自制泡菜

自制泡菜....未試過之前真係覺得好難，但試過一次之後就覺得不算太難!

材料如下:
大白菜/ 旺菜      1個 (肥人係AEON 買一棵棵既旺菜.....)  
粗鹽     100g 
水     4-500g

醃料: 
薑數片（切碎）
蒜2個  (要切碎, 如果不想蒜味太濃就減至1個)
大蔥 一扎
 韮菜 一扎
蘿蔔 細半隻
 白糖 2湯匙 
粗及幼辣椒粉 5-6湯匙 
魚露 3湯匙 
蝦醬 2湯匙 (韓國街有售)
 糯米水（用2湯匙糯米粉 加100ml水煮至杰身）

梨或蘋果 1 個 (磨成蓉)

洗淨旺菜入開4份，將50g 鹽溶於水，其餘50g 抹上旺菜葉上

(每塊菜葉都需要抹...莖位要抹多少少)

抹完鹽就放入鹽水中，用重物壓實，浸6-8小時以上

(通常肥人會訓前做好，訓醒再繼續)

一晚後，用飲用水沖一沖菜，再風乾幾小時

(起身後檢查一下菜是否已軟身，如未，就繼續浸至軟水或飛一飛水~

我見過有食譜是教飛水，不過我未試過呀)

所有蔬菜類都要用少少鹽醃一醃，目的: 出水

梨整成蓉 (我喜歡用梨，易整成蓉但就比較多汁..汁是要的!)

將所有材料放入器皿內....

韓國蝦醬唔同中式的，是用水浸住蝦仔，記得要去除水份只要蝦仔!
(有少少朦左, sorry)

糯米粉加水煮成漿，加入醃料中，混合所有醃料!

糯米粉用法係有助醃料容易痴滿菜葉及減少出水

肥人整過幾少，第一次整無加糯米水，發酵時搞到出左好多水..味道淡了不少!

混合後如下圖...就可以準備抹上旺菜上!

一層又一層地抹上醃料 ，均勻地喔!

抹好一舊就卷起菜葉...如下圖卷成一舊舊~

最後用保鮮袋一舊舊獨立地包裝，再入盒就可以擺室內1-2日

然後就放入雪櫃，第三日開始就可以食啦..

但最好一至兩星期內盡快食完~

肥人參考左幾個網上食譜，每次都會跟一個食譜去做..

發現將幾何食譜綜合反而味道係最好，係最成功的!

99食過幾次，都大讚好好食...新年前仲要求我再整，送給太麻試~

泡菜要冬天整先至岩時候....又要等多半年先可以再整啦!