20250906+07@東京

最後一個full day 啦！

今日行程是去outlet但肥人沒興趣

所以我們離隊自己去玩:)

訂了票去TeamLab但又遲起身

早餐就去family mart 買炸雞

好好味呀，好脆但雞肉又多汁！

食完炸雞馬上出發去坐車，是日去豐洲的TeamLab!

呢度會分園區的，你可以自行選行邊個先

決定了水路先，哈哈！

鎖好個袋就出發啦, 黑蚊蚊之旅開始～

又係呢個場景啦！

可能唔係第一次睇，今日沒太驚艷！

而且呢度好細呀！

影了少少相就轉場去！

呢個場是瞓係地睇，望住上方既物品在動

多數是花，但望得耐會頭暈

肥人頭暈到真企唔到起身，要休息一下

睇完花花又有水啦，好多投影既魚魚

呢個波波場，肥人第一次嚟

可推郁波波，肥人玩得好開心:)

玩完水區就可以著番鞋拎回行李，繼續下一區

呢區既花花，就是TeamLab廣告最常見既

但非常失望，親眼望根本唔靚

可能太多人來，而又不愛惜花花

明明應該等花花升高才過，但肥人有看到人是撥開

所以好多都謝了, 幸好還找到一大堆靚靚既花

影完花花繼續走, 轉去另一區, 呢區是玩的多

我們也畫了畫scan出大幕上

為什麼你變了啊！

明明是圓眼睛但變了長眼睛，哈哈！

老公的飛機沒走樣

還排隊玩了好多考平衡力既遊戲

現場好多小朋友玩得非常快又開心

難為了我呢位阿婆，又驚又走得慢，哈哈！

玩了差不多3小時就離開啦！

本來想坐鐵路去築地但老公找到巴士直達

那轉巴士去啦，諗住會有位坐坐

點知滿滿的人，半車人都在築地落呢！

由於肥人訂了3點半Omakase，所以在築地只可以望

本來說吃點小食但吸引的，從來都不是小食！

流口水中，好想吃呀～

海膽飯呀～～～～～～

又見海膽飯啦！！！
肥人努力忍住呀，最後決定飲咖啡去！

但由於我們都餓了，決定點份3文治分享

食完就去銀座走走，消化下先:p

是次訂了家不貴既Omakase

（大家估估價錢）

是新開不久的Tsukiji Sushi Yamaharu

平價怕不怕用了不好的刺生？

網上資料說這家是由1958年開始已是築地海產供應商

歷史悠久加上本來是供應商

估計能提供平價Omakase既原因

每場Omakase用餐時間是個半小時

由朝早8點開始營業，下午5點關門

正門在小巷內，容易錯過了！

上樓去，上了一層會有個等候室

肥人見好多人在等

又乖乖企定定，好快就有職員點名

點好人數後就會安排入座，要上多一層呢！

我的座位給隔離日本人私下調了！

他們比我們早上樓，然後坐了我原本的位置！

為什麼我知道呢？

因為職員一早放好英文menu在我位置上

職員說沒關係，就從隔壁拿回英文menu給我

（估計我原本位置是正中間吧）

點好飲品就會開始解說一下

師傅用日文介紹是日菜單及問現場客人有沒有不吃的食物就開始上菜了！

此餐廳也有酒套餐可選

前菜來了，忘記是什麼東西但好好吃

有件是魚來的但肥人覺得不錯

連不吃魚的老公也覺得不錯！

（是的，不吃魚的老公又捨命陪肥人吃Omakase)

第二道就是海膽了，太太太太好吃

超鮮甜，太太太滿足了！

肥人差少少要幸福轉圈圈～

生蠔壽司，新鮮材料什麼都好吃~

赤身本以為平平淡淡但意外好好吃！

肥人沒法每樣介紹了但總括來說，每樣都非常好吃！

吞拿魚:)

壽司方面最後是有筍壽司

蛋及蜆肉湯作結尾, 蜆肉湯超多蜆肉呀！

吃飽飽就等職員來收錢, 埋單後就走人啦~

要去洗手間? 在等候區那層.....沒人剛好影一下~

小小的巷仔，真容易錯過呢！

旁邊既鋪已經關門了~

5點鐘，滿足地離開餐廳

築地又已經收的7788，團友又未到東京市區

我們決定去東京塔走走

影到天黑就坐巴士去東京站集合啦！
由於有團友未到，肥人馬上轉戰大丸百貨:)

自己買嘢又幫人代購化妝品及護膚品 :)
買完就跟其中兩位團友去影一下東京車站

影完一輪就集合吃晚飯

肥人及老公一點都不餓，不過團友說一起吃晚飯

好頭好尾人齊吃呢個團東京最後一餐晚餐吧！

東京車站很多美食但其中一位團友說要吃壽司

剛剛才吃完壽司的肥人及老公 @_@“

吃完晚飯又去超市走走

回酒店看看團友是日戰利品，好多baby系列呀！

12點左右就出發去吃消夜

4天都沒吃過拉麵，大家都心思思去吃！

先去便利店搗亂再出發去吃拉麵 :)

Chiikawa連麵包都有，便利店有售

差不多一點到達無敵家，好好彩不用排！

（當年肥人在寒風中排了45分鐘）

點了辣及普通拉麵

是次可能不用排，覺得美味過上一次！

團友吃沾麵，也很幾吃！

吃完消夜就回酒店休息，準備明天回港啦！

由於大家都累了，今早各自行動！

肥人同老公也不願起身，所以skip了早餐

直接去百貨公司買手信

猫頭鷹Kitty仍然沒貨！！

只有一小時時間，努力買買買！

買完回酒店途中再吃件炸雞做早餐

返去酒店checkout就出發去機場了！

是次日本之旅完了～

回程飛機餐有黑糖麵包呀，加你少少分啦！

日本Byebye la

咪住……Omakase有冇估價錢呀？

3

2

1

食物每位5500円，我們點了兩杯清酒2310円

餐飯一共吃了13310円，700蚊港幣2位

真心抵吃呀！

不過缺點是，師傅只懂日文

所以，全程都跟我們沒交流

起初放低壽司時會指一指板上告知是什麼魚

（肥人覺得呢個舉動都已足夠

起碼你都會告知我是什麼）

後來直接放下壽司就算了

可能覺得我們知道是什麼吧？

眼神也沒交流

肥人吃海膽時快樂地輕輕拍拍手掌

（當然是無聲的）

想向師傅表示好吃但師傅從不望肥人

或者我們是全場唯一的外國人

所以被忽略的感覺很強烈

（師傅不斷跟坐肥人身旁的日本人聊天

是全程都沒間斷地聊）

不過這家店我也是推薦的

除了沒交流其他都不錯

大家只要有被忽略的心理準備就得了，哈哈！