20130429 - 關西之旅 (最後)

最後一日啦.....又一早起身.....出發去泡麵博物館!

創辦人像.....

泡麵進化過程!

 杯麵呀!!!!!

參觀完一輪我地就去整自己既杯麵1

先買隻吉杯，排隊等入畫室畫杯麵~
大家唔使怕唔知畫咩好...因為入面有圖比你參考!
當然通通都係日清雞啦~
我的杯麵 - 左右面 (一攻一守)
超肉酸呀畫得!

畫完上埋色，就拎包裝啦!
先去拎麵~

拎完麵就揀配料...
當然通通都唔係我自己郁手...有人會幫你~

揀好配料呀味粉等等，就可以封口啦.....

到封完口你先可以掂個杯麵啦~

完成晒又周圍行下......呢度仲有其他班架...不過我都唔識聽日文呢~

 又回心齋橋啦....

行程係食蟹呀~

我覺得味道OK 啦~
不過LUNCH 真係平過DINNER好多架!

一個SET內好多野食...最後會有個飯...保證飽肚呀!

之後我地就去左黑門市場啦~

太晏啦..好多都關左門啦!

 見到士多啤梨好抵...就買左4PACK 返香港!

仲買左帶子TIM..不過唔算太大隻~
想買蟹架...不過又怕返到香港都唔新鮮LU~

海膽好好好好好想食.....不過都唔夠時間LU~
大阪，我一定會再黎架!

行完黑門市場就即刻返酒店拎行李去機場啦....

趕到我呢.........原來係日本，真係好易就會買野買到過晒時間架啦....

唔怪之得有咁多朋友都趕唔到飛機啦...哈哈哈哈!

六日大阪旅...終於都完啦...YEAH!!!

20130428 - 關西之旅

去到第五日啦.......
今日去左松屋食早餐...朋友話好好食...但我覺得同吉野家差不多~

一個SET有好多野食.....都好抵ge!

食飽飽我地就出發去奈良啦~

去到奈良.其實都唔需要睇地圖...跟住人流行就會睇到鹿架啦.....

行左陣就見到啦......
由於事前朋友說鹿們會瘋狂地追住你搶餅...所以我地都唔敢買餅住..
我有dd 驚呀~

20130427 - 關西之旅

第二朝一早就去食早餐.....選左大丸對面的Lotteria~
d 包都幾好食...我喜歡!

食飽飽我們就出發去天寺閣啦~
去到發現博物館同天守閣有套票...即刻買!
因我同老公都愛看博物館呀!

博物館入面我就無影太多相啦...所以無得大家睇!

用左兩小時去行博物館....之後就出發去天守閣啦!

 中途見到小食店...又覺得好凍，就入左休息...
點知就食左碗麵啦~

食完麵就出發啦~
小食店出面已經好靚...狂影相中....當然無post 太多上來啦~

20130426 - 關西之旅 Part 2

(拖足成年呀...我會努力架啦!)

離開天龍寺...我們就向渡月橋出發啦~
沿途見到野宮神社.....行左個圈...
細細的，入左夜一定好好好好好好恐怖的!
(位置又偏僻呢)

就到渡月橋，會有好多食店及小食店...
可樂餅呀...最有興趣試的小食....

印象中味道係普遍炸牛肉薯餅~

另外有好多小食...

這個不知道是什麼...但樣子好像不錯...就試了!

我揀了蟹肉...似蟹肉打成膠再炸~
yummy的~

20130426 - 關西之旅 Part 1

今日要去坐小火車....yeah!
早餐就決定食番日食......又入車站食!
今次仲要企係度食.....可能車站既店本來就係為快...所以都不設座位!

於門口先買飛再入去交飛等食~

20130425 - 關西之旅 Part 2

換回便服後，我們便往八阪神社那邊進發!
途中會經過三年板等等...周邊商店林立呢~
其實都花了點時間......

周圍走.....無意中找到個庭園....又影下相先~

20130425 - 關西之旅Part 1

經過一晚休息...肥人又復活了!

立即梳洗就去尋找食物....好餓呀!
不知是否同99一齊去....我同大少都無賴床呀..
廢事99 等嘛....她.....不用訓太多....8點就已經梳洗好等我們了!
雖然她在另一間房...不過都有少少壓力呢~

今早決定吃西式早餐，雖然價錢比日式貴
不過幾好吃!
有焗厚多士，搽蜜糖
隔板白色紅色的，没記錯是乳酪！

我叫的是蝦多士...其實都是亂點的!

