大成功的梅菜扣肉

我位大少.......唔知why 好愛食梅菜扣肉，我一直都覺得好難整......所以唔好諗住我會整比佢食~
某日....我睇到袁太個blog發現...原來..........好簡單!
係花時間及麻煩少少.....um.......睇完....我就退後左好多步...因為....要蒸2個鐘.......hahhaa...太花時間la!

係某個星期日...我唔知邊忽痕....決定整黎氹下老公happy wo.....
整就整la...2個鐘就2個鐘啦!!!!

諗住比個驚喜我老公la......咁出門口去買餸前浸定梅菜.....又同老公講今日要搞大制作.....
去到街市，老公見我買五花腩已經即刻估到我今晚整咩......oh..咁快知架?!
佢話: 你又話大制作又話未整過，又浸左梅菜，唔係梅菜扣肉係咩wo?!
oh no...都叫佢唔好同我去買餸架啦.....
(我老公好鍾意陪我去買餸架...平時放工，只要佢準時收工，佢就算成set 西裝都陪我去街市....呢個老公都算係咁la?!)

老公問我搞唔搞得掂....我答佢唔知架.......第一次整.....佢雖然好驚，but佢好似好放心咁.....返到home就唔理我直接去左上網lu!
我係廚房又滾又煎又蒸又醃又尖叫...........搞足幾粒鐘...
仲特登煮多左一碗飯...
老公一打開個飯煲就問我: 你做咩煮咁多飯ar?!
我話: 因為你會食得晒囉~
未食前老公仲笑我: 乜你咁有信心會好食ar?!

到食左第一啖，我就知道我d 飯係唔會淨，因為老公話好好食...仲好食過出面好多餐廳!

wa...果下好開心...老公讚我整得好食過好多餐廳wo......真係........好開心...真係搞左咁多個鐘都覺得好值架!
不過我唔識同餐廳比，因為我好少食梅菜扣肉架~
今次係見老公愛食先整.......
今晚老公開心....我都開心....因為老公大讚我廚藝進步左好多ar......呢個真係好happy!

我老公仲好珍惜地食......
雖然唔係好大碟....但食唔晒(可能係因為佢一路食已經問我下星期會唔會再整，我當然say no...一來太肥，二來太花時間，所以佢好珍惜地食)
食唔晒唔知點算......老公又好似唔多捨得唔要D梅菜扣肉....連平時唔帶飯ge佢提出帶飯呢個要求.....
雖然我已經煮多左一碗飯....但都被老公食晒la.........無飯淨比佢帶WO....
而呢幾晚我地都唔係home食.......最快都要星期四先再食wo!
老公諗都唔諗就話要留.......留4晚wo..老公竟然肯?!
最後係星期四晚我蒸番熱比佢，亦都煮多一碗飯比佢.......老公竟然真係幫我清光晒成碟....包埋d 汁.....
oh no......真係咁愛食?!

最後我送上袁太ge 食譜比大家等大家都氹下愛食梅菜扣肉ge 老公or bf la~

材料 :
五花腩x 1(我係街市買左20蚊左右)
甜梅菜x 1
冰糖少少

做法 :
Step 1: 梅菜洗淨，浸水1小時
Step 2:  五花腩用水煮35-45分鐘 (我煮左35分鐘左右...因為掛住做其他野....煲到乾左水....舊五花腩仲燶左少少~)
Step 3: 用叉"吉"五花腩, "吉"出d細洞後用老抽醃30分鐘
Step 4: 用抹手紙印乾五花腩，滾油用慢火煎至金黃色 (我就係未抹乾就煎...d 油彈到我差d毀容...所以大家都要小心小心~)

Step 5: 煎完後放入冰水內浸凍佢....之後就切一片片 (浸左易切D架我覺得)
Step 6: 梅菜搾乾水份後切粒，燒紅隻鑊就炒梅菜，再加少少老抽, 麻油同糖，炒完放係五花腩面再加d冰糖碎，最後用錫紙cover，放入鑊中隔水蒸2小時就得~(我搞太耐，所以我蒸左1個鐘零8個字就趕住食飯LA...不過都好好食~)