文青麼?其實不是啦!

九月份肥人好少打blog.....
除左公事忙....又忙住捉精靈, 另一個原因係肥人...
又開始睇小書啦!

今次肥人揀左后宮甄嬛傳黎睇!
其實無特別原因, 有日同老公去左圖書館涼冷氣
無所事事就周圍睇下書啦...
諗住搵本書可以打發下時間
一睇甄嬛傳就停唔到手....
睇到圖書館都要close都未完!
就借左一本返屋企睇啦~
之前就不停借落去......

一本7本...肥人終於睇完啦~

本來以為劇已然做既已經夠長....

(肥人幾年前已經睇左甄嬛傳套劇架啦)

但比起書..其實都少左幾多架....

不過劇都好跟足原書架啦!

之前睇劇時唔明既情節, 係書都睇番明呢~

睇完7本甄嬛傳, 肥人決定睇埋同一作者者另一系列啦!

就係后宮如懿傳啦!

大陸果邊已經開始拍緊...應該下年就有得睇啦!

不過肥人今次想先睇書後睇劇!

十月...繼續係閱讀月呢~

唔知肥人會睇到幾時呢???

真係每個字都會慢慢睇先會明白當中意思架!

------------------------------------------------------------------------

另外...肥人呢排忙住....搶ip7!

今次唔係為賺錢啦!

係肥人部電話壞左底板, 不得不換啦!

每日都需要叉住電先可以開到電話!

係街就用尿袋, 係屋企同公司就叉住電!

就算叉住都好, 都會突然自動熄機的!

所以近來肥人好少影相.....

好啦....為什麼要轉ip? 最衰就係3叔囉....

note7 做咩要爆喎!

肥人一向都係Android人黎架......

我本打算換note7, 但肥人習慣唔買第一水機的!

點知就發生note7 爆啦!

連飛機同船都對note 7有限制...肥人當然不敢買啦!

市面上無機肥人睇得上啦....

唯有再次轉用ip啦!

對...再次轉用!

肥人5年前已經用過ip但覺得麻麻地!

今次問親身邊d 朋友都得不到中肯既結果

因為 -- 

用ip 既會叫肥人轉ip, 用Android既會叫肥人用番Android

肥人其實覺得ip比較貴!

老公又計過成本, 話ip兩年後都可以賣到2千蚊..

但如果而家買一部成本4k既Android機, 兩年後就一文不值..

所以我地既成本都只係4k左右....

至於ISO 同Android系統...

對肥人來講其實問題不大的!

但最大既問題是.....究竟幾時先買到ip7?