20121123 - 七週年拍拖紀念@曼谷 Part 2

同廣州人坐的士去到臥佛，先去買飛....唔係好貴....B100就有la...
隔離藍色果邊係免費水..入到去可以拎支免費水.....
起初我地覺得拎唔拎都得....後來見到係.....冰水....即拎!
雖然細細支...但係係咁熱ge 天氣.....照殺ar!

入到去...第一時間就係睇臥佛...其實係入口邊就係臥佛寺la~
要除鞋ar!!!!!!
我對涼鞋勁麻煩架ma...但無法la....
寺會比個環保袋你放鞋...咁因為唔係同一個門出入架....入就係右手邊，出就係左手邊....所以你自己要拎住個環保袋...係左邊出左就可以即刻著番對鞋la.....個環保袋...當然有地方比你擺番低la.....送比你都唔要la...hahahaha...
一入去...我即刻wawawawawawa聲ar~
真係好好好好好好大ar!!!!!
根本好難影到全個身ar....真係....非常大架~
我覺得呢個臥佛真係幾值得去睇!!
呢個臥佛勁高勁大........由佛頭行去佛尾都要一兩分鐘架我估...當然我地一路行一路影相又另計la........

希望大家睇得出佢有幾大la~

呢度有個細ge~

睇臥佛其實好快....因為唔算太多野睇，but我覺得值得....
同我地寶蓮寺ge 大佛有得揮架.....haha~

睇完臥佛，我地就係周圍走下la~
好多佛像ar~

行行下就見到好多猫猫la....臥佛寺入面真係好多猫架~

開餐lu~

參選完臥佛寺，我地就同廣州人say byebye la...其實我地睇完臥佛就已經分開左....
我地見佢同其他大陸人傾計...所以就唔等佢lu.....
後來佢黎搵我地....話岩岩同佢傾計果個人係黎自北京架.....
可能做生意ge 人就係咁....4海都係兄弟...去到邊都識到朋友~
大家一齊行多陣就話走la.....佢話佢好攰la...佢返去酒店la.....因為明天一早就走la...佢話佢早d返去酒店休息.....
去到門口大家就分開lu...佢上的士就走lu~

我地呢...就行番去碼頭....我仲以為呢度係N9 ar....老公話應該唔係...我地行左的士過黎ma...但我覺得唔係好遠咋wo...
但行到去碼頭附近就發現同岩岩黎果時個碼頭唔同......行到去碼頭....N8.......
等船仔....同老公係甲板上等.....仲影到日落tim~

好la...我同老公乖乖地係度等船仔...由於唐人街係N5...所以我地就要等回頭ge 船....等等等等....
等左兩隻左右就有la......我地見咁多人上船....唔知呢隻去唔去唐人街呢?!但係藍色旗仔wo!
呢度好似係B150 任坐果d wo......
派老公問下甲板上個staff....佢話去到....老公問佢how much，佢無答only 叫我地gogogo~
算....上~
上到船我即刻發現死la.....真係B150 果種.....如果我地而家比B150去買任坐....咪好蝕?!
oh...船已上左...而家點算好?!
我係咁希望快d 埋岸我可以走人.........藍色船仔好似唔係站站都停架....佢N8之後就直去N5.....
我心係咁叫快D快D快D.....到見到岸la...我就叫老公起身準備落船.....
我一起身，就見到賣飛果位姐姐已經賣到我地身後果排la.....wa....即走...
好彩咁岩埋岸...所以我地起身個姐姐都唔會覺得係咩問題.....好彩~
一上岸即刻走走走走走......好驚要check 飛ar~
如果咁樣比多B150一個真係好唔抵ma~
最後比我地無驚無險地出左碼頭....即刻鬆一口氣ar....但發現自己坐左霸王船.......
大家千萬唔好學我....記得要睇清楚先好上船呀....

碼頭...好簡陋下架~

背住碼頭行...就可以行到去唐人街...不過就有少少遠.....沿途見到好多鋪都close，心諗..有無去錯地方呢?!
一路行一路周圍睇下......去到見到呢檔...當時唔放過la...因為都有少少餓la~

呢檔係我係曼谷食過最最最最好食架........厚又夠厚la...又夠蕉wo...又夠熱.....又唔算好好好好甜...very gd 架~

企係街邊食埋先繼續行~
一路行一路覺得....why無咩鋪ge?
同埋好多鋪都close 晒...點算?
行到咁上下發現唔多對路(我呢...出發前叫我老公睇定d 地圖點行架la...有人話唔知點解Google offline唔到wo...跟住呢...有人就懶到咩都唔再睇囉，但我都講左，我只負責plan 行程，我係唔會睇定地圖架........你睇點行la!)
去到一個十字路口，我地拎部電話出黎定一定位先......跟住我地發現....原來我地已經係唐人街街口........打橫就係唐人街~
一行入去就見到好多中文la~

果時係6點幾...d 小食ar街邊檔岩岩先開始開工...所以都係未有野食......咁我地就行下先la....
餓都有d 架la...話晒行左咁耐........但無野想食又真係....無法ma~

行行下見到有魚翅.....唔好意思ar各位....我知道要保護環境...但.....唔知why我地行左入去.......不過我地只叫左一個share咋~

個staff聽到我地只order一個...個樣唔係黑面ge...有d O咀咁囉.....咩啫...唔比咩?
先黎一份蔥芽菜及莞茜....我發現Thailand 好多菜色都有芽菜架...開正晒我果瓣!

