20191214 - heA爆快閃曼谷 I

去到碼頭有船仔...即衝呀!
雖然無位坐...但唔想等下一班船仔...
而且好快就埋岸架啦!
黃昏河邊好靚呀!

 落船見到有雙條車...
老公話呢部舊到應該開唔到...
雙條車去邊我們不太清楚..但見好多泰國人上車呢~
 肥人係船上諗起...好多谷友推薦既張源香係附近..
就決定去望望啦!
呢度原來都有商場...隔壁仲有個夜市仔!

商場對面就會見到張源香!

肥人見到有腰果酥呀..就自己去拎3盒...
等比錢時有位男士係入面行出黎同肥人講: 擺低係度先啦!
嘩...廣東話呀!!
跟住仲聽到位男士用廣東話聽電話呢...哈哈!
收錢時有位泰國姨姨都用廣東話同我講幾錢..
我問姨姨點解你識廣東話既~?
姨姨答我: 少少...
依...算唔算聽到明呢佢~?哈哈!

買完野行去坐BTS途中....
肥人: 要唔要坐船仔去唐人街呀? 其實呢個碼頭都有船仔去!
最後我們買飛排隊坐船仔啦!

 湄南河 真係好靚呀~

 兩岸景色好迷人~
又經過Icon Siam~

本以為唐人街好多人落..點知無!

船仔一埋就即落客上客...

所以應該未停定就要起身去船尾...

衝呀...好彩職員姐姐見到我們想落船...

不停揮手叫我快點!

係肥人回憶入面....第一美味既香蕉pancake...

是在呢個碼頭外食既!

肥人同老公講, 他說:但你呢個回憶係七年前架啦.... 

就算見到有賣...都未必係同一檔啦!

行行下真係見到有一檔....肥人諗左陣...

決定照買黎試......

 結論係: 一定唔係同一檔!!

 失望地繼續向唐人街出發!

 泰皇好似前幾日來過....好多掛彩呢~

 依...今晚唐人街發生咩事~? 人迫人...
人多到呢.....

好多餐廳都大排長隊!!

因為開通左地鐵既關係嗎?

 肥人同老公唔算太餓..都係周圍走走..
來既目的是為了幫妹妹買林珍香~

不過見到小吃同水果.....又會忍不住呢... 

 二十珠有包青芒...即買!
呢包青芒絕對難忘...好吃到不得了!!!!
連平日對青芒沒太大興趣既老公都吃不停!!
大家都一條接一條!!

見到波波腸...即買...可惜又是粉絲...

人太多啦...我們決定閃...

行去地鐵站先!

發現地鐵站旁仲有條街...人少點..

好, 行下先!

Tuktuk等客...

行行下見到有間餅店...門口對獅好好好好靚...

肥人第一次見...老公話素食供品黎......

肥人上網睇:

係花生和糖漿混合, 再以麵粉揉搓出獅頭和身上紋路，再刷上彩色糖漿，都是以手工製作。

當晚都見到鋪內有人正在整既獅子
呢度仲有月餅賣架!

 其實都好人山人海...哈哈!

 行到尾又轉第二條路行番去地鐵站啦!

行左條好似海味雜貨街...

 再見啦唐人街!

 一入地鐵站...嘩...
好多人排隊買車票....

 呢個站既特色..哈哈!!

我們要地鐵轉BTS, 係Sala Daeng轉...

 由地鐵站行去BTS, 今次揀左地面行...
竟然..就係呢條路..
肥人終於搵到我夢寐以求既正宗波波腸!!
(已經係最接近回憶中既味道)

好慘呀肥人...呢條路肥人常常都會行過

但次次都行天橋無行地面..

原來....正宗波波腸就係地面等肥人!!!!!

 世界上最遙遠的距離..肥人今日深深體驗到!!!

 食左波波腸就坐BTS返酒店啦...
未吃晚餐...但又唔算太餓..
決定去MBK樓下既夜市仔行下..
呢度既食物價錢都貴過其他呢....

最後我們食左串大魷魚加杯泰奶茶就算啦!

今天雖然無點食正餐...但好像都沒餓過呢~

 上番BTS平台...見到靚靚裝飾...又影下相~

今晚最後一晚啦...已經唔捨得曼谷啦!

一年左右來左3次曼谷...

我諗...肥人應該2021年前都唔會再來曼谷啦!