20221124@福岡 I

是日去中津

由博多出發，要坐個半鐘車

傻更更既肥人忘記咗長途車, 唔會用平日既機仔買飛

好彩售票處係附近

又好彩，無人買飛中

又又好彩，有個職員企係度

肥人二話不說，直接同職員說要去中津

她馬上幫我撳機買飛

由於她不懂英文

她用身體語言問肥人要不我要來回

另外一個問題，肥人真心不明白！

最後職員把機的語言轉

我再指給她看, 原來問我要指定席還是自由席！

本來一程要差不多4000円

二人來回差不多萬六円

職員幫我買來回，只需6600円

太太太好啦！

拎了飛，馬上衝, 因真的夠鐘了！

因去到中津還要轉巴士

而當地巴士班次很少，一個鐘先一班

如果肥人上不到8:20分班次的JR

後面的已經可以取消了！

當然，最後，肥人上到車啦！

中津係大分縣！

昏睡了個半小時，到著！

是日要遊覽耶馬溪

中津JR站旁有遊客中心

職員懂國語, 介紹及提供資料給我

好彩，原來肥人想去的那個租單車站(中途)今日休息！

要改去單車徑終點再踩回來, 不停留也要3個小時有多…..

(職員說終點那邊踩回來比較多落斜,會輕鬆點)

順利接駁10:10分的巴士

坐了一小時巴士

一落車，好鄉下，空氣好清新呀！

先去租單車

言語不通情況下, 租了一部電動一部普通

職員好努力講解今日某段路正在修要改道

還提供了地圖

了解完，出發！

天氣好好，氣溫好舒服！

不過踩單車時有點凍..哈哈!

可接受既凍~

原諒肥人上載太多相, 但真心想同大家分享眼前美景！

單車徑只有一條路, 不會踩錯的!

好高既樹，呢度周圍都有！

好寧靜好舒服, 一路只有我倆

人影都無個呀, 哈哈!

鄉郊地區

途經一個寺廟

紅葉梯好靚

不過肥人怕時間唔夠, 影了入口就繼續！

會經過唔少呢類隧道, 短短的, 隧道會比較凍...

好快..又來到一個景點啦！

繼續向前踩

沿途都好多靚靚風景

成段路有幾條不同既橋

突然見到棵山茶花, 好靚停留影相

原來呢度就係今日休息既租單車處

離開租單車處就繼續啦！

突然見到銀杏同紅葉種在一起, 好靚呢!

前少少還有大銀杏樹, 靚呀！

影完一輪又繼續

日本人真係好有心思, 連欄杆都有紅葉圖案

地下都有

來到要改道既地方, 但原路有好多紅葉呀！

肥人又影下相

圓形既建築物係圖書館黎

望住靚景睇書，心情會更好, 哈哈！

再前少少，紅葉更火紅更靚

可惜不能再向前了

因有工程，要改道了！

沿途都有指示-迂迴路

估計係河道工程

好快就可以踩回原定路線

又好快，靚景又來了！

大大棵紅葉呀！

銀杏路呀！

超靚呀！

成條路都鋪滿落葉, 紅紅黃黃好靚呀！

重點係無人啊, 肥人任影唔嬲啊！

本來肥人打定輸數

因網上查過, 耶馬溪已經過了見頃日

不過肥人覺得可以來踩單車欣賞鄉郊風景

最後決定來走走, 原來呢個決定是正確的！

沿路都仲有火紅紅葉欣賞呢！

突然見耶蘇光，又停低影相

當離開時，突然老公係後面講：有蛇呀！

嚇到我不停向前踩

原來肥人剛剛在它旁邊踩過

老公說以為我睇到，所以踩過少少避開

但肥人卻完全不知道, 真心好彩啊！！！！

老公說如果踩中就會踩中尾巴，它會馬上反撲

肥人應該被咬了！

肥人又心諗,應該剛剛停下影耶蘇光時

剛好停在蛇邊了...

怕啊怕啊，此地不宜久留, 快走走走!

到了另一個checkpoint, 影了相

又小心翼翼地到了另一條橋

(肥人一路都驚驚..不停望地下有沒有蛇)

又見銀杏路但肥人已不敢停車

邊踩單車邊影相就算了

(又因為-公車時間快到了

肥人怕趕不到，所以也不太敢慢慢影

公車走了要等兩個小時)

邊踩單車邊影

下午3點左右，已似黃昏了！