越級挑戰 - 威靈頓牛柳!!!

唔怕失敗既肥人我, 係浴佛節當日, 唔去食素, 改去挑戰肉!

肥人我其實....某人上網睇左食譜之後....

就一直都心思思想試下.....

但一直都找不到圓條形既牛柳!

終於, 一田既來臨, 令肥人....哈哈!!!!!!

佛節唔去食素去挑戰肉...肥人真係唔要得...哈哈!!!

材料好簡單......

牛柳5-600g

啡菇 - 1至2包, 大約40g (肥人我其實用左一包多少少)

Pam 一包, 大約6-8片

芥末醬 2-3匙

雞蛋1隻

酥皮 1 至2塊

調味就有鹽, 黑椒

好, 開工!

牛柳放係室溫半小時, 用抹手紙吸一吸乾水份!

就用中大火加少少鹽煎到4邊都轉左色就得, 差不多熄火可以放少少黑椒~

之後立即搽上芥末!

恐怖肥人搽左咁多.....其實我找不到掃....

結果就用鐵匙搽...咪變到....下圖咁.....哈哈!!!

(失敗第一步?)

啡菇用微濕既抹手紙抹乾就切碎

(我見其他人會用攪拌機打碎, 可惜肥人無, 唯有有手)

之後就可以炒磨菇至乾身~

啡菇一邊炒就會一邊出水, 只要努力繼續炒就會乾身架啦~

磨菇炒完待涼就放入雪櫃雪半小時左右

之後就可以開工包啦~

包既次序係 ->保鮮紙->pam->啡菇-> 牛柳->酥皮

除酥皮, 包好既牛柳就放入雪櫃雪半小時等佢定形...

要包實少少, 肥人就係太溫柔, 所以形象不太靚!

30分鐘後就包埋酥皮, 外層仍然要用保鮮紙包好再雪多半小時

半小時後...肥人發現....我無雞蛋!!!

oh no, 失敗嗎?

人地食譜要搽蛋汁的, 肥人我...唯有....乾焗啦!

哈哈!!

介幾刀就拎去焗啦...哈哈!!

肥人用光波爐, 先用190度焗30分鐘再反轉焗多15分鐘左右~

亦由於肥人係超級白痴, 忘記左正面已經被肥人介花左

當反轉焗時, 肉汁就流左出來啦!

肉汁就令原本脆既酥皮變淋左.....

oh no....失敗啦又!!!

最後唯有用高溫救下正面.....好煩...都仲救到少少....

不至於淋到一pat 先.....

但賣相已經好好好好好好差啦!!!

(失敗 x 100000000000000000)

最後.... 肥人呢個超級白痴, 係光波爐熄火後只焗了5分鐘就把牛取出...

結果係....肉汁未收得切, 又出晒水lu....哈哈!!!!!!

頭既部份就熟左少少, 又未到全熟但沒有漂亮的粉紅色~

中段開始就見紅啦...哈哈!!

最後, 接近600g ge 牛柳, 我同大少, 當然食不完...

大少留了一件明天帶回公司做lunch, 另一件我留了給同事品嚐~

大少翌日係公司用叮叮機叮1分30秒, 剛好~

同事回家用焗爐整熱, 又ok...仲大讚幾好食....

雖然肥人不知道自己算失敗還是成功, 但我下次會再試過架!

但首先, 要買細份少少既牛柳..hahahahaa

呢份接近600g ge 牛柳...係要over 200蚊, 你話...壓力幾大呀!

失敗左就大拿拿無左200蚊架啦.......哈哈!!

我參考左幾個不同既網上食譜, 大家可以上網搵黎睇下~