20191104 - 再遊釜山

是日會好長篇呀, 相太多啦~~~
-----------------------------------------------------------------
今日join左團去內藏山一日
人地叫內藏山呀我兩個朋友就成日叫人做內臟山!
晨咁早集合..因為今日要坐好多個鐘車...
不如大家估下坐左幾耐車呀?

太早啦...我們三個都食唔落早餐
上左旅遊車直接就搵周公子啦~
中途會停車比大家去下洗手間...
肥人去左7-11買野飲~
上車繼續同周公子傾計....

第一站...食飯!

都好, 肥人都餓了~

食飽飽再上車啦...係山腳有少少塞呢...
導遊小姐話上星期來時係全綠的...呢個星期先開始轉色~
塞車係因為好多韓國人都會來睇紅葉...


塞塞塞塞同塞...終於落車啦~

肥人同朋友周圍行下再影下相...
以為3.5小時好多時間...但其實影影下都唔多時間呢..
由落車位行到去寺...都要1-1.5小時呀!

人超多, 導遊小姐叫我地要跟實...因為要買飛入埸架!

沿途都有紅葉架...肥人都偷偷地影左唔少...haha

去到呢個入口...導遊小姐再點多一次人數!
就買飛入場啦!

自由活動啦....3.5小時後再集合

開始亂影一餐啦!

係呢個山...肥人同朋友都被韓國大媽多數推開..
韓國既紅葉多數都偏橙~?

好難得有紅紅既紅葉..

看到人流嗎?呢條路既人流係不停的...

韓國大媽們擺既post...絕對拍得上某國大媽...
估計兩國大媽可以比併一下!

銀杏也有呢..不過不多~

肥人喜歡這棵...帶綠又有紅..

終於行到其中一個景點....

呢個位置係台灣人話我地知的..
我們見人影緊又走去睇睇...呢個位不錯喔....
排隊先..
台灣人影完仲講心得比我們聽..真好人!

影完湖好快就到寺啦~

人呀人呀人呀人呀...

係寺行左一圈...決定走啦~
因為已經過左兩個鐘啦!

終於見到無人既地方..又影!!

下山啦..長長既人龍...

導遊小姐介紹過山下有小食檔..
其中一種就係紅豆餅, 我們又買來試試!

新鮮熱辣辣..好正呀!
可能係我們太餓了...

發現有柿乾, 肥人即買..上次係慶州買過盒覺得好好食...
比左錢之後阿珠媽扯住我
原來佢用個膠袋再入堆柿乾請我們食...太好人啦~

走啦, Byebye啦內藏山~

上車後好快又同周公子相會...

返到西面, 我們就去搵食啦...
朋友A想試豬腸但朋友B唔吃..所以不能去豬腸專門店..
第一晚見到西面有間店有燒肉又有豬腸..就決定去食啦~
入到去先知..原來係一個價錢5款食物任食的~
每位W12300
另外要加W2500開爐費~

先叫一轉...豬腸加五花腩...

太餓啦..好快就掃晒~

叫第2轉豬腸...明顯比第一轉多好多呀...

第二轉豬肉要薄既五花...

食燒肉當然要啤啤佢啦..haha
難得同行朋友都飲既~

食飽飽又行返酒店啦...又去左魚糕一條街..
最後衝刺, 早兩晚見到個伯伯食白色舊野..今晚肥人又試..
類似蒟蒻既食物...

唔好以為完啦....
去到酒店樓下見到提子沙冰未關..
肥人講左幾日要飲既提子沙冰..哈哈!
最後一晚終於飲到啦...
提子香口膠味, haha~

開估啦:

最後我地全日坐左成8個鐘車...
景點只逗留左3.5小時...