澳門遊遊遊

話說, 肥人有澳門某商場送左千5蚊現金券+100蚊美食券

限期為7日...所以過期前肥人又去澳門走走....

前一晚去了珠海玩...第二日午餐後由珠海入澳門

好快就到達..人又不多!

坐免費車去到碼頭再轉酒店車, GOGOOGGOGO

去到大山巴附近都3點了...不過唔緊要!

是日主要來吃吃吃吃吃...哈哈!

先路過瑪嘉烈吞個葡撻

仍然都好美味呀...同老公share~

然後就開始亂行啦, 碌左去聖母誕辰主教座堂

因為真係周圍碌既關係...去到盧家大屋, 又參觀下~

呢度都幾靚但無冷氣, 走一圈快快走人!

打算去試咖哩麵, 揀了條小路走...

金城二食店

睇youtube 好似好好味..點了兩個小份的
(因為不太餓但又想試)

不錯啊, 咖哩味濃呀, 有下次!

姐姐還找了張靚靚20蚊澳門幣添~

食飽飽出來見路牌....大炮台係附近呀...

又碌碌先...肥人好似未去過呀....

行到氣喘呀...聽到有後生話仲辛苦過拜山, 哈哈!!

炮台上人好好好好好多...

猫也好多呀.....無所事事既我們, 又兜一個圈走走~

欣賞下澳門景色先~

之後就落山啦...一落去就到大三巴啦~

呢度當然係people mountain people sea........

唔好同人爭...走人!

想搵間coffee shop休息下..突然就見到間評分高既...亂入!

Travessa

打卡係幾好既....人又不多, 可以慢慢休息!

為食既肥人又點了蛋糕啦~
蛋糕不錯, 本以為多cream會很甜
但夾雜了少少酸酸果醬, 好好味!

咖啡就正正常常沒特別, 但打卡一流呀!

食完蛋糕嘆完啡都六點多啦, 決定碌去商場拎野啦!

去到商場要想辦法用盡現金券..肥人一蚊都唔想補!

之前staff有提議可拎兩支香水....那先入Celine看看

100ml要2千元啊...味道肥人喜歡但 不補錢不補錢不補錢

Dior說本分店沒有香水.....肥人本來想說Dior香水也不錯啊!

去Loewe望望, 試了款覺得不錯,價錢是$1060

可以考慮呀..但還有500蚊現金券+100蚊美食券

500蚊現金券買什麼都要補錢啊...老公又說不想浪費!

最後決定先去酒店cake shop看看!

打算用了100蚊美食券買cake, 但蛋糕都唔吸引呀!!

好在肥人突然見到茶葉, 價錢$580...

嘩, 好fit呀, 可以用來送比長輩呀!

再加個馬卡龍 $18...只蝕2蚊~

突然職員夾多粒馬卡龍, 說是送給我們吃~

嘩, 太好了!!!!沒蝕反而賺了16蚊...哈哈!!

用完600蚊馬上回Loewe買香水..補60蚊也算吧!

終於...完成任務啦!

1500蚊現金券+100蚊美食券~

由於我們都不餓...決定返香港啦!

又坐免費車去港澳碼頭轉免費車...

點知....由港澳碼頭去港珠澳既免費車最後一班是8點!!
當時是8點零5分左右, 最後自費坐巴士!

過關回家去~ ~ ~

-----------------------------------------------------------------------------------------

那為什麼肥人會有現金券呢.....

話說...4月頭有台灣朋友來香港玩, 她們是由台灣飛澳門的

最後三日才到香港玩...我們陪她們在香港玩了大半天..

突然同行人士說不如一起去澳門吃晚飯。

到達澳門後, 她們先回酒店放行李

我們就周圍走走, 發現上次買H手袋既商場就在隔離

又8卦去望望啦!

點知------

遇上同一個Sales...

遇上肥人喜歡既款..

遇上合心水既色同尺寸

所以...然後...肥人就可以拿商場活動既現金券啦!

買完呢一刻肥人都有少少覺得後悔, 又購物了!!

明明每次都說不要再買啦, 已經足夠了, 但每次也失守!

老公說買了就不要諗太多, 好好用它就已經足夠。

真是呢....澳門到底是個好地方還是一個壞地方!!!!!