周圍食@大和堂

周六跟老公無所事事....夜晚又約了家人吃飯

不如去九龍城走走...有間餐廳肥人想去好耐~~
下午差不多4點到達....要等一張飛~

不過好快就有位啦~

無睇錯, 肥人無出錯相!

呢間係中藥鋪改成既餐廳, 哈哈哈!

懷舊餐牌呢......

由於4點啦, 我們決定點兩杯咖啡及甜品就算~

肥人點了Espresso Tonic, 而老公點了什麼?!肥人忘記了...哈哈!!

仲有好多茶果汁可以揀的~

咖啡正正常常~

甜品方面點了焦糖巴斯克芝士蛋糕及西班牙油炸鬼配朱古力醬

蛋糕比想像中細件...不過都幾好吃~

西班牙油炸鬼即炸, 新鮮熱辣辣都好味道!

慢慢嘆嘆咖啡享受下甜品....坐到差不多5點左右就走人啦~

店內保留了不少中藥鋪既用品...都幾特別!

咖啡又同中藥一樣甘甘苦苦, 其實都幾似呀~

肥人剛坐時還聞到陣中藥味...老公說是錯覺...哈哈!!

離開大和堂又周圍走走....過多幾年九龍城又會不同啦~~

來九龍城當然要買肥人最喜歡既青芒....哈哈!

但今次只有一家鋪有賣...40蚊大大袋...

仲要好好味呀, 肥人鍾意!

坐車去晚飯地點商場!

行行下商場見到有扭蛋機...又八下先!

見到靚靚Kitty袋仔,  價錢又不貴....想扭又不想浪費錢!

(因要換代幣, 換了又沒法換回真錢的)

肥人1516期間就有位妹妹去扭....她扭到粉紅色那款!
見她好像不太興奮, 估計不是她最想要的!

肥人只有50蚊, 一個好好既藉口可以扭兩個, 哈哈!

肥人最想要一黑一白的那款, 第一個紫色的, 失望~

第二個就扭到黑色了, yeah!

雖然最想要是白色...不過算啦~

妹妹當時還未離開, 她爸爸又幫忙看看下一個是什麼色...

點知下個又是妹妹已有既粉紅色!

最後他們走人啦~

肥人及老公又再研究下個到底是不是妹妹爸爸說的粉紅色

又看看左右是什麼色....老公說看到一個白色....

但不確定是那一個方向扭出!

為左驗正, 又換了50蚊~

果然是粉紅色....而老公說下一個肯定白色!!!

所以.....癲狂既肥人扭齊4款...哈哈!

真心要多謝妹妹先扭了一個粉紅色...不然, 肥人都不會順順利利扭齊!

好開心扭晒4個...但回家後諗一諗, 扭咁多黎做咩呢?!

完!