周圍食@THAI 菜

來啦...打肥人吧!

今次呢篇飲食..肥人我...完全唔記得左個餐廳名呀!

是咁的: 話說9月時, 肥人的堂姐姐要生BB....

緊張了幾天, 終於於9月某個星期六生左個BB啦~

肥人呢位新阿E當然非常高興地衝去醫院睇BB啦....

點知....阿B 唔夠磅, 要去住兒童房...OH NO~

雖然見不到BB, 但都無損肥人做阿E既心情呀~

真係太太太高興啦...我做阿ER啦...哈哈!!!

至於呢餐thai 菜, 其實是堂姐姐生B前一晚食既~

堂姐姐入院, 我就去探她...順便打探下BB 肯出來未...

探完堂姐姐就同伯娘一家去醫院附近搵食啦~

係女人街兩旁見到有間THAI 菜, 就衝左入去啦~

(肥人連名都無睇清楚呢)

今晚點了 - 木瓜沙律

酸酸辣辣, 好好食~

炸蝦餅.....好好食喔!

連肥人一向都不愛吃蝦餅既都覺得好味道!

努力煮@人蔘雞

早排放國慶假, 肥人想為大少補一補....

不如就煮個人蔘雞啦~

上網參考左幾個食譜就開工啦~

材料:

雞一隻

紅棗數粒 (浸軟去核備用)

洋蔥1個 (可加可不加)

糯米 半碗 (浸2小時備用)

栗子 6-8粒 (浸半小時再煮十至十五分鐘)

人蔘 十多片

(肥人做了傻瓜, 用了花旗蔘, 普通水蔘都可以

但姑仔說水蔘味道不重)

雞湯/ 水

鹽少量

工具: 牙籤或可煮食既線

肥人用牙籤

做法:

洗淨雞內外

(內一定要洗得乾乾淨淨)

然後將糯米 --> 蔘片--> 紅棗--> 栗子

再糯米 --> 蔘片--> 紅棗--> 栗子-->糯米

最頭同最後都要係糯米就可以~

最後肥人就牙籤封口就可以啦~

先放雞, 紅棗及栗子因多了, 就放埋落雞湯/ 水~

洋蔥及加水就可以開火煮啦~

煮滾後轉細火燉2小時就可以啦~

自行試味加鹽呀~

雞肥左少少....出左黃油呢~~

20150404 - 追櫻之旅@首爾

對...相信自己眼睛!

是的, 是4月既事....哈哈!!!

對呀對呀...肥人4月偷偷地飛左轉韓國....

(因為上年11月整易失敗今次返去再整 :P)

對呀對呀

半年飛兩次韓國.......

是咁的.....2014年11月某日, 我的中學同學突然Whatsapp我....

問肥人有無興趣去韓國, 因為其他同學們plan 緊4月去韓國~

起初, 肥人話: 唔去啦, 我下星期都飛韓國啦~

(其實肥人好心動呀....真係難得個個同學都話得閒,  

今次又係肥人第一次同同學仔/朋友仔去旅行,

但真係半年飛兩次韓國又好似........

雖然2014年去係看紅葉2015年去係櫻花

肥人1516, 1516)

當晚, 大少就話: 真係唔去呀? 難得齊人喔...好難得的~

最後...肥人......就參與左...第一次中學同學既旅行啦~

同幾個月前一樣, 都係坐濟洲航空公司!

時間都一樣呀!

由於今次由朋友仔全權話事, 肥人今次真係enjoy到不得了...

hea到得不了!

酒店係近首爾站的...但都要行十分鐘才到...

周圍是商業區, 有銀行總部及大公司在~

夜晚真係好靜, 周圍都無鋪頭開門...

好在有間便利店~

酒店一半是做service apartment, 所以好家居feel~

保安仲好好, 點解?! 遲幾日肥人話你知點解...

(肥人同班同學做左低能野驚動左....)

放低行李就去明洞搵野食啦.....

由於都快10點.....大家又餓, 最後是旦選左間燒肉.......

雖然有少少覺得被呃...(有中文餐牌)

但over all 大家都好平就食到餐飽飽既....

肉又不算太差.....我們最後都收貨呢~

周圍食@The Luxe Seafood Bar & Resto

肥人生日飯--繼續!

真多謝朋友仔厚愛呀~ ~ ~

8 月生日9月仲有生日飯食....哈哈!

(朋友好忙好難夾時間)

今次朋友仔揀左The Luxe Seafood Bar & Resto

她說: 我不吃蠔但你吃嘛, 反正價錢又不貴~

是的, 每人2百多元就任食蠔....(雖然未必搶到)

6點30分左右, 我同朋友仔就去到餐廳, 限食90分鐘....

