十週年紀念@Hotel Icon I

本來，肥人打算今年去馬爾代夫架

十年嘛

無得去，就訂間靚房嘆下啦 :)

左揀右揀，揀左尖東既Hotel Icon

好豪氣，訂左全層最大果間Club 80 :)

Check in唔需要係大堂，直接去28樓有專人幫你

個廳好大呀！

由房影番出去

床好大好舒服，呢度個賣點係海景

連浴室都有海景架

浴缸隔離就係淋浴設施

方便呀！！淋完身就去浸啦，哈哈

酒店浴室用既係澳洲牌子Appelles 

浴室邊就係衣帽間同廁所

酒店係提供Dyson風筒

肥人第一次用呢，風真係好強

頭髮好厚既肥人，都好快吹乾呢！

呢間房，茶水位所有野都係任食架！

有糖有花生有薯片

雪櫃有好多野飲呀！

都係任飲，不過肥人都係飲左一罐可樂咋！

根本都無時間飲其他嘢！