20121127 - 紙婚@清邁 Part 2 (水燈節)

今日行程不多，但不得不分兩篇...水燈節都好多相呀~~~
嘆完Coffee...就同老公返出去水燈節果邊....其實都係附近only~
哎呀...落雨呀........仲要大大雨...............表演者好慘呀.....又要淋雨...又有風....風吹埋黎其實都幾涼...加上表演者又淋完雨....我覺得佢地好慘呀..........仲要個個都著到咁靚又化好晒妝......不過好快就停雨lu~

台上歌舞繼續中...我地就周圍影下相.......
呢位姐姐好靚女呀....連老公都要同佢合照!

其他表演者都準備中......

台上表演完畢....致詞亦完了....突然放煙花~ ~ ~

巡遊正式開始!
其實巡遊都係大量Thailand 人著唔同既衫出黎遊行咁.......有少少表演者會一路行一路跳舞....有表演者only 拎住水燈行....
有壯丁抬住大型水燈...更有壯丁抬住一位舞者.........

大型節目...當然唔少得Thai 王Thai 后!


有一個個牌代表唔同國家...........

抬住大型水燈...小d力氣都唔得呀!

被抬既姐姐仲要不停擺post...究竟佢驚唔驚呢?

有少少似長洲既飄飾呢......但我就走去清邁睇....


不過only欣賞各表演者既靚衫都唔錯呀.....唔想欣賞靚衫...可以欣賞下壯男~

其實今晚真係有好多唔同民族既靚衫架...........仲有少量靚仔~


呢位姐姐都好靚...我超鍾意...仲同佢合照.....
由於太多隊伍.....每小組都會留在起點或行一段路就會停低.....所以表演者都好nice...會擺post 比你地影相.....佢地仲會自動望住你既鏡頭架...........而且合照佢地都會挨埋d落你度....好nice 架~
呢個姐姐條裙係拖尾....我好鍾意呢~


睇睇下見到有人係路邊放天燈....


最後我地都入左廟入面放.....奇怪呢?!
廟都做生意!!!
僧人們會幫你點天燈....會同你一齊放........可能有僧人一齊放，祝福大d~

我地都放lu...我忍左好多晚架啦.....因為係清邁，晚晚都有人放咁滯....零碎的!
但今晚就唔零碎啦.....周圍都有人放~
我們的天燈呀~

天空上唔少天燈呢!

放完天燈，我地就繼續跟住巡遊隊行啦...每次佢地停低，我都會不停影相~

商店都有好多天燈既裝飾架~
抬左大半晚....壯丁都攰了~

其實仲未完架...不過抬住真係好攰...所以每行一段時間都有得休息下...
其實行行下都差不多行左兩個鐘架啦.........
佢地停低，都方便影相呀.....夜晚加燈飾...其實真係好難影相...仲要係移動中既燈飾........所以休息係好架...
方便我影相~


行行下...發現返左去酒店
早知係酒店門口睇啦........但係都係開頭好少少....因為去到酒會時....隊伍都有少少散散地~

見到有條街好多天燈放出...即刻走入去睇下....
真係好多人係呢條街放....成條街都變左放天燈街!
我地又放多次lu~


氣氛好好...大家一齊放...一齊數123.......
成天都係...但好難影到....hahaha~

和尚都企係度睇天燈.........今晚好多和尚係街架.....
平時要朝早六點化緣既機會...今晚都有得化.....街邊都有一檔檔for 化緣既野買......起初我都打算化....但太多人啦......老公最後話唔化啦....太多和尚....都唔知比邊個好!


放完天燈.....同老公覺得都睇得差不多...決定返酒店洗個面就去食晚餐...一睇錶...wa.....都十一點多啦~
由八點開始睇...都睇到十一點幾......仲要仲未完呀!!
由酒店門口影出去...好多天燈呀~


洗完面，我地就去酒店對面既夜市搵野食啦....可能今晚係水燈節既關係...好多shop 都未close!
不過我地都怕夜啦....決定是旦搵一間入去食就算~
見到有間有生蝦，就入去食lu!
其實間間都仲有好多人食緊野...我估呢三晚水燈節都唔會太早close!

