20191211 - heA爆快閃曼谷

話說...本來老公今年沒空跟肥人外遊
點知十一月時他發現, 原來有幾日假可用..
本來...他想做孝順仔同奶奶去旅行..
點知...奶奶話12月好忙, 唔得閒去....
所以......就出現左呢次快閃之旅啦~

由於買package同出發只係兩星期左右既事..
所以-肥人就是是旦旦點左不需要plan行程既曼谷啦!

人係會重覆犯錯的, 特別係肥人...

明明話左唔再買太早既機..點知...

肥人又坐頭班車出發去機場啦....

 (有人尋晚好夜先收工..再執埋行李...
大家都只係訓左兩個鐘就去機場啦)

 唔理三七廿一...肥人一上到機九秒九就訓左...
直到開餐.....食左兩啖就放棄左啦...
勁難食呀個飛機餐, 連老公都話好難食呢....

泰國今年既天氣聽講會涼...
的確...肥人落機時著長衫長褲, 直到去到酒店都無出過汗呢~

是次目標....要來泰買Kitty兔仔卡... 

目標完成後就碌返酒店啦...哈哈!

 未夠鐘Check-in...去MBK食個lunch先~

揀左牛肉湯粉....湯底好濃, 幾好味~

 再買番串波波腸同奶茶嘆下先...

MBK呢串波波腸, 個餡終於唔係粉絲啦!

暫時係曼谷食過最接近記憶中既味道~

(是次來泰, 肥人食左好多串波波腸..

終於..搵到最接近既泰北口味啦)

係MBK碌來碌去..走來走去..

走到夠鐘返酒店啦...返去check in先~

行過BTS站...又見到黑糖珍珠奶茶...

來泰多日, 差不多日日都見到不同既鋪都有..

次次都搞到老公心郁郁...哈哈!

返酒店換件衫, 等肥人執番好d眼耳口鼻先再出發~!