人浸我又浸之酵素精 Enzyme

見人人都浸，我其實都心思思...but 零動力~

話說某日我亞head 問我地，fb咁多人post d 一樽樽ge 野，你地知唔知係咩黎架?有d 生果又有d糖咁...
跟住我就答佢應該係酵素精，聽講飲左皮膚會好d，身體又會好d，仲有人話可以減到肥wo~
我亞head 就問咁神奇?!不如你試下la...整好拎返黎我地一齊試....

就係咁....我就踏上酵素之路~~~~
上網即刻係咁做資料收集...發現提子係暫時最好飲....ok...放工就gogogo~
早一日買定野，因為洗完要等佢風乾下...要一滴水都無架..OK!

材料準備好就....gogogo

提子係連皮浸，所以要洗乾淨D 架~

最好就係買D 無核laaaa...買左有點算...咪好似我咁不停了了了囉 ~_~"

搞完就整檸檬
有人話連皮，有人話唔使連皮....我決定唔連皮......整完晒先話白色果d 最後去除晒....okok...已經無得返轉頭...
but 加咁多糖，我就唔信會苦!

搞定晒就開始落樽lu~
先落提子，再落檸檬，最後就係糖~
一層一層咁..呢個步驟最少做兩層......最面一定要係糖~

完成...hahahhaa~
呢個係12月7號ge~

滿滿架~

8號一睇...wa...少左好多la..多左好多汁~

9號....無咩變化~


我每日都睇下佢....每日都無咩變化，心諗...有d 驚tim~
去到第七日，我就開黎放下氣la (唔放會好濃酒味)...再搵d 乾淨ge 筷子搞搞佢...
都係無咩動靜...又杰杰地~
人地話只要無黑色ge霉菌就ok...依....好後悔浸黑提囉....因為佢係黑色架ma...咪完全唔知道有無霉菌囉?!

ohhhh....好驚唔成..點算?!
去到第九日...又開黎放氣兼搞搞佢....依....有泡ar開始....雖然唔係好多但我都好happy la!!!

keep住每日都睇佢.....佢就越來越多泡...成la成la 今次有望~
17號lu....多d多d~

尋晚(18號)，好多ar!!!!


仲有幾日就可以飲la....上網睇話14日就ok...但都要睇下完左活躍期未....(即無晒泡出就代表飲得)
我呢幾日開佢放氣，都會有陣酒味.....散晒就係果香la....都ok 香架~
我成日都想偷飲啖先架....hahaha~
快d 到星期五就好la...好想試下ar~
hahahahaha~~



最後...why我咁乖，亞head 叫整就整?
其實係錢作怪囉....因為佢叫我用零食基金d 錢買料整~
可能你會問: 下?!零食基金d 錢....你都有份架?
咁你就錯la...我地個零食基金，90%收入都係由我亞head 比架...10%就係不明來源ge......咁你話la...有得飲又有得玩...一次過滿足晒兩種願望.....你...又會唔會整ar?!
好奸ar我....hahaha....我有付出架....勞力ma~