懶人系列 - 梅菜蒸茄子

前一排肥人成日都煮湯飯，覺得有少少對唔住老公....
好似無蔬菜食下咁.....
有日，肥人諗住蒸下清蒸茄子...
突然上網見到原來梅菜可以配茄子蒸.....
肥人就立即去整新菜色啦!

非常之簡單又快.....
只要梅菜一條, 茄子一條，加少量冰糖及蔥就可以啦~
蒸前.....
梅菜浸十分鐘左右就清洗一下，然後切粒
茄子切條然後用鹽水浸住 (防止變色)
茄子鋪底梅菜鋪面，加兩粒仔冰糖就可以蒸10-12分鐘
10分鐘後用平底鑊放少少油, 慢火放蔥慢慢煎香...後倒落梅菜面就可以啦!




蔥有微焦都可以架...仲香呀!
食時唔夠味先加少少生抽...不過梅菜本身已經有咸味所以應該不用加!

12分鐘就搞定.....YEAH!