明明記得Thailand 既食物係好細碟...點知....呢間.......太大碟啦!
搞到我地兩個根本食唔晒.....明明食左咁多日...日日都係好細碟....今次真係....O晒咀!
生蝦剌生...yummy~

都叫左冬音功湯~

碟炒菜就少左d.....好在~
生蝦超大堆頭....不過都有十幾隻架!

今晚仲同老公叫左酒飲...不過呢...我飲左一啖，都係覺得好難飲....最後老公自己飲晒~
炸物...超大碟囉!!!!

仲有個菠蘿炒飯...死未?!
成台都係野食...根本都食唔晒!!!!
不過呢間餐廳d野都幾好食...我推介!!

認住佢鋪吧~

食飽飽.....鋪頭開始close 啦.......仲見到一埋僧人係餐廳門口化緣.......

夜媽媽...天燈仲未完~
久唔久都有煙花tim架!!
我地返左酒店，我自己企係窗邊睇都睇得好開心~
今晚真係好開心呀!!


明天就要返香港啦......今晚又要執野lu!
今次收獲都唔算好多...但快樂就收左好多!

今次覺得揀清邁真係無去錯架!
今晚真係超熱鬧呀!

20121127 - 紙婚@清邁 Part 1 (Cooking Class)

唔知係唔係做左師奶....去旅行都要學煮野食~
係五百大大度報Cooking Class....好似有幾間可以選擇架....我地睇睇餐牌，價錢岩我地就book邊間lu....好方便!
一早就有人黎接我地.....先去學校集合....一去到學校.....職員們就會送茶遞餅，好nice!
學校似民居多dd.....隔壁係租電單車既鋪.....
門口比較細....但行入去就大好多架啦~

由於我食飽左，就無食餅lu..老公試食話唔錯~
跟住職員就會派埋一張紙比你.....係揀今日煮咩野~
前菜, 主菜, 咖哩, 甜品都各有三款比你選擇架~
我同老公就決定唔好揀相同既野食.......
揀好菜, 等埋其他同學...就可以出發去當地既菜市場啦~
學校叫Thai Kitchen Cookery Centre~

Thailand 好多餸菜都用大量蒜頭架......隔壁張相係香料~老師會係菜市場講講少量常用既食材, 如蒜頭及以上既香料，跟住就可以自己周圍行下~

老師帶我地去睇下椰絲點整出黎......真係好香架~但我不愛椰子.....


睇完椰子就周圍行下啦~
大約十五分鐘左右啦.......

好多唔識既蔬菜...只有秋葵我識...原來Thailand 人都好like 食秋葵.........only香港唔多出名!
粉紅色既雞蛋?!

估下呢個係咩?

係燒香蕉黎架.........我都睇左陣先知.......不過無試到~

行到差不多夠鐘，我地就去集合地點......已經見到好多食材啦....原來老師及職員們利用呢十五分鐘為我地買齊今日所需既食材!
之後就可以坐車返學生啦~

一入到屋內....真係好大架~
足足夠我地三十人上堂呢.........

每人有一條圍裙及毛巾!


先去洗淨手....老師就會派回今早你選既紙比你.....及一張label 紙比你寫名貼係當眼處....

原來.....每道菜都係同時進行架...我同老公仲以為會一齊...點知4道菜都分開晒~
每一道菜都有三款.......有三位老師會請同學行埋一角各自教!

