20230729-家族遊@大阪

次次住溫泉酒店都話要朝早起身再浸

今次終於做到啦！

7點半左右突然自己醒左

見家人仍然熟睡中...馬上執野去浸溫泉！

由於快到清潔時間, 肥人都快快浸快快走人~

全個溫泉只有兩個人-包括我

浸完回房, 家人仍然熟睡中

又去宴會廳吃早餐啦！

去到宴會廳, 早餐已經安安靜靜地等我啦~

(其實一早預約左時間..哈哈!)

宴會廳望出去，就係尋晚玩仙女捧地方啦！

橋另一邊係姊妹溫泉酒店

食飽飽就回房準備走人

酒店送我們去巴士站

等咗一陣就可以上車啦！

（肥人已預先訂了巴士飛回大阪呢）

一個鐘既車程，瞓瞓瞓！

大阪酒店未可以checkin

唯有放低行李去食野先

大家都不算餓，去了吃烏冬！

飽飽就出發去大阪城啦！

天氣太熱，由地鐵站行到去大阪城外圍

見有便利商店人人都衝入去

買雪條/雪糕

肥人見呢包野好似幾得意

買包試試，又幾好味！

係冰提子！

終於行到去外圍！

人山人海呀！！！

本來團友想入去但見條龍, 馬上退縮！

影下相就算啦！

天氣實太熱

團友們各自去買冰/野飲

最後去大阪城內既商場走走, 吹吹微弱既冷氣~

靚靚Kitty，無理由唔課金

見有間牛肉店

點了牛肉壽司吃

肥人又買了牛肉餅但麻麻地！

柯南cafe

又到扭蛋時間

姨生仔有幾黑仔先可以連扭三隻Kitty?哈哈！

嘆杯咖啡

行過神社

夏天同冬天真係兩種感覺

小火車呀，來之前打算坐

點知見唔到, 但原來係另一個出口先有 :(

離開大阪城就出發去難波

因為要去Pokémon 商店 :)

Cafe訂唔到位…唯有去打卡一下 :)

百貨公司又有大量蛋扭啦！！

一扭就扭到Kitty :)

好可愛呀！

係百貨公司休息夠又扭夠蛋, 就出發去吃蟹啦~

一早訂了位~

餐廳安排左獨立房比我們~

由於場面極度混亂....肥人只影了少量食物!

啤酒點了很多..哈哈!!

肥人既套餐...點左個餐同上次東京一樣!

點了蟹壽司比小朋友吃~

套餐小吃

套餐包既蟹剌生~

呢份是單點的...

還點了一整隻蟹但我又忘了影相....

吃飽飽行番酒店...途經藥妝, 又去走走....

小朋友買了桃味水...本以為得個樣...但原來好好飲!

好有桃味!!

回到酒店馬上checkin, 是次住既東橫inn 是月頭開的

非常大非常新!

連checkin都自助用機去, 當然職員有協助你啦!

連房都比平時住開既大呀...今次好滿意呢!

Day 3完~