Xmas Dinner 公司版 20121206~

旅行D 相未UPLOAD 晒...不如講下旅行完返黎GE 公司XMAS DINNER la...hahaha~

由於我地老闆係鬼佬...所以公司只重視Xmas 咋.....春茗果d 係無架~
每年都係12月頭食....因為老闆Xmas會返美國過ma....
佢十幾號就走架la....到Xmas 完la，佢先返黎HK....跟手就過澳門過除夕....係咪好嘆呢?
老闆ma佢係......hahahaha~

年年都係酒店食架....鬼佬ma....愛西餐多d...又愛包場........
公司係尖咀....佢就愛係尖東.....點解...最尾先講....睇食物先...去片..唔係.....去相:

我咁愛食羊...絕對唔放過任何食羊ge 機會la~
今年係第二年係海景嘉福搞架la.......

唔飲酒ge我，都要拎杯香檳飲下....貪佢甜甜地....而且公司係自己買酒架....一定唔會差得去邊~
聽Admin講，今年d 紅酒，公司係買接近二百蚊支果d.......but我都唔識欣賞架la....慳番吧la~

話明西餐....實有齊前菜, 湯, 主菜及甜品架la......仲有coffee, tea or me tim....hahhaha~

今年有少少特別.....就係搵左兩個同事出黎做司儀.....仲有games 玩......but我呢d 咁低調ge...當然唔會去玩la...
就算被點名都係咁話...hahaha.....有成接近100人...搵其他人la~
玩完一個game...同台同事突然話: 下...原來有錢架...早知出去玩la!
hahhaha.....................蠢左tim~

玩完games 就上前菜lu...係ham.....唔多識食....hahaha~

上湯...個湯今年都麻麻地.....bad...好稀呢~

未上主菜...好無聊無野do....去完廁所見d 同事玩紙玩得好happy....我又玩埋一份...
最後搞到張台變成咁.....呢d 紙呢..係一圈圈架...你輕輕力一吹...佢地就散晒.....我地成班女仔係咁吹....變成咁...
由於呢台ge 人都係同team架....我地九個女仔一齊吹落亞head度....搞到佢全個人都係紙....hahaha

玩完一輪紙...有主菜la.....
同事ge 牛及魚...牛有我試...都yummy~

魚無試...but 聽同事講話都ok~

我的羊羊喔......yummy x 1000000000000000000

食完主菜...好飽飽喔~
抽獎開始!!
每年都有抽...今年好似有廿份係1k...2份係2k...1份係3k.....
年年明明都會再即場加碼架ma.....點知今年有客人，老闆講明唔加...唔想客人見到我地咁顛wo~
ok.....算~
不過我都中ar~
我呢個名.....真係好好彩架....由我第一年參加xmas dinner，我每年都有中咁滯...仲要叫呢個名ge 同事都會中!
以前有三個同名架....三個都會中...連我老闆都忍唔住講: oh...how many Joyce?!
今年見Joyce 1號中左...我一定都中....hahaha
無幾耐....老闆又講: oh...How many Joyce?!
yeah!

抽完獎...上甜品咯....一上...我即大叫....我最愛ge 令面古古力蛋糕ar!!!
總算有樣野係合心意la~
好好好好好食!
同事個個都食唔晒...話太甜...我清晒...真係very 好好好好味!

食完蛋糕，我已無能力再食其他野la....hahaha~
cookies......睇only~
最後係tea.....要飲番啖tea消下滯...好飽!!!


好la.....why老闆要揀尖東酒店呢? 咪就係因為Tiffany's New York Bar囉....
呢間Bar....老闆好鍾意去架....永遠食完Xmas Dinner，老闆都會開咪叫你1 more drinks!
點解鍾意去...因為呢度有菲律賓人唱歌囉....老闆係菲律賓人黎架....好似唔知邊代就就移民左去美國之ma~

對於我呢d 唔飲酒又住得遠ge 人黎講，真係.....唔去好過~
but 舊年開始....好多人都無去.....老闆就有d ....唔多happy~
所以Admin今年已經放風聲講最好要去.....等老闆happy 下...okokok~
唔知係咪因為舊年無咩人去，老闆今年破例，揀星期四黎食Xmas Dinner....(以往都係星期三架...我老闆星期四下午就會過澳門架la...所以佢一直都唔肯星期四囉.....佢星期五要係澳門定唔知珠海打golf 架同佢班fds)
就算係尖東邊間食都好....老闆都一定會去呢間bar再飲......
舊年開始，佢就move埋黎呢間酒店度食....食飽就行上一層就已經係bar...唔怕你偷走...(雖然我都係成功偷走)

對於十年都唔入一次bar ge 我覺得今晚都幾好玩ar.....
依呢間bar係以傾計及鬼佬為主....十台有九台都係鬼~
但我地公司...太嘈la...我地一入去...已經趕走左一半ge 鬼....hahaha~
連坐我地隔離ge 鬼都問我地係咩事....hahhaha~
但諗極都唔知飲咩好....最後有同事幫手...幫我叫左杯無酒ge 野...有菠蘿及椰子味架...有杯係有酒精版架~
飲完一杯...11點左右就閃lu~

今晚有人係我地對面hall 擺酒.....but我地咁嘈..唔知有無影響佢地呢?!佢地又無close 門ar....
(雖然我地有...but我估我地都唔會靜得去邊..hahaha)

p.s. 江南style真係好好好好好好hit..連我老闆呢d 咁out ge 人都識....係酒吧ge live band 都有唱....

Tiffany's New York Bar
http://www.openrice.com/restaurant/sr2.htm?shopid=3731