努力煮@椰皇燉蛋白

肥人我.....有日突然見到某個group 友post左椰皇燉蛋白既食譜..

oh...sooooo easyyyyy....立刻有種.....唔試對唔住自己既感覺!

但係....由於...肥人...我....好好好好好懶...

最後拖到上兩個月先動工...哈哈!!!

開椰皇, 超簡單!!!

睇youtube, 只需要用刀背圍住拍就可以...

我唔識講, 大家去看片啦~

總之....十分鐘內一定開到啦!

材料:

椰皇 x 1

蛋白 x 2

糖少許

奶 大約70ml

榔水大約70ml

做法:

奶加糖慢火煮, 煮到糖溶就可以熄火, 待涼

開左椰皇倒左椰水出來備用

椰水加蛋白攪拌, 然後加已涼左既奶

過篩一次就倒入椰皇, 鋪上保鮮紙再合蓋

滾水放椰皇, 大火燉30分鐘就可以啦!

就係咁簡單!

滑嘟嘟呢....老公大讚呀~

後來我回娘家又整左一次比爸媽同伯父伯娘食....

伯父第二日都念念不忘, 叫我下次再整呀..真比面...哈哈!

如果發現我有錯, 還有更好既食譜, 記得話我知呀~