熱辣辣..........以為無咩料到la...點知係晒個底度......

wa....好足料ar...味道都ok ge~

食完翅又行左陣....決定去按摩la....好攰ma~
去按左一個鐘腳...又係訓著左...不過我覺得幫我按果個麻麻地....老公話佢果個就very gd，我答老公:我用肉眼睇都覺得你果個very gd la.....老公笑話我咁都知..........我果個...真係hea到爆架...唔知佢係咪做左一日好攰，但都唔係咁hea ma...一d 力水都無.....又好似是是旦旦咁按.....起初我都諗住比B50佢做trips...後來我同老公講...no way....B20我都覺得比多，我想一蚊都唔比......真係好唔掂ar.......
嬲嬲嬲.......按完就去食d 野la...唔太餓但又想搵d 野食...見到有棵條....
依...好似睇Thai fans 話棵條幾好食架wo...gogogo...
難得店主又唔介意我地兩個人share 一個....呢間係係條行度架.......應該都係一家人經營~

細細碟....不過都幾好食~
我地覺得棵條係河粉.....佢地棵條好似d 濕炒河~
我地食飽飽就比錢走人la.......檔主都仲好好禮貌講晒多謝...呢間鋪..有機會我會再黎~
食飽就周圍行行...

行返去之前見到ge芒果糯米飯度.....見佢有得坐係度食...就ok la....幾銀我忘了...好似B120左右la....
不過佢d 芒果好大隻....呢間抵~
老公話覺得d 糯米飯好好食.....呢間好似係我地成個Thailand Trip老公覺得最好食ge 芒果糯米飯~
我覺得d 芒果甜到有d 假...老公話Thailand d 芒果係咁架....我就麻麻地like....hahahahaha

食完糯米飯，見到好多一支支ge 野飲...好想試......是旦搵一間就買左支la.......係柑汁黎架我覺得似~

行多陣...決定走la...無咩野好睇~
去坐tuktuk返酒店......Google 好處，就係可以cap個thai文地址比d 司機睇~
個司機一睇就開over B150....我地say no....退佢B140.....最後就ok~
第一次坐tuktuk..好好玩...好快好剌激...........不過係曼谷就辛苦d...太多車太多麈la~
返到酒店...我又唔想即刻返上房...因為唔算太夜之ma...同老公講不如行下MBK....(其實我想買女人野)
行上地鐵站聽到樓下有歌聲...就望落去睇下la....原來有臨時夜市ar~
ok...gogogogogooooooooooooooooooooooooooooooooooooo~

又有野食又有野睇...雖然唔係太大，不過都ok ar~
我聽講椰子雪糕好好食....叫老公食先~

一路行一路繼續食....
依.....見到d........Thailand 小食....好嘔心....

行到最入見到有得打邊邊...坐係地下架....老公計過話覺得好平ar..........
but 我地又唔係太餓...當然放棄la!
行左去隔離果檔...見到有麵食.......都trytry la~
佢有4隻湯架.......我揀左隻唔係太辣ge~

上台時係咁樣ge~

自己加大量配菜就變成咁la~
有芽菜有酸菜...yummy...仲有青瓜比你任食唔嬲架~
總之好多配料比你慢慢落~

正當我想食時，老公就問我要唔要可樂...ok....
佢行左出去就叫返入黎問要支定罐裝.....我答佢是旦....
坐我地對面果對男仔就問我: 香港人?
原來佢地都係.....hahahaha.....
個男仔話佢地黎行MBK 先見到呢個夜市....我話我地係住係對面....hahhaaaaa~
有少少無聊ge 對話...but 係咁架la....hahaha~

我揀左呢款湯......隔離果d 都好辣架~

食飽飽就繼續行下.....wa...咁大隻蝦都係B60...but 好飽....食唔落~

行完個夜市，我地決定去行下其他夜市...有個夜市係MBK前dd 架咋...真係一條馬路架咋.....當行下囉~

呢個廣告咪就係我想買呢個囉....haha...勁平ar~
平均百五蚊hk$ 就有一set....hahaha~
仲有得試架~

行左一陣就入左七仔....搵Q10....hahaha~

行到十一點左右就行返酒店la...................夜媽媽...都係好多車ar~


原來我無幫酒店影相.....得呢張....haha~

Holiday Inn 個牌隔離咪有個按摩牌囉...真係隔離架咋...信我la~
係鋪頭按摩...trips 要比B50-B100...係街邊就可以B20~

Holiday Inn咩都無架....一係你問前櫃拎...一係自己帶去~
無牙刷無牙膏...only得洗頭水加洗沖液....仲要係一支過...

Thailand d free水係用玻璃樽入住架...原本我影左相架...但post左上fb 被fd發現我影左老公入去.....佢仲要無著上身露埋點....廢事被人列為三級...兼令你地覺得唔舒服...決定唔post係度~ 
當然fb 果張都被我deleted la....hahaha~

如果你要酒店幫你執房，就要掛呢個係門出面la.....新酒店...估唔到咁原始....hahaha~

快快手去洗白白...執野la 要....聽日一早就要出發去清邁lu~

Day 2 完la....係咪好悶呢?! hahahaaaaaaaaaaaaaaaaaaa