我的錯?!

雖然肥人中秋正日陪左老公, 但肥人上周已經返左娘家做節啦!

中秋做節, 肥人當然要出動正野啦!

當肥人拎新買既鮑魚出黎準備浸水...一睇..

下...咩事?!

我見都正正常常, 就決定浸啦!

浸第3晚就出事啦, 返到屋企見到浸鮑水好混沌!

仲好臭呀!

立即搵賣家問問及send 相比賣家....

賣家淨係話: 你張單已經係3個月前買架啦...

(係咪指唔關佢事?!)

第2句就問我:你點樣保存呀?

(我係誠實人, 我當然照直講, 我放係櫃入面)

反應即刻好大: 嘩, 唔得架...你有無拎出黎吹吹風曬曬太陽呀?

海味唔係咁玩呀, 你要得閒拎出黎吹吹水曬曬太陽先得架!

你淨係擺係個櫃度係唔得架wo, 你應該要擺係雪櫃!

我係fb 都不停提大家海味係需要吹吹風曬曬太陽..........

對話完全無任何建議, 無任何幫忙!

我又不是要你退貨, 我只係想知道我現在應該點做!!!

聽賣家講左一輪, 我已經忍唔住想發炆收線!

不停都係話我擺得唔好, 即係無野可以做, right?!

我最後忍唔住, 問左新年時買鮑魚果間鋪..

果個女仔, 好好!!

雖然不是購自她鋪, 但她都願意答我願意幫我!!!

仲提議左不同既方法比我!!

我一話我浸鮑魚水有少少發臭...她第一時間就話可能係夏天既關係!

不如你試下放雪櫃

我重新浸12隻, 放雪櫃的!

第三日都無發臭呀!

最後肥人決定不用雞呀排骨等等去炆, 改用雞湯!

明火都不浪費啦, 改用電子煲炆就算啦!

肥人先用明火炆3小時, 再改用電子煲繼續炆!

大約炆到天光左右啦!

我再夾出來吹一足等鮑魚變溏心!

半小時已經變晒色啦!

然後再用炆鮑魚既水加蠔油去煮一個汁!

然後將鮑魚倒回汁內再煮多半小時就夾起啦!

拎回娘家做節!

妹說um了點, 但味道非常好!

幫忙既店舖主人都有主動問我鮑魚如何, 仲問我有無奇怪味道等等!

仲教我將餘下的嘗試點處理!

實在太好人啦!!!

其實我找賣家, 都係想知道如何處理!

最後發現鮑魚沒什麼問題..

99, 爸爸及朋友的99都說: 鮑魚本身曬得不夠乾!

我同老公都覺得是鮑魚問題, 因為新年時買既鮑魚都係同新買既擺埋同一個櫃!

新年買的完全無問題!!!!!!!

以後我買海味, 都決定回家先曬一曬吹吹風先!