6點幾, 人少少.....生蠔都不用搶, 但都要快...哈哈!!!

我total食左應該都有15隻...哈哈!

生蠔大隻又肥...不過味道麻麻....

生蝦刺生好正好新鮮......雖然要自己脫殼!

都食左十隻八隻呀每人...哈哈!

普通凍蝦都好好食.....好爽口...朋友一人獨食十隻.....

青口好食...好鮮甜又爽口!

但螺就失色啦, ...頭一次都仲好好食....

第二次再拿....好多沙..., 味道不夠鮮...

周圍食@北京老家

唔知邊位飯腳提出, 某日午餐, 我們就行左去北京老家度食啦!

飯腳就常常聽到隔離team 說來這家...所以決定來試下~

當日都見到隔離team既同事...真係飯堂wo~

食過又覺得真係不錯.....每碟都大大碟!

有些台是有金魚係中間的..哈哈!

茄子炒肉....已經忘記左名...哈哈!

好味道!

茄子不會煮太林,但又夠味道!

糖醋骨, 超級無敵好食呀!

又入味肉又嫩, 好食到不得了呀!

所以我們次次都會點這個!

努力煮@無水海鮮鍋

好OUT 呀好OUT 呀, 肥人我好OUT ar!

熱潮都過左現在先去整無水海鮮鍋...哈哈!

真係好好好好簡單呀......

我買左一隻蟹, 20蚊蜆, 40蚊鮑魚, 30蚊蝦....

後來真係發覺自己買得太多啦.....

大家都應該識點疊海鮮...哈哈!!

我先放蘿蔔, 娃娃菜

蝦放中間, 鮑魚, 蜆肉, 蟹

另外加左一片薑及幾粒蒜頭!

(蝦唔應該放中間...太熟啦)

開火, 細火滾20-25分鐘

我見蜆殼差不多全部開左口就熄火啦!

成品黎啦....

真係少少鹽都唔使放....湯頭夠鮮甜

好好味呀.......

蝦放中間位真係太熟啦...下次都係放最上層.....

最後先食蟹..哈哈!

老公大讚, 連湯都飲得7788......

我的錯?!

雖然肥人中秋正日陪左老公, 但肥人上周已經返左娘家做節啦!

中秋做節, 肥人當然要出動正野啦!

當肥人拎新買既鮑魚出黎準備浸水...一睇..

下...咩事?!

我見都正正常常, 就決定浸啦!

浸第3晚就出事啦, 返到屋企見到浸鮑水好混沌!

仲好臭呀!

立即搵賣家問問及send 相比賣家....

賣家淨係話: 你張單已經係3個月前買架啦...

(係咪指唔關佢事?!)

第2句就問我:你點樣保存呀?

(我係誠實人, 我當然照直講, 我放係櫃入面)

反應即刻好大: 嘩, 唔得架...你有無拎出黎吹吹風曬曬太陽呀?

海味唔係咁玩呀, 你要得閒拎出黎吹吹水曬曬太陽先得架!

你淨係擺係個櫃度係唔得架wo, 你應該要擺係雪櫃!

我係fb 都不停提大家海味係需要吹吹風曬曬太陽..........

對話完全無任何建議, 無任何幫忙!

我又不是要你退貨, 我只係想知道我現在應該點做!!!

聽賣家講左一輪, 我已經忍唔住想發炆收線!

不停都係話我擺得唔好, 即係無野可以做, right?!

中秋節2015

中秋節快樂呀!

 大家有無食足3日假呀?!

肥人我就有食足3日...可惜無返娘家BBQ!

不過老公唔返, 我又無理由返去娘家唔陪老公MA~

每年肥人都會收到供應商送月餅, 今年肥人竟然收果藍呀!!

第一次咋.....年年供應商都會送比老闆嘛, 我只有月餅..

今年竟然有供應商指名比我唔係比老闆!

仲有一盒奶黃月餅.....

不過我寧願食水果多D....食得太多月餅啦~

有兩盒大班, 一盒榮華!

加埋呢盒奇華......嘩, 真係食唔晒呀~

肥人今年有少少忙, 所以一直都無試整月餅!

周日叫老公幫我去買材料, 係娘家回來就立即整!

只係用左大約1小時就已經整好左餡同皮啦!

齊齊擺入雪櫃雪到明晚啦~

由於已經星期一啦, 肥人我都不敢偷懶, 快快焗!

周一晚, 我1030先開始焗, 沖埋涼上床訓覺已經係2點既事啦.....

今次焗得比較好, 我覺得!

最少14件入面有一半都見得人呀~