20190615 - 台北HEA遊

最後一日終於等到太陽啦!

我倆晨早流流就起身check out 然後去7-11食早餐!

食飽飽就出發去北投那邊坐小巴上山去~

天氣太好了...太開心了~

Google話上山要個半鐘...老公一上車就安心補眠..
肥人太興奮所以無訓.......
坐坐下覺得奇怪...因為已經到左陽明山....
開map睇下自己係邊...竟然真係到左....
即刻叫老公起身落車....
只係半小時..我地就上到山啦~

山上天氣都好好....仲好熱呀!

是日我地係要睇繡球花...
肥人好中意繡球花架...
去左"午後陽光"...入場費每位100台幣..
可用來場內消費...但只有繡球花賣..哈哈!

連落幾日雨....店家可能想吸引人來...
所以...入場人士係fb打卡可以有一個免費繡球花花束..
本來肥人無拎..因今晚回港唔想帶...
但影多幾張相就發現自己兩手空空....有少少奇怪..
最後就打卡拎左個花球影相啦...

朋友話以為肥人影post wedding 相呢..hahhaa

個花場其實唔算好大..但好多繡球花...亦有好多影相位..
肥人十點左右就來到..人會少一點..不用排隊...
12點個個影相位都要排隊啦~

警告: 以下照片內含肥照....各位請小心...

肥人離開花場先發現....影到好多繡球花既相..張張都有肥人係度..
所以..就算怕嚇親大家...肥人都要post 肥照出來..哈哈!
(因為肥人掛住同花花影相..所以張張都有自己囉)

場內藍色花花比紫色多...

落左幾日雨..好彩花花仍然靚靚呢...

全場....

呢張真係好震撼...可惜...無花花獨照...
唯有睇埋肥人..haha
角落度有個女仔頭..果度就係下面張相既影相位啦....

肥人好開心呢...真係好多繡球花...

仲唔捨得走...

唯一既紫色花區...

d花花真係大個我個頭架...

影左兩個鐘啦..真係要走啦!

離開啦~

有機會要再黎一次..haha!

午後陽光對面有另一個繡球花場的..本來肥人打算去埋..

但已經12點...怕下山會塞...最後放棄左~

(加上對面個花場都係藍花為主..)

打卡送既花球..影完相都謝左少少啦!

去到車站等小巴落山....由於係花季..班次都好密..

大約十分鐘就會有一部小8/小9/128

半小時就到北投...我地先去醫肚....

是日入一間...但肥人覺得來台幾日...最差既一餐!

明明有唔少台灣人食...可能陣味係肥人唔慣...

食飽見有街市...又去行下..
水果比尋日買既平....

行完街市我地就搵野飲...太熱啦..

最後飲左Coco..係香港都未飲過Coco..

不過已經熱到唔想再行...快快order 快快解左熱先...

仲有時間呢..不如去台北車站行下..睇下有無時間食下pancake先..
Gogogogogo

最後...肥人係無食pancake...因為...去左....

SHOPPING...

Wahahaaaaaaaaaaaaaa

返到酒店再執執戰利品....就去機場lu...

係機場食多餐...就上飛機啦.....台灣..byebye啦~

(明明去到機場仲有成2個幾鐘先close閘..

到肥人坐定定開始食野時發現...依...點解得番九個字~?

最後拿拿聲掃入口...再過海關...

未去到登記口已經見到職員舉牌問有沒有香港航班既乘客...

又係我啦...又係final 啦...)

港航晚餐...又係包包....都岩既...
短程其實食包包仲好過慢慢派餐又收餐~

台北....希望下次再來唔係三年後啦...bye~