去左一個角落睇海景.....
其中一個View Point黎架...哈哈!!

係我們第一晚住既酒店附近...老公話!
黎到呢度就開始有少少陽光啦!
yeah!
團友仲笑問導遊點樣引到陽光出黎....
算唔算撩女仔~?

未影到相...天又陰番啦!
真係純粹係海啦...哈哈!!!

影左幾張相就返上車啦!

團友們好多都上左車啦..最慢又係我地!

1團10人, 得我地兩個係香港人!

2個有少少似泰國人

其他既, 都係上年紀既外國人呀!

3pair人黎架......

View point 之後就去阿公阿嫲石啦!
有名架wo!
阿嫲石...因為水漲左, 好難望得到阿嫲石呀!
不過阿嫲石真係要想多少少想像力先睇得明呀!



點解叫阿嫲阿公石.....大家睇左阿公石就明架啦!!
阿嫲石...咪就係女性某個位..哈哈!


除左阿公阿嫲石, 都係石頭同海...哈哈!

 我們吹下風影下相.....

終於..影到少少太陽啦..終於!!

離開阿公阿嫲石就去左搵猴子啦!!

猴子表演上樹摘椰子..真係好快呀!

仲可以同猴子影相...不過我興趣不大呢~

為左影呢隻猴子, 我ZOOM到相機鏡頭最盡!
點知...影完呢一張猴子相, 相機就ZOOM不回去啦!!!!


心情..不算太差.....
又不算太好啦!!!!
團係包左試食椰子架!
肥人我心情麻麻...試左少少就算啦!

行程...都要繼續架啦!!!!