分好同學後....就開始教....第一道菜...得我同另一位外國人........
小班教學添~
老師會由切蒜頭開始講......咁當然...老師們已分好分量...每人一份咁學~
可能得兩位同學....我地道菜...好快就完成左la!
我揀左炒Pat Thai....下圖黑碟~
老公果個唔知係咩...忘了!
Pat Thai真係超簡單....當然在老師指導下...一定好好好好好簡單...right?!
整好左，老師就帶我同另一位同學入冷氣房....我地就可以開餐了.....味道都好好架~

得我地兩個...我就硬住頭皮同位外國人傾左幾句....來自邊度啦.....去左Thailand 邊度玩等等~
傾左陣就見其他同學一個個入黎lu~

之後開始整咖哩!
老師將食材一一介紹...之後就開始整咖哩...千萬唔好問我點整...因為我都唔知~
我都係傻下傻下咁.....老師叫我加就加...
我揀左青咖哩...老公好似黃咖哩~
整好咖哩醬，就去煮啦~
我好似揀左青咖哩煮雞架...都忘了~~~~
下圖綠色碟就係我既....另外會煮一碟蔬菜........主菜就算完成啦~
又可以入冷凍房...今次仲有飯提供!


食飽飽主菜.....就整甜品去~
我整芒果糯米飯，老公整椰汁紫糯米!
超簡單!!!!!!!芒果糯米飯，好快就完全....真係非常簡單!!!!

食埋甜品...老師就會叫我地集合...因為只選五道菜既同學已經完成了~
我同老公都選五道菜only...half day...但已經2點啦....呢個half day都好抵呀~
全日好似煮多兩三道only....包括湯!

老師請half day 同學排排坐低，就派上圖既凍飲比我地.....黃紅任揀，我同老公揀一黃一紅啦當然!
都忘了咩汁來的....紅好似係酸酸地.....
一路飲凍飲，老師就派食譜比我地........wa....好gd!
老師仲話如果對食譜上面既菜色有問題，歡迎大家send email 黎問....好nice 呀~
當然我到而家都未睇過本食譜啦.......
講完一輪，老師就同我地say goodbye lu~
有職員會送我地回酒店!

同老公原本諗住去貴既Let's Relax....後來去望下個價錢...真係好貴.......
最後我地決定去Lila........坐taktak 去!!!
沿途見到好多水燈...其中一個:


今次我地要按油...真係好舒服....舒服到我完全地訓左~
到姐姐叫我沖涼，我都唔多願意....好想訓多陣呀!

但沖涼房好好好好好好好好好多蚊!
一入去已見到3隻蚊.....想快快沖啦....點知一路沖d蚊一路出晒黎......wa....十隻有多!!!
我都唔理咁多...快手快腳盡快沖一沖.......
但好好彩....d蚊又唔會飛出黎按摩房...好彩...唔係咬死我!

按完摩又無咩做.....周圍影下巡遊既工作人員及準備工作:



又行行市場仔......壽司咁賣...你夠膽食嗎?
我唔多夠呢........仲要咁平........

呢個好似係魚蛋黎架.......我想試but 最後都無食....如果大家去...幫我試下呀~

確定左水燈節巡遊幾點開始後....我地就決定去飲杯coffee 啦~

老公叫左ice mocha......我要熱既cappuccino.....
好好飲呀!!!
杯cappuccino 仲會連埋少量餅架....nice!
另外仲叫左個單骨雞翼，好香脆.....後悔今日先試!

突如其來的..............

話說........我想去韓國......但望過各大小旅行社...都無一間平過5千元........
去一轉韓國5日...要5千元....不是嘛?!
在失望之時........網上找到樂桃航空有優惠!!!!!
去程只需HK$999..回程都是HK$1500有找.....嘩...GOGOGOGOGO啦喂~
尋找完酒店......UNDER 500元以下既酒店........最後不符所望.....找到平平的酒店....
二人六日旅費加埋.....少過一萬...即5千元都唔需要呀!!!
係咪好抵?係咪好平?係咪唔去真係對唔住自己?!?!?!
需要...我唔鍾意日本.....但係.....去六日日本竟然平過去五日韓國....當然.....我毫不考慮就拍板了~

當然...都因為老公出了B仔...所以先可以去到啦!
今次係被老公全包了...多謝老公