20221120@福岡

新鮮滾熱辣呀！

———————————————————————-

終於，飛啦！

左揀右揀，揀左從來未去過既福岡

（其實係錢問題哈哈）

午機去午機返

入境日本要稅上網填資料

至於點填肥人就唔分享啦！

去到機場，唔算太多人！

食個早餐再慢慢行去上機

準時飛

好熟悉又陌生既感覺！

窗口位睇雲，以前覺得無咩特別呀！

今次覺得好好睇:)

三個鐘就落地啦！

日本方面其實都好快

都會check你網上資料等等

福岡國際機場比較細

要坐接駁巴士去另一邊坐地鐵

福岡機場好近市區

車程8分鐘左右就到肥人今次住既站

今次再入住東橫inn

比之前既房大呀！

放低行李，我哋就出發去博多搵野食

行大約10分鐘就到！

博多站，好熱鬧呀！

今晚有點雨，但都無阻大家睇燈飾既熱情

聖誕樹好高好靚呀！

影左陣相就快快去搵食

拉麵一條街，好多都收11點

繼續向行，見到有層都係餐廳！

最後揀左食牛

好似好吸引咁

老公點了黑毛和牛

肥人傻更更點了普通牛

但以為自己點了和牛

日本既黑咖啡麻麻地

食飽飽走左過隔離鋪食甜品

晚上8點後某款雪糕有折

肥人咁精打細算當然要食:)

我都害怕阻人收工

現在還有兩位靚姨姨食緊

Yummy，而家睇番相都好想食:)

肥人點了抹茶味，全杯都抹茶

老公的是黑芝麻

下面的好像是咖啡

食完雪糕就返酒店

肥人經過某一層，應該是酒屋之類

間間仍然坐滿人，間間都熱熱鬧鬧呢！

行番去博多站

仍然好多人，有鋪頭仍未關門

肥人又去睇睇先！

九州出名明太子嗎？周圍都見啊！

好多明太子產品

仲有大量拉麵呀！

睇完鋪頭，準備離開博多站啦！！

站外燈飾仍然未關燈，又影下相先:)

行到返酒店附近，去便利店買水

順便睇吓野

睇雪糕啦薯片啦野飲啦

睇完一輪終於返酒店

原來酒店內都有呢類機買野飲呀！

夜麻麻唔想出去，都可以落樓撳番支呢！

第一日，完!