泰泰泰手信篇

今次肥人買左好多麵同薯片返黎呀..hahaa

麵多數都係冬蔭公味同以前都有買..所以唔講啦~

今次主要講米粉..呢包米粉..肥人係比個蟹鉗吸引左..

點知...係福米泰辣版...

辣到肥人顛左...仲濁親...

即晚就開始喉嚨痕...最後仲病左..哈哈!

到而家肥人都唔敢煮第二次黎食..

薯片..向來都係肥人至愛..

肥人係超市千揀萬揀...(因為樣樣都想要但喼無位)

揀左呢兩款返黎...做手信....細細包, 一排有十包~

Lays 我食開....自己入左兩包中size..其他就做手信!

Tasto蟹肉咖喱薯片, 肥人又被蟹鉗吸引左.

返到黎我偷食左包..好正喔!!!!

早知入多兩包中size..嗚嗚!

身為主婦既肥人, 係超市見到冬蔭公湯粒...

嘩..即入...送禮自用都好正!!

(肥人上星期用左黎煮冬蔭公湯..好方便又好味呢)

龍頭肉..係MBK買的...

99話好靚好厚身....50蚊抵呀!

仲買左4個芒果返黎!

有兩個係媽咪既手信...兩個就係肥人自食...

可惜無手...唔係就買多幾個..哈哈!

好甜....啖啖肉..正呀!

都話shopping要有伴..

上次肥人忍得住無買既泰國香水..今次失手了~

呢個樽真係好手靚..當然味道都好聞先買..haa

仲買左少少香氛返黎, 擺廁所用..hahaha

朋友托我買蚊膏..我都唔知邊隻好..

見Waston有..就買左啦...

泰國油雞正式完場lu~