北上again~

肥人我係12月26號，被SZ 同事邀請，上左SZ 飯聚~

其實大陸食飯，來來去去都係果D....不過我愛辣...岩晒~
由於同事買左團購，所以完全唔使睇餐牌叫野食....

先上涼菜: 麻辣皮蛋....正...不過香港D皮蛋 好食D我覺得


炸蝦.........無食過，但同事話好食~

呢條魚...被我清晒咁滯...好好食..d 肉好好好好好滑~







普通炒菜心~

團購有魚有菜...梗係唔少得肉la:
呢個雞....唔係唔好食....但d 好細舊.......唔可以啖啖雞肉~


其實仲有好多野食....但我唔打算show 晒....我想show 重點la 因為!
SZ同事問我地HK同事飲咩....好多都係飲啤酒...但由於我係唔飲酒ge....佢地就叫我飲加多寶~
我what左一聲....咩黎架.....
佢地話....係王老吉......我半信半唔信咁....一黎到...我O左咀.....


SZ同事解釋話好似加多寶好多年前買左王老吉...舊年好似傾唔掂數定唔知點，王老吉唔再同佢地合作...而家王老吉自己出番，而加多寶又自己出....
佢地話而家好多都轉晒加多寶....王老吉都岩岩開始出番罐裝....味道一樣但只係名唔同.....
大陸真係....好搞笑~

好LA...呢個都未係最重點.....重點係....呢個包...大家覺得似咩?

一上到黎...我地個個都O晒咀.....
d 同事即係講衰野........話好似....你地知la...hahah~
d男同事仲話要由果點開始食.....

笑完一輪，發現唔多夠飽...拎餐牌再叫.....我睇到呢個包原來叫: 二奶包....
我大大聲講左二奶(讀牛奶個奶音)包，比班同事勁笑我咸濕....咩啫...佢個名係咁架ma!
可能大家覺得無咩特別ar...but我覺得好好笑........

打完篇野覺得自己呢篇有d 無聊tim~
不過呢間餐廳我都覺得可以一試ge...除左二奶包古怪d之外...如果覺得無咩特別就唔好理我la....