光波豬扒飯

呢幾天...肥人我....日日都OT...日日都忙到嘔血....
攰到無朋友...更無時間想菜單....
是日...又OT......攰到不得了....
但不煮....明天lunch 可以吃什麼??我想午睡呢!
blog 友仔提起早幾日嘗試煮焗豬扒飯......
令肥人我就決定想都不想....照煮可也!

叫先下班的老公幫我去街市買了2個蕃茄加一個洋蔥!
自己下車時，到超市買罐頭蘑菇片及鍚紙盤........
買完材料...回家開工是也~~



材料:豬扒 (鹽, 糖, 老抽, 生抽,酒,水, 豆粉及油醃十五分鐘)
蕃茄及洋蔥切粒, 蕃茄分兩份, 一大一小
罐頭蘑菇, 清水洗一洗，弄乾備用
蛋2隻...打散備用

醬汁:
小份蕃茄加茄汁加糖加水用慢火煮至杰身就可以
(我見別人用茄膏但我無力買了...所以打算茄汁就算了)
(我見別人用麵粉弄杰個醬汁...我都不想弄太多了便由它自己煮杰身就算了....所以老公說不太夠汁)

Step:
1) 燒紅鑊放少量油...熱油先炒洋蔥,
炒到洋蔥開始乾身就加蕃茄炒片刻, 再加蘑菇炒至乾身
2) 先將豬扒微煎..微煎就可以，不用熟
3) 燒紅鑊, 加油, 油熱放大半蛋炒至半熟，加飯繼續炒，炒至飯開始乾身 (期間可加少量油以防痴底，不過都會痴少少)
4) 將step 1 的蔬菜加入鑊，炒均就可關火
5) 清洗平底鑊, 煮醬汁
6) 醬汁同時先將炒飯倒入鍚紙盤, 再放豬扒 --> 醬汁 --> 芝士
7) 光波機用200度預熱5分鐘, 低架焗220度焗8+8分鐘
再目測芝士溶的情況, 芝士溶化就可以!
(我當晚就用220度先焗8分鐘，再目測芝士情況再焗8分鐘)

由於出爐時有點意外...令賣相好差!

tips: 豬扒不要煎熟...因再光波或焗會令豬扒太"鞋"
如果大家有更好的食譜，麻煩指正~