20191214 - heA爆快閃曼谷

今日第一個行程, 係買手信!
乖乖準時起身...先去7-11食個早餐先~

食飽飽就行去Tesco啦~

 好似同上次來唔同左...好多東東都移左位~

 呢個鍋好似幾好用...燒烤用~

 熊仔餅呀....隻公仔好得意~

用得最多時間既....梗係肥人最愛既薯片~

同老公最愛既麵....

 薯片呀.....................無新口味....

閃!

海鮮區好腥...快閃閃閃...

好多肉呀...都幾平~

 買完野就行返酒店啦~

泰國既膠袋真係好細個...

(請注意, 泰國由2020年1月1號開始無免費膠袋啦

大家要帶定環保袋呢)

 放低手信返酒店...休息左陣就出發去Icon Siam呢個新商場啦!

係免費船去既...

(肥人我都好耐無坐過船仔啦)

 今日天氣好好呀, 兩岸景色都不錯!

 好快就上岸啦!
聽講呢個新商場好大同好靚....

 一入去...又真係幾靚呀!!

 呢區係餐廳黎....本來肥人提議飲野野食件cake...
最後決定都係行下先...行前少少就開始平民化啦!

 好大隻老鼠呀...哈哈!!

 呢個出口係巴士上落區...外面有免費巴士去BTS站架!
見有姐姐開咪....肥人又企定定望下先!
原來係跳舞呀...

4位笑容甜美既靚女跳泰國舞~

肥人睇左陣就走啦~

係呢度...肥人同老公不停...食食食食!!!
因為好多小食...哈哈!

 好似有個市集係商場入面咁...
真係好舒服!
價錢都正常...我們係呢層...足足逗留左個幾鐘呢...
原隻椰皇..好正!!

 唔好再引我啦榴槤, 我嬲你架!!!!

比卡超..同minions 燈仔...

 其實呢度都真係幾靚呀!

 聽講...另一邊係日本百貨公司...
我們又去行下~

大大聖誕樹~

 好多市集仔...會唔會聖誕先有~?

 米奇都入鄉隨俗~

好快見到日本超市....好多人呀!
有好多熟食呀...日貨賣...
仲有和牛食呀!

薯條3兄弟呀!!!

搗亂完...我們又亂行啦!
又有野食...望落好似幾吸引...又食啦!!

呢度要坐係矮凳度食...
肥人忘記左自己著住短裙...
坐低同起身果下勁唔方便呢.....
 仲有好多泰國人一齊食!

 我倆都覺得麻麻地..哈哈!
不過試過就好!

 呢邊好多都係賣野食的~

 周圍走走....
見有泰奶茶...又買番杯嘆下!

 飲飽食醉啦...我們就坐船走啦~
打算去唐人街走走呢~

 商場外燈飾都好靚呀!