20130424 - 關西之旅 Part 2

欣賞完花後，我們就坐巴士離開公園啦!
返到車站，已經過了我原本plan好既時間啦!
老公話難得來到，不如去埋平等院啦....

20130424 - 關西之旅 Part 1

由於零晨機，23號當天我如常上班去......
放工立即回家洗白白及食晚餐....九點多就出發去機場啦!

12點35分機...最後起飛是點多....因為來的那班delay 了......
(每日只有一班來往香港及關西.....仲要原機來回.......)

雖然遲了起久，但比原定時間早到...真奇妙呀!去到關西機場...要坐車轉過去Terminal 1 先有車出市區....Terminal 2 是整peach airline 專用架~

去到Terminal 1，我們就去買JR一日車票，因為我要直去京都市~

關西之旅 - 住行篇

終於肯打關西之旅啦........大家等久了!
4月關西之旅開始啦~

(1)
樂桃航空
是次關西之旅，肥人坐的是樂桃航空....
因為平得來時間又幾好....零晨機去夜機返，玩足6日架~
你問我對樂桃印象.....新!
未上機前...肥人以為機種不會太好....但一上機....
嘩...機是光猛新淨的....好好呀!
座位就差了少少...比較直....令人坐得不算太舒服...
不過我都可以睡足兩程......
去程太攰啦...因前一晚朋友生bb，我緊張得全晚都沒睡.......
去程delay了少許...但比原定時間早到關西機場........
機上水都沒有...要付款的......不過我們在香港機場的水機入了水...
就沒問題...不過機上食物飲品價錢都還好...沒有開天殺價~
不過坐樂桃記得一定要印定有barcode的確認信...
因為在關西機場是自助check in...無櫃台架...
無barcode就check不了in啦~
在香港要在Terminal 2 check in...對樂桃印象不錯.......有機會可能再坐!

(2)
Hotel Hokke Club Kyoto
酒店位置非常好，於京都站對面....只隔住一個巴士總站....巴士總站....去清水寺等等都在這坐車...你說，是不是很方便?!
對面的京都站很大，吃的買的都有....而且有地下街........下雨可穿過地下街去京都站.....傘都不用開呀!
至於房都不算太細....別人說日本的房....細到開喼都沒位...又不是喔~

有位子之餘還有浴缸...是不是很好呢?!


還有free wifi...正呀..........
我還發現有多用途插頭...就算忘了帶轉插都叉到電....
還要電話又得相機都得~


酒店不包早餐，不過價錢都好好，只需要7百元內就可以了~
最推介的是.....staff英語非常好!

(3)
New Osaka Hotel Shinsaibashi
另一間酒店於大阪新齋橋.....比Hotel Hokke Club Kyoto平...
但房就比Hotel Hokke Club Kyoto細點!
同埋都有浴缸....亦不包早餐!
英語沒Hotel Hokke Club Kyoto流暢，不過都還好~
酒店附近都好多便利店，一條路就可以行到去心齋橋商店街.....
前面是日航大阪...都算方便!
達到前跟酒店有email 溝通，都回覆得好快......
還買了東西直接寄到酒店，到check in 時一問，酒店staff 找都不用找就知道我的包裹在那...這個都算不錯~

                      

很好多東西都可以免費問櫃台拿~

浴室用的通通都是Shiseido....nice~
好香架...我都想買支回港呢~

行:
JR 1 Day Pass - 由機場去京都，我坐JR...買了1 Day Pass，因為1 Day Pass只需要Yen2000，一程單程去京都都Yen1800左右...
還可以坐快車....真的不錯...雖然快車不是快很多!
再加上DAY 1行程我全安排需要坐JR...那就不會蝕了~
京都巴士一日卷 -- 坐三程就抵銷了...
去清水寺等等一日遊就用這個就ok了~
大阪地鐵一日卷 -- 周末買的一日卷比平日平.....
周末只需要yen600，坐三程都抵銷....
我沒買什麼Kansai pass等等，因我算過不算太抵用~
由心齋橋去機場，我直接由南波站坐車去......

其實都不一定要買太多pass.......就自己方便吧...
不過最好清楚知道怎轉車 有些有用的apps, 我就用京阪神交通及乘換案內，因只要打目的地及時間就可以找到班次，到達時間等等...非常方便!
而京阪神交通就有各種pass可用範圍，而且各種路線圖....
地鐵站號碼等等...真的好好用!
希望這些資料幫助到大家~~~~