支持小店

肥人常常都覺得要支持小店...
不然的話....大家都要接受只有大集團的店....
價錢貴不特止....仲要來來去去都是同一款味道....選擇又不多......

話說肥人屋企樓下的街市開左間壽司鋪 (對, 係街市)
行過幾次都不敢試...你知啦，街市wo...真係唔知乾不乾淨嘛!
後來有日肥人要自己解決晚餐，就膽粗粗決定一試!
價錢平宜食物又ok......味道又不錯...雖然飯有點大舊

一試後已經成為肥人經常光顧的店啦!

海膽好肥美架....仲要師傅即點即整.....yummy!

住將軍澳既朋友應該都認識聰嫂，聽聞係某藝人有份的!
不過實力又真係好好...有些甜品出面都無得食...

懶人系列 - 湯飯

懶呀懶呀....肥人真係好懶呀!
天氣又濕又凍...肥人都想再偷懶...
加上之前既OT潮後，肥人已經無以前咁努力煮兩餸...
不停煮簡單快捷既食物........
今次介紹 --  湯飯!

easy到不得了.......
材料: 瓜一條 (脆肉瓜, 絲瓜, 節瓜都可以)
豬肉 -- 十蚊 (百佳買一盒新鮮豬肉)
菇 -- 一包
咸蛋 -- 一至兩隻

做法: 豬肉切片用鹽,糖,燒油,生抽,油及豆粉醃十五分鐘以上
菇及瓜洗淨備用 (瓜要切粒)
咸蛋分好蛋黃及蛋白備用

水滾後放豬肉，滾十五分鐘
加菇再滾十至十五分鐘
蛋黃先放...滾五分鐘後放蛋白..
十分鐘後試味，加瓜.....再滾多五分鐘即成!
(視乎你買左邊款瓜....脆肉瓜快熟就可以滾少於五分鐘)

切記 - 飯交比電飯煲但要於開始滾湯時已開始煮
如果唔係...湯好了但飯未熟....又有排等啦~

我邊款菇都會用的...看看你自己喜歡邊款.....
由於咸蛋已經有味..通常都不用放鹽..
湯可以咸少少，因加飯後味道就會變淡一點點!
蛋黃滾熟後我會拎上來...用匙整爛再放回湯內..等味道再出少少~

只要換種瓜換款菇...味道就已經不一樣架啦我覺得(自欺欺人中....)

這款湯飯，肥人變態到拎來帶飯回公司食.....
不用帶湯，菇,肉及瓜已經夠味.......

有肉又有蔬菜...簡易又方便...肥人大愛呀!

懶人系列 - 梅菜蒸茄子

前一排肥人成日都煮湯飯，覺得有少少對唔住老公....
好似無蔬菜食下咁.....
有日，肥人諗住蒸下清蒸茄子...
突然上網見到原來梅菜可以配茄子蒸.....
肥人就立即去整新菜色啦!

非常之簡單又快.....
只要梅菜一條, 茄子一條，加少量冰糖及蔥就可以啦~
蒸前.....
梅菜浸十分鐘左右就清洗一下，然後切粒
茄子切條然後用鹽水浸住 (防止變色)
茄子鋪底梅菜鋪面，加兩粒仔冰糖就可以蒸10-12分鐘
10分鐘後用平底鑊放少少油, 慢火放蔥慢慢煎香...後倒落梅菜面就可以啦!

麻婆豆腐新方法!

肥人一直都好怕煮麻婆豆腐.....總覺得一定煮到爛晒!
有朋友教肥人要溫柔少少地煮...但點溫柔呀?
要炒勻架嘛.....

前一排，肥人同同事去食lunch睇到電視教整...

依....原來只要煮熟豬肉，加豆瓣醬
然後整舊豆腐放入去...用鑊鏟切開豆腐就可以!
完全唔需要預先切呀.....

回家即試....真係做到不會爛晒又炒到好均勻...
每舊豆腐都紅卜卜呀

最緊要係...5分鐘內煮好....好快呀!!

以後又多一個菜色可揀啦.....yeah~

清潤糖水 (蓮子白合紅棗雞蛋)

話說肥人99 好鍾意煲呢款糖水...而肥人我都好鍾意食!

往年冬天，99一個月都會煲一次

但今年....99 竟然一次都無煲到.....

身為好新抱既我，無理由問點解嘛

(已經食野唔做野...仲多多要求?!)

今年.....唯有靠自己啦!

是日早收工...就決定去華潤堂行個圈買材料!

(由於肥人不知點為之靚，所以去間有信譽又平既!) 

通通都買400g 送100g....最後我只要了400g紅棗

平日煮菜都有用嘛~

點知傻瓜左....有核架.....除廿粒紅棗核除到我手指痛呀!

海鮮意大利飯

來來來....肥人要公開意大利飯食譜!
我其實都參考左不少食譜的.......所以下面的不是肥人自創的!

除左老公話好好食之外，我都有煮多一次帶回公司請同事食...
她們都覺得可以同餐廳食到既差示多...YEAH....勁開心!

材料如下:
1) 米 - 一杯 (用普遍米杯)
2)雞湯750cc
3) 白酒30cc
4 鮮忌簾 30cc
5)洋蔥1/4個
6) 磨菇 6-7粒
7)急凍蜆肉 十多粒
8) 急凍帶子 7-8 粒

懶人晚餐系列 -- 意粉篇

哈哈哈哈
真係好懶呀肥人!
上星期突然不想煮又想不到吃什麼
又發現雪櫃太多食物,決定清雪櫃!

蜆肉帶子脆肉瓜意粉.....
一次過清掉餘下的蜆肉及帶子!
不過開了罐金寶湯及意粉....

昨晚又清多次,周六朋友來訪

我又買了蜆肉煮意大利飯....昨晚又繼續清.....

今次清了半包意粉,半個洋蔥及半罐金寶湯, yeah!

兩個意粉大致上都差不多煮法

前者主要用金寶湯,味道清淡少少

後者加了蒜鹽,味道會濃郁d

兩者大少都愛吃 :)

兩者都是半小時內搞定 

懶人梗要諗多少少法寶 :)

怪味麻油雞

肥人我.....好想試整麻油雞!
無錯...就係台灣食品麻油雞!

上網看食譜又覺得非常簡單....所以.....肥人就決定整!

誰知道...肥人的煮婦生涯最最最最最最差既一次...就係送左比麻油雞!

大少說不是難食，但都不是好食.....

帶了少許回公司給同事試..她們評語都跟大少一樣.....

但我覺得很難吃!!!!

跟足食譜...真不知道那兒出錯?!

還是麻油雞就是這個味道?

由於我未吃過台灣的麻油雞....真係好難比較或知道問題出在那......

你問我仲想不想試...我當然想......麻油雞對女仔都幾好....

我而家無媽媽幫我進補...都想自己煮少少補下....

(婚後身體覺得差了不少...特別係每月既親友...時來時不來)

大家有沒有麻油雞食譜可分享?

有的話請分享給我呀 ~ ~ ~ ~ ~

拜託 ~ ~ ~ ~ ~ ~ ~ ~