馬馬馬馬馬馬年~

年，又過年~

恭喜發財, 新年快樂, 身體健康, 青春常駐, 馬上發達~

過年前肥人好忙....

連頭髮只能安排情人節下午去整...

情人節飯, 我們去616打邊爐算了~

今年屋苑繼續整得靚一靚, 然後又係時間加管理費, 唉~

羊毛出在羊身上既~

                                             

好在屋企附近有個年宵市場, 都叫行過年宵呀!

今年蘭花真的特別平呀!

呢盤大大盤都係$500....

(尋晚是$600的~)

           

肥人本打算買少少花佈置一下就算了, $100/5支~

毫無美感既肥人...亂買5支再手插埋一齊~

今次仲唔花多眼亂..哈哈!!!

買完花本打算閃...但又不死心想找找平蘭花~

最後比肥人搵到又平又大朵既....$100蚊~

今年蘭花真係好好好好好好好好平呀~

年廿九放半日, 肥人買餸回家慢慢煮~

用壓力煲煲湯啦....點知掛住抹窗忘記時間

煲湯壓左接近半小時...豬肉自我解體了, 變了肉絲散佈整煲湯~

(後來說起這失誤, 老公就他以為我是專登整成肉絲)

炆了冬菇花膠, 底放生菜, 再開罐頭鮑魚~

另一道是排骨煲仔飯, 忘了影相, 哈哈!!

初一去99家拜年, 食飽飽就去了睇戲~

好耐無睇戲既肥人選了夜王~

一個鐘有3-4場, 但場場都爆滿, 好誇張呀!

初二早早起床去老公嫲嫲家拜年, 再回娘家吃晚餐~

初三沒事幹啦, 終於!

不過訂了舞台劇飛-大反枱日

又是腦細的戲, 加上祖祖, 沒可能不支持吧~

有笑有淚, 愛要及時啊~

初四上班是也, 冷清清的地鐵, 冷清清的辦公室...哈哈!!

初五跟妹妹去了珠海吃晚餐, 2億肥人又無份 :( 

初六約了朋友團拜, 去吃了下午茶~

期間限定撈起....三文魚應該是生的呀!!!

(風險管理?!)

這套下午茶大家都說好吃...係呀, 因為甜品唔甜呀, 哈哈!!!!!

有下次有下次~

不過唯一不好的是, 沒長枱~

訂了十位, 但由3張枱組成, 令到我們要3-4-3地坐...

雖然都不太影響到傾計...哈哈!!!

酒店比左個角落我地呀, 知我地夠嘈...哈哈!!

呢個造型最靚但偏偏是最最最甜~

茶杯入面是兩粒湯圓, 好味~

去到初六, 基本上過年活動就完了~

今年過得有少少充實但有少少悠閒, 真好~

大家新年快樂啊~