20130424 - 關西之旅 Part 2

欣賞完花後，我們就坐巴士離開公園啦!
返到車站，已經過了我原本plan好既時間啦!
老公話難得來到，不如去埋平等院啦....




一路都會有指示牌教你去架~


可能因為天雨關係...路上行人不多
我有幾次都以為行錯路.....


連地下都會有指示......


去到平等院先知道.....部分close 左，因為裝修....


要裝修到下年呀.....

見又落雨....又裝修....所以我們決定放棄!
影多幾張相當到此一遊便算了~
最後我們決定周圍走走!

紫式部像?我不太知道是什麼~

像後有條河..可欣賞兩岸景色...
雖然今日天氣不好，但雨天都有雨天的美態呢~

沿路行番去JR站...中途見到有超市....

99提意入內看看日本煮婦的食材....

反正我同老公都愛行超市...所以沒所謂!

超市都有靚靚三文魚呀....好想吃........

不過我一早計劃好夜晚先去超市買特價刺生...所以今次沒買..

(點知這是第一次行超市亦是關西之旅的最後一次行...)

仲有蟹呢....好想買回酒店....

靚靚牛肉....老公好想買呀......但那有地方煮呢?

壽司壽司...

行完超市.....(足足行左快一小時...)

我們就繼續行去JR站啦~

我們下一個目的地就是....伏見稻荷大社啦~
我要看一排一排無盡頭的鳥居!

從JR站影出去...真的...好近呀!

過一條馬路便是了~

下雨天...其實都有好處...

起碼一整條路都可以任你影....

(努力安慰自己中.....我已安慰自己一整日 ~_~")

天雨加上開始入夜...我覺得越來越凍啦........

我只帶了很薄的衣服，好彩無冷病

雖然已開始入夜，但我都努力影相~

廟門左右兩邊各有一隻的

廟的地方不准拍照，只拍個遠景！
剛好有幾個學生由一個叔叔帶住參觀
我偷看她們怎拜拜，跟電視看到的一樣架

廟旁有別的廟，由於時間不夠，我們没去

許願牌.....都係鳥居樣架...我都心動想寫...
不過時間真的....不太夠了!
爭取時間要在入黑前去看鳥居!

繼續向前...衝呀!!!

如果要行完...要用一小時以上....
我想架...不過無可能啦!
又落雨又快天黑...

終於見到第一個啦.....

真係非常長呀.....好靚呀~
不過都係因為入夜啦...所以相影得不太好!

長長的.....超喜歡呀!!!


不過都好快行完一個啦......
又可能天雨關係，人不太多...可以慢慢影.......

好快我們就坐車走啦.......
等車中...真係同電視差不多呀....hahaha~

坐JR回京都站，我們就在京都站上的餐廳食飯~
因之前做個資料收集，有一層住層都是拉麵......


(其實我不愛拉麵...不過來到日本，總要試試嘛)

我們行完一個圈後...決定選這個:


記得要先買飛....如果不明白日文都不用怕
你可以同職員講，他們會幫忙的!
我們看圖都明白了少許....麵底得一種....
只有加不加肉之分而已.....


每人一碗麵...加一碟餃子!
買完飛就坐定定等食!

台面上有雞蛋...任食!
水是自助的.........我發現日本同韓國一樣，多是提供凍水....
無暖水架........

4種比你揀.....有大及細....

由於三碗都差不多，比一碗大家看就算啦~

湯偏咸........麵還好....

總之比香港的好得多....

餃子就普通啦~

一路食麵，我一路開始無電.....

食飽飽更加完全無電.....

老公及99都攰...最後我們決定返酒店CHECK IN休息.....

一上到房，我眼都已經撐不開...直接訓上床.......

再開眼時...已經是半夜2點多.....強迫自己離開張床去沖涼...

一沖涼....頭都無吹就直接訓番上床......直到天光....

我真是...老了...

(雖然上次去韓國都要補眠兩小時...但最少仍然是清醒的...今次是完全不清醒...一路半昏迷完全沖涼等工作....)

Day 1...終於完.....