20191103 - 再遊釜山 I

上次同朋友來釜山, 甘川洞落大雨..
所以今次她只有一個要求, 就係去甘川洞啦!
先去食早餐...今日想食韓國野做早餐!
又係是旦入一間...

叫左一個早餐set, 加一碗刀削麵..
及一碟煎餃子~

肥人唔愛食餃子, 不過都食左一兩件..

因為煎到好脆卜卜又唔厚皮~

食飽飽我地就坐地鐵轉巴士去甘川洞啦~
又係總站上車..又有位坐lu, yeah!

今時今日既甘川洞..只能說...人山人海喔~
仲好多著韓服既人..
(本來朋友都話著...不過最後都係算)

今次都係周圍走走就算~

小王子條龍....真係恐怖到呢......
最後我們決定...去CAFE坐下就算啦!
揀左小王子附近既Voda Vom Cafe
有三層...去左天台影下相~

係天台曬左一陣..頂唔順...返左落下層..哈哈!

飲完先發現..隔離果間cafe仲靚~

人山人海..我們決定撤退了~
(年紀大左, 唔想同人迫呢)

唯一既紅葉..哈哈!

行去巴士站途中見到玫瑰花呀...

肥人之前兩次都睇唔到...

一上巴士係無位坐..點知有幾個男仔係下一站落車..
yeah...我地三個都有位坐啦!
睇住地圖..見差不多到札嘎其站就落車啦...
又亂黎啦..哈哈!

錯有錯著...原來豬手一條街就係附近...
好多海鮮餐廳..不過朋友話第一晚食左同尋晚又食左蟹..唔再食~

去到豬手一條街..無做功課既我們...又亂入啦!

好多豬手呀..

好多間都話自己係元祖..哈哈!

三人入面有一個麻麻地愛..所以叫左碟細既..
好彩...細都好大碟架!!

唔愛既朋友話因為係首爾食過, 好勁豬so味..
黎到當然叫佢試一件啦...
試完她覺得好食過首爾呀!
都好好味, 最後她都吃不少~

肥人最愛食紫蘇葉呀..包住豬手都好好味架~

最底係骨頭黎, 我見韓國人會食埋骨頭上既肉..
肥人都食左一件...不過太飽啦..
最後都淨左幾舊呢....