十週年之旅@Samui Day 4 Part 3

週年紀念日, 揀番間resort 嘆下先!
新開的....我發現入住率不多!
第二日食早餐時, 仲見到100間房得20間有人住呢!
唔怪之得我地可以包左一棟啦!

check in後, 酒店出動Golf 車黎送我地去房..
以為會好耐, 點知好快就到...
轉幾個圈左右啦..哈哈!!!

不過第一次坐Golf 車, 真係好新奇呀我!


今次間房有大象睇...
special 既佈置?

十週年之旅@Samui Day 4 Part 2

係龜島浮左1個鐘左右就開船走啦!
去南緣島食飯同自由活動!


南緣島, 要每人比THB100 上島費....
不過, 真係好抵架!
海水, 真係清好好好好好好好好好多架!

一上島再望落海...waaaa...好多魚呀!!!!
真係唔使落水都見到魚啦!

食飯, 不值得一提啦!
自助餐黎......導遊淨係話230集合就由你自己慢慢食同玩!
自由行多...食物就要....
台又dirty, 唔夠人執野, 蟻又多......唉!
是旦食幾啖就算啦!

比錢入保護範圍去!
玩南緣島, 有兩個玩法!
1) 行山睇全景
2) 係沙灘曬太陽/ 浮潛

我地當然係浮潛啦!
之前派比你既浮潛用品及救生衣仲跟住你架!

係沙灘曬太陽? 你都要爭位呢!!!

沙灘椅, 係要比錢架!

而且...你唔會夠自由人爭到位.....

我見到泰國人都做到炆炆地!

成個沙灘都開滿椅囉!!!!

老公話不如搵舊石算!
呢舊太遠啦....行唔到!

行去另一邊先.....

呢個沙灘好特別架!

水漲時, 少部份沙灘要隔水架....水唔算太深的!

十週年之旅@Samui Day 4 Part 1

Day 4....又一大早起身......
因為要出海去!!!!
旅行社果然沒騙我, 今日係好天少少架!!!

六點多就起身啦.....去食早餐先~
今日終於有陽光啦.....可以幫酒店影下靚相啦!

藍色傘後面就係食早餐既地方啦~

仲可以影下沙灘......太陽呀...我等左你好耐啦~

今朝無尋日朝咁趕, 可以影幾張早餐既相....

其實都算多野食.....

肥人怕暈浪...食左少少就算啦!

食左早餐就食定暈浪丸啦!

暈浪丸--尋晚夜媽媽周圍搵既...哈哈!

THB10有成十粒......

點解唔係香港帶過去~?

因為我係無諗住出海架.....

係來到....老公話好似唔出海有少少浪費呢....

所以肥人就....捨命陪君子囉!

食完早餐即刻返大堂CHECK OUT, 今日我地會換酒店!

問左旅行社, 說船公司可以去A酒店接我地出海

出完海可以送我地返B酒店

而行李可以帶埋去碼頭...有人會幫手看管!

周圍食@Tony Wong

屋企附近有Tony Wong....
有日放工肥人就自己碌左去買啦!
可能都夜啦....好多大熱都無啦!
連拿破崙都得番一件, 肥人即刻同職員講我要!

你問肥人有無細心睇係咩蛋糕...

肥人答你我無!

我淨係睇外表去決定...哈哈!

十週年之旅@Samui Day 3 Part 5

DAY 3 尾啦...大家忍住!!

------------------------------------------------------

由於有節日, 河邊有夜市...
肥人愛熱鬧, 當然會去走走啦!

有人唱歌助慶....
觀眾不多呢.....
雖然聽唔明..但覺得幾好聽架!

遇到.......泰版Minions.....

泰版............

有撈金魚....我覺得殘忍, 當然無玩啦!

一個好刺激既game...

只要你用波打中女仔旁邊既圈.....

女仔就會跌落水......

我見有人玩...講廣東話既...哈哈!

仲有好多野玩既...不過我地都係睇下就算lu!






中間會經過少少賣食物既...哈哈哈!!
不過淨係睇, 無食...

泰國人都愛吃.......

十週年之旅@Samui Day 3 Part 4

Day 3...仍然努力中.....
如果覺得悶...請跳過Day 3啦!
--------------------------------------------------------------------------------
係房等到停雨, 我地就出發去搵食啦!
肥人提議行下酒店內部....
泳池夜景, 都唔錯呀!

房間..

最鐘意大堂呢幾張吊椅...食飽飽返到黎坐..吹到海風...

好爽呀.....肥人差少少訓左..哈哈!

十週年之旅@Samui Day 3 Part 3

Day 3 比較多行程及相..
大家忍耐下我呀...哈哈!

試食左椰子就繼續下個行程啦!
去左一間廟, 廟入面供服的是一位高僧!
一位死後但身體沒腐既高僧!
但肥人為左尊重, 所以無影到高僧既相~

廟有介紹高僧既生平!

係廟度逗留左半小時左右又出發啦!

去睇瀑布呀!

 全團人有兩位外藉人士預約左坐大象!
其他無預約既, 都可以即場比錢坐!
但肥人一直都覺得太殘忍啦, 所以堅持不坐...
其他團友都一樣堅持不坐呢...
導遊小姐都沒說什麼, 就繼續行程啦!
(沒黑面呢....)

導遊小姐帶我地行去睇瀑布...再約定時間就自己活動啦!

我地有少少幸運呢...

由於落過雨, 所以瀑布好多水呀!

好靚呀!

(之後有朋友去睇, 當時沒雨, 她說只有少量水流)

係瀑布仲遇到一對好好人既中年香港夫婦
他們都係自由行...兩位好夾!
太太不停擺POST 比先生影...
我地聽到有人講廣東話就周圍望, 因為想搵人幫我地合照呀!
(肥人係家中搵左好耐都唔見自拍神掍呀)

影完相傾左陣就各玩各啦!

索女背, 巧sexy!
話你聽食雪條都唔怕肥..仲越食越索...哈哈!
(肥人自我配字幕中)

十週年之旅@Samui Day 3 Part 2

離開廟宇, 我地就去左一個角落睇海景.....
其中一個View Point黎架...哈哈!!

係我們第一晚住既酒店附近...老公話!
黎到呢度就開始有少少陽光啦!
yeah!
團友仲笑問導遊點樣引到陽光出黎....
算唔算撩女仔~?

未影到相...天又陰番啦!
真係純粹係海啦...哈哈!!!

影左幾張相就返上車啦!

團友們好多都上左車啦..最慢又係我地!

1團10人, 得我地兩個係香港人!

2個有少少似泰國人

其他既, 都係上年紀既外國人呀!

3pair人黎架......

View point 之後就去阿公阿嫲石啦!
有名架wo!
阿嫲石...因為水漲左, 好難望得到阿嫲石呀!
不過阿嫲石真係要想多少少想像力先睇得明呀!