周圍食@樂天皇朝

8月份時食左好多餐生日飯~

其中一餐係銅鑼灣既樂天皇朝食~

第一次食呢.....見別人食既多, 今次終於有機會!

兩個女仔點既菜不多~

點左雲吞

餡多皮唔算厚....湯底都幾好~

糖醋炸魚....

同糖醋骨一樣味道..哈哈!!!

生活雜事 I

肥人.....9月份時....去左Kelly 簽唱會呀!
有無人係Kelly粉絲呢~?

好開心好興奮, 多得同事係apm 消費!
換到兩張簽唱證...開心到呢!!


排左兩小時左右啦...終於可上台啦...肥人個心一直跳呀跳跳呀跳!
我鍾意左Kelly 廿年架啦...第一次咁近距離!!
(之前演唱會不夠別人爭....握唔到手)

上到去, 肥人不停同Kelly講我真係好鍾意你架..
你真係好靚呀....我以後都會繼續支持你架...
Kelly都講左好多聲多謝...哈哈!!
可能佢見我咁多野講...就簽多個心比我...
真係好開心呀..同行朋友都無呢個心心呀!!

太開心啦....肥人...

第一次近距離見到Kelly又合照埋..真係好好好好好開心呀!

文青麼?其實不是啦!

九月份肥人好少打blog.....
除左公事忙....又忙住捉精靈, 另一個原因係肥人...
又開始睇小書啦!

今次肥人揀左后宮甄嬛傳黎睇!
其實無特別原因, 有日同老公去左圖書館涼冷氣
無所事事就周圍睇下書啦...
諗住搵本書可以打發下時間
一睇甄嬛傳就停唔到手....
睇到圖書館都要close都未完!
就借左一本返屋企睇啦~
之前就不停借落去......

一本7本...肥人終於睇完啦~

本來以為劇已然做既已經夠長....

(肥人幾年前已經睇左甄嬛傳套劇架啦)

但比起書..其實都少左幾多架....

不過劇都好跟足原書架啦!

之前睇劇時唔明既情節, 係書都睇番明呢~

周圍食@朴將軍全韓烤

某日肥人同同事去銅鑼灣shopping!

行完街街就當然就周圍搵食啦!

係sogo 後街發現一座全座都差不多食燒烤既樓~

左諗下右諗下, 就揀左朴將軍啦!

職員話朴將軍剛剛開到來香港, 算新的~

但係韓國已經有好多間分店...及他們塊烤板係有專利設計的!

當然...我地聽完就算啦...我真係不知道韓國係咪有好多分店呢~

hahaaaa

泡菜量不多....

不過有泡菜魷魚, 香港餐廳好少有既...

但肥人好鍾意食, 次次去韓國都會買返黎香港食架!

有套餐既, 我地點完餐就等食啦!

呢塊就係專利烤板啦!

依...好似係韓國有見過喎!

斜斜地既, 油份就會走落最下方既兜內, 幾gd 喎!

套餐包括五花腩, 有菇呀腸仔同年糕等....都幾大份架!

又有專人幫我地燒埋, 唔錯!

周圍食@牛魔王清湯腩咖喱專門店

牛魔王清湯腩咖喱專門店
話說, 肥人老公好鍾意食牛腩...
他最鍾意就係周圍試牛腩好唔好食....

有日, 肥人就陪左老公來牛魔王清湯腩咖喱專門店試試啦!

價錢....肥人覺得比較貴!
不過牛嘛, 總係貴少少既....
38蚊呢個價錢...肥人真係唔係太算食得落!
不過老公鍾意嘛, 就比他點啦!

38蚊牛腩河...UM...肥人都應該唔飽!

牛腩又得幾舊...

OK 啦..幾舊都算啦, 好食的話!

點知....."鞋""鞋"地喎!!

老公仲話比左好多有根既位...OH NO!!!

38蚊...真係....唔值呀!

灣仔生活 III

搬左去灣仔, 坐得最多既交通工具就係船仔啦~

坐船仔好處就係可以睇到維港美景~

由於只用手機影, 影到唔好唔好見怪喔~

肥人一直好想影隔離碼頭隻船..
因為覺得船上既光反射落海既倒影好靚呀~

日差不多全落真係最靚, 肥人最最最鍾意~

周圍食@Cafeholic

肥人近來太多零碎事, 會係每一篇最尾加1part 題外話~

------------------------------------------------------------------------------------

肥人每個星期返娘家都會經過東涌...

久不久都會同妹妹去食Cafeholic既下午茶!

 四十幾蚊有即磨咖啡, 細通粉, 煎雙蛋, 雞扒及多士~
其實都算好抵食..哈哈!!!

雖然雞扒係細少少, 不過食晒就真係好飽架!
雙蛋既邊煎得香脆, 抵讚架!

通粉味道還好, 不太特別!

灣仔生活 II

肥人呢一排...又失左蹤!

不是去左旅行呀...

而係...搬左去灣仔後生活大大改變了!!

以為放工返到屋企附近, 去完街市樓上就是間大超市!

樣樣都齊, 要什麼有什麼!

現在....

附近有3間惠X 1間百X

其實都真係附近, 可能隔一條街就有!

但不是要什麼有什麼!!!!

肥人試過為左買豬肉碎, 走晒4間超市先買到!

試過買完豬肉想買配料...

同一間超市係無架..又要行去第二間..

每日都花好多時間係超市度!!!

買完餸回家就即刻煮飯啦!

因為老公於一個鐘內就會回到家!

可能大家會問, 點解唔買多少少放雪櫃~

其實....新屋只有一個小小既雪櫃...又要同其他人SHARE..

當然..肥人不敢放太多啦!

加上前一排工作好忙....連LUNCH 時間都無時間打BLOG呢~

只係去大家BLOG度留留言就算啦~

大家...唔好忘記我呀~ ~ ~ ~ 

我希望會盡快可以打密少少架啦!

去正題先~

---------------------------------------------------------------------

住左係灣仔一段時間, 肥人搵到間又平又正既果汁店!

以前肥人成日都覺得, 果汁好貴!

同埋不如自己食左成個水果啦!

有日去完街市, 肥人見到有間好平既果汁店..

平時都不太會主動買果汁既肥人竟然同老公提議飲果汁呢~

果汁款好多呢...真係花多眼亂!

最後, 肥人揀左12蚊既哈密瓜汁!!

無錯, 係哈密瓜汁...

老公揀蘋果雪梨汁~

諗住到定有幾多係冰幾多果汁啦!

點知一飲, 依...唔凍架老公果杯!!

一粒冰都無加架!!!!

我果杯就少少凍, 因為哈密瓜要雪嘛!

正呀!!!!

肥人大愛!!

所以...肥人就久唔欠都去飲啦!

(因為真係好近屋企架)

過左排肥人又經過, 又買左杯木瓜杯飲!

真係好足料呀!!!

有時肥人又買左杯蘋果雪梨!

我問: 蘋果雪梨係唔係唔凍架?

老闆話: 想凍咪拎雪櫃D 生果打囉~

我估, 真係無冰加架!

哈哈!!!!

-----------------------------------------------------------------------------

題外話

人人都覺得灣仔物價好高

肥人未黎灣仔住前都覺得係!

事實上並唔係!

肥人試過買十蚊4大個木瓜呢~

真係又香又甜架!